14-Oct-2023

ଡୁଙ୍ଗୁରିପାଲ(ଅରବିନ୍ଦ ମିଶ୍ର)- ନବୀନ ସରକାରଙ୍କ ବିକାଶ ବାର୍ତ୍ତା ଜନସାଧାରଣଙ୍କ ନିକଟରେ ପହଞ୍ଚାବା ପାଇଁ ବିଜୁ ଜନତା ଦଳ ପକ୍ଷରୁ ଅକ୍ଟୋବର ୨ ଗାନ୍ଧିଜୟନ୍ତୀରୁ ସାରା ରାଜ୍ୟରେ ଜନ ସର୍ମ୍ପକ ସଚେତନତା କାର୍ଯ୍ୟକ୍ରମ ଆରମ୍ଭ ହୋଇଯାଇଛି ।  ଏହି ପରିପ୍ରେକ୍ଷୀରେ ଆଜି  ସୋନପୁର ନିର୍ବାଚନ ମଣ୍ଡଳୀ ଡୁଙ୍ଗୁରିପାଲି ବ୍ଲକରେ ଉକ୍ତ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଡୁଙ୍ଗୁରିପାଲି ୨୬ନମ୍ବର ଜାତୀୟ ରାଜପଥ କଡରେ ଥିବା କପିଳେଶ୍ୱର ଶିବ ମନ୍ଦିରରୁ ବ୍ଲକ ବିଜେଡି ସଭାପତି ହିମାଂଶୁ ଶେଖର ବିଶ୍ୱାଳଙ୍କ ନେତୃତ୍ୱରେ ବାହାରି  ରାମପୁର ଛକ, ଥାନା ଛକ, ସହଲା କେନଲା ଛକ, ଷ୍ଟେଟ୍ ବ୍ୟାଙ୍କ, ଆରଏମସି ଛକ ଦେଇ ଆରଏମସି ପରିସରରେ ପହଞ୍ଚିଥିଲେ ।  ଏହି ଅବସରରେ ମୁଖ୍ୟ ଅତିଥି ଭାବେ ସୋନପୁର ବିଧାୟକ ତଥା ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ତଥା ସଂସଦୀୟ ବ୍ୟାପାର ମନ୍ତ୍ରୀ ନିରଞ୍ଜନ ପୁଜାରୀ ଯୋଗ ଦେଇଥିଲେ ।  ରାଜ୍ୟ ସରକାରଙ୍କ ବିଭିନ୍ନ ଲୋକହିତକର ଯୋଜନା ବିଷୟରେ  ଲୋକଙ୍କୁ ଅବଗତ କରାଇଥିଲେ ।  ଲୋକମାନଙ୍କ ପାଇଁ ଏବଂ ଲୋକମାନଙ୍କ ଦଳ ବିଜେଡି ଦଳ ବୋଲି ବିଭିନ୍ନ ଯୋଜନା ମଧ୍ୟରେ ବିଜୁ ସ୍ୱାସ୍ଥ୍ୟ କାର୍ଡ, ଲକ୍ଷ୍ମୀ ଯୋଜନାରେ ଗ୍ରାମାଞ୍ଚଳରେ ବସ ଚଳାଚଳ, ପ୍ରତ୍ୟେକ ଗାଁକୁ ପକ୍କା ସଡକ, ୫ଟି ଯୋଜନାରେ ସ୍କୁଲ ଗୁଡିକର

ରୁପାନ୍ତର, ଶ୍ରମିକମାନଙ୍କୁ, ଶ୍ରମିକମାନଙ୍କ ପରିବାରକୁ ସହ ଯୋଗ ଉପରେ ଆଲୋକପାତ କରିଥିଲେ । ସୋନପୁରଠାରେ ନିର୍ମାଧିନ ଡାକ୍ତରଖାନା ଏହି ଅଂଚଳ ପାଇଁ ଏକ ବିକାଶର ମାଇଲଖୂଣ୍ଟ ବୋଲି କହିଥିଲେ । ନବୀନ ସରକାର ଲୋକଙ୍କ ପାଇଁ ଏବଂ ଲୋକମାନଙ୍କର ବୋଲି କହିଥିଲେ । ଏହି ଦଳର ନେତାକର୍ମୀମାନେ ଲୋକମାନଙ୍କ ପାଇଁ ସବୁବେଳେ ପ୍ରସ୍ତୁତ ରହିଛନ୍ତି । ମହିଲାମାନଙ୍କ ବିକାଶ ପାଇଁ ସରକାର ସବୁବେଳେ ବିଭିନ୍ନ ଯୋଜନା କରିଛନ୍ତି । ବିନା ସୁଧରେ ପାଞ୍ଚ ଲକ୍ଷ ଟଙ୍କା ପର୍ଯ୍ୟନ୍ତ ସୁଧ ଛାଡ, ଏମବିକେମାନଙ୍କୁ ବିନା ସୁଧରେ ଏକ ଲକ୍ଷ ଟଙ୍କାପର୍ଯ୍ୟନ୍ତ ସୁଧ ଛାଡ । ନିର୍ବାଚନ ସମୟରେ ଅନ୍ୟ ଦଳର ନେତାମାନେ ପୋଷ୍ଟର ଧରି ଭୋଟ ମାଗୁଥିବା ବେଳେ ବିଜେଡି ଦଳ ପ୍ରାର୍ଥୀମାନେ ନିର୍ବାଚନ ପୂର୍ବରୁ ବିକାଶର ବିଭିନ୍ନ ଯୋଜନା ପହଞ୍ଚାଇ ଦେଉଥିବାରୁ ଲୋକେ ବାରମ୍ବାର ଏହି ଦଳକୁ ଲୋକେ ଭୋଟ ଦେଇ ଆସୁଛନ୍ତି ବୋଲି ଶ୍ରୀ୍‌ଯୁକ୍ତ ପୁଜାରୀ କହିଥିଲେ । ଅନ୍ୟମାନଙ୍କ ମଧ୍ୟରେ  ଜିଲ୍ଲା ବିଜେଡି  ସଭାପତି ସରୋଜ କମ୍ପ, ଉପସଭାପତି ରମେଶ ପୁଜାରୀ,ଅଭିମନ୍ୟ କୁଶଲ, ସୁବର୍ଣ୍ଣପୁର ଜିଲ୍ଲାପରିଷଦ ଅଧ୍ୟକ୍ଷା ସୁପାର ଠେଲା,  ବ୍ଲକ ଅଧ୍ୟକ୍ଷା ଅହଲ୍ୟା ସାହୁ, ଉପାଧ୍ୟକ୍ଷ ମକରଧ୍ୱଜ ସାହୁ,  ସୋନପୁର ବ୍ଲକ ଅଧ୍ୟକ୍ଷ ପ୍ରହଲ୍ଲାଦ ନାଏକ, ଜିଲ୍ଲା ଯୁବ ବିଜେଡି ସଭାପତି ଅଶୋକ ନନ୍ଦ, ବିଜୟାନନ୍ଦ ମିଶ୍ର, ଜିଲ୍ଲାପରିଷଦ ସଭ୍ୟା ମଞ୍ଜୁଶ୍ରୀ ମାଝି , ବ୍ଲକ ଯୁବ ସଭାପତି ଧମେନ୍ଦ୍ର ବିଶ୍ୱାଳ, ମନ୍ତ୍ରୀଙ୍କ ପ୍ରତିନିଧି ପ୍ରକାଶ ଚନ୍ଦ୍ର ସାହୁ, କପାସିରା ସରପଞ୍ଚ ଗୀତାଞ୍ଜଳୀ ସା, ବୈଦୁପାଲି ସରପଞ୍ଚ ମୀନତି ସା, ଇଚ୍ଛାପୁର ସରପଞ୍ଚ ପ୍ରଶାନ୍ତ ସାହୁ, ସମଲେଇଚୁଆ ସରପଞ୍ଚ ବିଭିଦତ୍ତ ରାଜହଂସ, ଚିନାଯୁରୀ ସରପଞ୍ଚ ରାଜକୁମାର ସାହୁ, ରଞ୍ଜନ ଠେଲା, ହରିବନ୍ଧୁ ପଧାନ, ମିଶନ ଶକ୍ତିର ବ୍ଲକ ସଭାପତି ଲକ୍ଷ୍ମୀ ସରାଫ ମଞ୍ଚାସୀନ ଥିଲେ । ଏହି ଅବସରରେ ଚେରୁପାଲି ସରପଞ୍ଚ ନିଜର ଶତାଧିକ କର୍ମୀଙ୍କ ସହ ବିଜେଡି ଦଳରେ ସାମିଲ ହୋଇଥିଲେ । ମନ୍ତ୍ରୀ ତାଙ୍କୁ ଉତ୍ତରୀୟ, ପୁଷ୍ପମାଲ୍ୟ ଦେଇ ସ୍ୱାଗତ କରିଥିଲେ । ନବୀନ ସରକାରଙ୍କ ବିକାଶ ମୂଳକ କାର୍ଯ୍ୟରେ ଆକୃଷ୍ଟ ହୋଇ ସେ ବିଜେଡିରେ ସାମିଲ ହୋଇଥିବା କହିବା ସହ ସୋନପୁର ଜିଲ୍ଲାର ବିକାଶରେ ମନ୍ତ୍ରୀଙ୍କ ଉଦ୍ୟମକୁ ପ୍ରସଂଶା କରିଥିଲେ । ବ୍ଲକ ସଭାପତି ହିମାଂଶ ଶେଖର ବିଶ୍ୱାଳ ସଭା ସଂଯୋଜନା ସହିତ ଧନ୍ୟବାଦ ଅର୍ପଣ କରିଥିଲେ । ଉକ୍ତ କାର୍ଯ୍ୟକ୍ରମରେ ପ୍ରାୟ ୧୦ହଜାରରୁ ଅଧିକ ଲୋକଙ୍କ ଲୋକଙ୍କ ସମାଗମ ହୋଇଥିବା ବେଳେ ମହିଳାଙ୍କ ସଂଖ୍ୟା ଅଧିକ ରହିଥିଲା । ପଦଯାତ୍ରା ବେଳେ ମନ୍ଦିରରୁ ଆରଏମସି ଛକ ଦୁଇ କିମି ରାସ୍ତା ଜନଗହଳୀ ଯୋଗୁଁ ଗାଡି ଚଳାଚଳ ବନ୍ଦ ରହିଥିଲା । ଏଥିରୁ ମନ୍ତ୍ରୀଙ୍କ ଲୋକପ୍ରିୟତା ଜଣାଯାଏ ।