04-Dec-2023

ନବରଙ୍ଗପୁର (ମିହିର ଶଙ୍କର ପାତ୍ର,)
ଦକ୍ଷିଣ -ପଶ୍ଚିମ ବଙ୍ଗୋପ ସାଗର ରେ ଉଠିଥିବା ସାମୁଦ୍ରିକ ବାତ୍ୟା "ମିଚୌଙ୍ଗ "ବର୍ତମାନ ଚାଷୀ ମାନଙ୍କ ଚିନ୍ତାର କାରଣ ପାଲଟିଛି |ଭାରତୀୟ ପାଣିପାଗ ବିଭାଗ ଦ୍ୱାରା ଦିଆଯାଇଥିବା ସୂଚନା ପ୍ରକାରେ ଏହି ବାତ୍ୟା ଫଳରେ 80ରୁ 90କିଲୋମିଟର ବେଗରେ ପବନ ବହିବା ସହିତ ପ୍ରବଳରୁ ଅତି ପ୍ରବଳ ବର୍ଷା ହେବାର ସମ୍ଭାବନା ରହିଛି |ଡିସେମ୍ବର 5ତାରିଖରେ ଆନ୍ଦ୍ରପ୍ରଦେଶ ର ଉପକୂଳ ଛୁଇଁବ ଓ ପବନର ବେଗ ଘଣ୍ଟା ପ୍ରତି 100କିଲୋମିଟର ରହିବ |ଉଭୟ 5 ତାରିଖ ଓ 6 ତାରିଖରେ ଓଡିଶାର ମାଲକାନଗିରି, କୋରାପୁଟ, ରାୟଗଡା,ଗଜପତି,ଗଞ୍ଜାମ,ନବରଙ୍ଗପୁର,କଳାହାଣ୍ଡି,କନ୍ଧମାଳ,ପୁରୀ, ନୟାଗଡ, ଖୋର୍ଦ୍ଧା,ଜଗତସିଂହପୁର, କଟକ,ଆଦି ଜିଲ୍ଲା ମାନଙ୍କରେ ହାଲୁକା ରୁ ମଧ୍ୟମ ଧରଣର ବର୍ଷା ହେବ ବୋଲି ଭାରତୀୟ ପାଣିପାଗ ବିଭାଗ ସତର୍କ ସୂଚନା ଦେଇଛି |ନବରଙ୍ଗପୁର ଜିଲ୍ଲାରେ ବର୍ତମାନ ଧାନ ଅମଳର ସମୟ ଚାଲିଥିବା ବେଳେ ଜିଲ୍ଲାର ଅଧିକାଂଶ ବିଲରୁ ଧାନ ଉଠିନି |କିଛି ଚାଷୀ ଏଯାଏ ଧାନ କଟା କାମ ସାରିନଥିବା ବେଳେ ଅନେକ ଚାଷୀଙ୍କ ବିଳରେ କଟା ଧାନ ସବୁ ପଡ଼ିରହିଛି |ବାତ୍ୟା ଆସୁଥିବା ଜାଣି  ଅଂଚଳର ଚାଷୀସବୁ ତରବରିଆ ଭାବେ ବିଲରେ ଥିବା ଧାନ ସବୁକୁ ଖଳାକୁ ଘେନି ଆସୁଥିବା ଦେଖିବାକୁ ମିଳିଛି |କିଛି କିଛି ଚାଷୀ ଧାନ ବିଲରୁ ଧାନ ହଟେଇବା ପାଇଁ ଟ୍ରାକ୍ଟର, ପିକ ଅପ ସବୁର ବ୍ୟବହାର କରୁଥିବା ବେଳେ କିଛି କିଛି ଚାଷୀ ଶ୍ରମିକ ମାନଙ୍କ ଦ୍ୱାରା ଭାରରେ ଓ ମୁଣ୍ଡରେ ଧାନ ଭାରା ବୁହେଇ ଧାନ ସବୁ ନିଜ ନିଜ ଖଳାକୁ ଆଣୁଥିବା ଦେଖିବାକୁ ମିଳିଛି |ଯେଉଁ ଚାଷୀ ମାନଙ୍କ ବିଲରେ ପାଣି ଜମିରହିଛି ସେସବୁ ଚାଷୀ ବର୍ତମାନ ବଡ଼ ଚିନ୍ତିତ ଥିବା ଦେଖିବାକୁ ମିଳିଛି |ଚାଷୀଙ୍କୁ ଆବଶ୍ୟକ ସମୟରେ ଓ ଆବଶ୍ୟକ ମୁତାବକ ଶ୍ରମିକ ମିଳୁନାହାଁନ୍ତି ତେଣୁ ବାତ୍ୟା ଯୋଗୁଁ ବିଲରେ ପଡ଼ିରହିଥିବା ଧାନ ସବୁ ବର୍ଷାରେ ଭିଜିଯିବ ବୋଲି ଦୁଃଖ ପ୍ରକାଶ କରିଛନ୍ତ