04-Dec-2023

ଖପ୍ରାଖୋଲ, (ବେଦବର ଛତ୍ରିଆ) ବଲାଙ୍ଗୀର ଜିଲ୍ଲା ଖପ୍ରାଖୋଲ ସ୍ଥିତ ଠିପି ବନ୍ଦ ବିଦେଶୀ ମଦ ଦୋକାନରେ ରବିବାର ଅପରାହ୍ନ ସମୟରେ ମଦ ବିକ୍ରେତା ଙ୍କୁ ତିନିଜଣ ଯୁବକ କାଠ ଫାଳିଆରେ ଆକ୍ରମଣ କରିଥିବା ଜଣାପଡିଛି l ସୂଚନା ଅନୁସାରେ ରବିବାର ଅପରାହ୍ନ ୪ଟା ବେଳେ କିଛି ଯୁବକ ମଦ କିଣିବାକୁ ଆସିଥିଲେ ମଦ କିଣି ସାରିଲା ପରେ ପାଖରେ ଥିବା କୌଣସି ସ୍ଥାନରେ ମଦ ପିଇ ପୁଣି ମଦ କିଣିବାକୁ ଆସି ବିନା ଟଙ୍କାରେ ମଦ ମାଗିଥିଲେ ପରେ ଅଳ୍ପ ଦାମ ଦେଇ ମଦ ନେବାକୁ ଚେଷ୍ଟା କରିଥିଲେ ଦୋକାନ କାଉଣ୍ଟର ରେ ଥିବା ଗୋପାଲ ପ୍ରସାଦ ପୁରା ଟଙ୍କା ମାଗିବାରୁ କାଠ ଫାଳିଆରେ ତାକୁ ଆକ୍ରମଣ କରି ଲହୁ ଲୁହାଣ କରିଦେଇଥିଲେ l ଏସବୁ ଦେଖି ଦୋକାନର ମେନେଜର ନିଜ କର୍ମଚାରୀକୁ ବଞ୍ଚେଇବାକୁ ଆସିଥିବା ସମୟରେ ତାଙ୍କୁ ମଧ୍ୟ ଆକ୍ରମଣ କରି ଲହୁଲୁହାଣ କରିଦେଇଥିଲେ l ଏସବୁ ଦୃଶ୍ୟ ଦୋକାନରେ ଲାଗିଥିବା ସିସିଟିଭି କ୍ୟାମେରାରେ ରେକର୍ଡ ହୋଇଥିବା ଜଣାପଡିଛି l ଏନେଇ ମଦ ଦୋକାନ ମ୍ୟାନେଜର ଧୀରେନ୍ଦ୍ର ଖପ୍ରାଖୋଲ ଥାନାକୁ ଫୋନ କରି ଘଟଣା ବିଷୟରେ ଜଣେଇ ଥିଲେ l ଘଟଣା ବିଷୟରେ ଖବର ପାଇ ଖପ୍ରାଖୋଲ ପୋଲିସ ସଙ୍ଗେ ସଙ୍ଗେ ଘଟଣା ସ୍ଥଳରେ ପହଞ୍ଚି ତିନି ଜଣ ଯୁବକଙ୍କୁ କାବୁ କରିବାରେ ସକ୍ଷମ ହୋଇଥିଲା l ଗୁରୁତର ଆହତ ହୋଇଥିବା ଗୋପାଲ ପ୍ରସାଦ କୁ ଖପ୍ରାଖୋଲ ଡାକ୍ତରଖାନା ରେ ପ୍ରାଥମିକ ଚିକତ୍ସା ପରେ ପାଟଣାଗଡ଼ ଡାକ୍ତରଖାନା କୁ ଓ ପରେ ବୁର୍ଲା ସ୍ଥିତ ଘରୋଇ ଡାକ୍ତରଖାନା (ବିକାଶ ବିନାୟକ ଡାକ୍ତରଖାନା )କୁ ସ୍ଥାନାନ୍ତର କରାଯାଇଥିବା ବେଳେ ଗୁରୁତରବ୍ୟକ୍ତି ଜଣକ ୧୨ ଘଣ୍ଟାରୁ ଅଧିକ ସମୟ ଚେତାଶୂନ୍ୟ ହୋଇ ରହିବା ପରେ ଆଜି ତାର ଅସ୍ତ୍ରୋପଚାର ଚାଲିଥିବା ସମୟରେ ମୃତ୍ୟୁ ହୋଇଥିବା ସୂଚନା ମିଳିଛି l ଏନେଇ ଖପ୍ରାଖୋଲ ଥାନା କେସ ନଂ-୧୦/୨୦୨୩ ରେ ଗୋଟିଏ ମାମଲା ଋଜୁ ହୋଇ ତିନି ଜଣ ଅଭିଯୁକ୍ତ ଯୋଗେନ୍ଦ୍ର ବରିହା(୩୦), ଲକ୍ଷ୍ମଣ ଦାସ(୩୧), ବିଶ୍ୱନାଥ ନିଆଲ(୨୯) କୁ କୋର୍ଟ ଚାଲାଣ କରାଯାଇଥିବା ବେଳେ ଘଟଣାର ଅଧିକ ତଦନ୍ତ କରୁଥିବା ଖପ୍ରାଖୋଲ ଥାନାଧିକାରୀ ରମାକାନ୍ତ ସାହୁ ସୂଚନା ଦେଇଛନ୍ତି l