04-Dec-2023

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ ):  ବୌଦ୍ଧ ଜିଲ୍ଲା କଣ୍ଟାମାଳ ସରସ୍ଵତୀ ଶିଶୁ ବିଦ୍ୟା ମନ୍ଦିରର ଶିଶୁ ବାଟିକା ବିଭାଗ ତରଫରୁ କନ୍ୟା ଶିବିର ଓ ମାତୃ କର୍ମଶାଳା ଅନୁଷ୍ଠିତ ହୋଇ ଯାଇଛି | ଏହି କର୍ମଶାଳାରେ ମୁଖ୍ୟଅତିଥି ଭାବରେ ପ୍ରଜାପିତା ଇଶ୍ୱରୀୟ ମହାବିଦ୍ୟାଳୟର ସଂଚାଳିକା ସଂଜୁଲତା ଯୋଗ ଦେଇ ପ୍ରଦୀପ ପ୍ରଜ୍ବଳନ କରି ଉଦ୍ଘାଟନ କରିଥିଲେ | ମୁଖ୍ୟବକ୍ତା ଭାବରେ କଣ୍ଟାମାଳ ସଂକୁଳ ପ୍ରମୁଖ ତଥା ଅବସରପ୍ରାପ୍ତ ଅଧ୍ୟାପକ ସନ୍ତୋଷ କୁମାର ବିଶି ଯୋଗଦେଇ ମାଁମାନେ ହିଁ ଶିଶୁମାନଙ୍କର ପ୍ରଥମ ଗୁରୁ , ତେଣୁ ସମସ୍ତ ମାଆ ନିଜ ଶିଶୁପ୍ରତି ଯତ୍ନବାନ ହେବା ଆବଶ୍ୟକତା ଉପରେ ମାଆମାନଙ୍କୁ କହିଥିଲେ। ସେହିପରି ସମ୍ମାନିତ ଅତିଥି ଭାବରେ ପୂର୍ବତନ ସଂକୁଳ ପ୍ରମୁଖ ଅବଧୂତ ସାହୁ ଯୋଗ ଦେଇଥିଲେ | ପ୍ରଧାନ ଆଚାର୍ଯ୍ୟ ଭଗବାନ ମନହିରା ସ୍ବାଗତ ଭାଷଣ ଦେଇଥିଲେ | ଶିଶୁ ବାଟିକା ବିଭାଗର କନ୍ୟା ଶିବିର ଓ ମାତୃ କର୍ମଶାଳାରେ ଶିଶୁ ବାଟିକା ପ୍ରମୁଖ ସାବିତ୍ରୀ ସାହୁ ମାତୃକର୍ମଶାଳାର ଉଦ୍ଦେଶ୍ୟ ସମ୍ପର୍କରେ ଆଲୋକପାତ କରିଥିଲେ | ଗୁରୂମା ପଦ୍ମା ବସ୍ତିଆ ଅତିଥି ପରିଚୟ ପ୍ରଦାନ କରିଥିବା ବେଳେ ଗୁରୁଜୀ ସୁଶାନ୍ତ ସାହୁ ମଞ୍ଚ ପରିଚାଳନା କରିଥିଲେ | ଉକ୍ତ କାର୍ଯ୍ୟକ୍ରମରେ ୫୨ଜଣ ମାଆ ଅଂଶଗ୍ରହଣ କରିଥିବା ବେଳେ ଶିଶୁ ମନ୍ଦିରର ସମସ୍ତ ଗୁରୁଜୀ ଗୁରୁମା ସହଯୋଗ କରିଥିଲେ | ବିଭିନ୍ନ ପ୍ରକାର ଖେଳ, ଭାଷା ବିକାଶ ପୁସ୍ତିକାର ପ୍ରୟୋଗ, ହସ୍ତକର୍ମ, ବିଜ୍ଞାନ ପ୍ରୟୋଗ କର୍ମଶାଳା ଆଦି କ୍ରିୟାକଳାପରେ ମାଆମାନେ ସକ୍ରିୟ ଅଂଶ ଗ୍ରହଣ କରିଥିଲେ| କନ୍ୟା ଶିବିରରେ ପ୍ରଜାପିତା ବିଦ୍ୟାଳୟର ବ୍ରହ୍ମକୁମାରୀ ସଞ୍ଜୁଲତା ଭଉଣୀମାନଙ୍କର ସଂସ୍କାର, ଆତ୍ମସୁରକ୍ଷା, ସମୟାନୁବର୍ତ୍ତୀତା, କର୍ତ୍ତବ୍ୟନିଷ୍ଠା ପ୍ରତି ସଚେତନ ମୂଳକ ବାର୍ତ୍ତା ପ୍ରଦାନ କରିଥିଲେ | ଗୁରୁମା ସୁଚିତ୍ରା କୁମାରୀ ସାହୁ ଓ ବାସନ୍ତୀ ସାହୁଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଶିଶୁ ଭାଇଭଉଣୀମାନଙ୍କ ମଧ୍ୟରେ ରଙ୍ଗୋଲି ପ୍ରତିଯୋଗିତା ଅନୁଷ୍ଠିତ ହୋଇଥିଲା | କୃତି ଶିଶୁମାନଙ୍କୁ ଅତିଥିଙ୍କ ଦ୍ଵାରା ପୁରସ୍କୃତ କରାଯାଇଥିଲା।ସମ୍ପାଦକ ଶେଷଦେବ ବଗର୍ତ୍ତି ଧନ୍ୟବାଦ ଅର୍ପଣ କରିଥିଲେ |