10-Oct-2023

ବଲାଙ୍ଗିର : ବିଜେପିରେ କେବେ ଗୋଷ୍ଠୀ କନ୍ଦଳ ନଥାଏ । ଆମେ ସମସ୍ତେ ଏକ । ବୋଲି କହିଛନ୍ତି ବିଜେପି ରାଜ୍ୟ ସଭାପତି ମନମୋହନ ସାମଲ । ଗତକାଲି ସ୍ଥାନୀୟ ଆର୍‌ଟିଓ ଛକ ଠାରେ ବିଜେପିର ଦୁଇ ଗୋଷ୍ଠୀ ମଧ୍ୟରେ ହୋଇଥିଲା ମାରପିଟ୍ ହୋଇଥିଲା । ୨୦୧୯ ନିର୍ବାଚନରେ ବିଜେପିର ବିଧାୟକ ପ୍ରାର୍ଥୀ ଥିବା ଅନନ୍ତ ଦାଶ ଓ ବିଜେପି ନେତା ବୋଲାଉଥିବା ବଳରାମ ସିଂଯାଦବ ଙ୍କୁ ବିଜେପି ର ଆଉ ଏକ ଗୋଷ୍ଠି ନିର୍ଦ୍ଧୁମ ମାଡ ମାରିଥିଲେ । ବିଜେପିର ଏହି ଗୋଷ୍ଠୀ କନ୍ଦଳ ପ୍ରସଙ୍ଗ ଉପରେ ଆଜି ସାମ୍ବାଦିକ ମାନେ ରାଜ୍ୟ ସଭାପତି ଶ୍ରୀ ସାମଲଙ୍କୁ ପ୍ରଶ୍ନ କରିଥିଲେ । ଏହାର ଉତ୍ତରରେ ଶ୍ରୀ ସାମଲ ନିଜର ଦମ୍ଭୋକ୍ତିି  ପ୍ରକାଶ କରି କହିଛନ୍ତି ଯେ, ନିଜକୁ ବିଜେପି ଦଳର ନେତା ବୋଲାଉଥିବା ବଳରାମସିଂ ଯାଦବ କେବେ ବିଜେପିରେ ନଥିଲେ ଓ ସେ ବହୁ ଦିନରୁ ବିଜେଡି ରେ ସାମିଲ ଅଛନ୍ତି । କିଛି ଗୁଣ୍ଡାଶ୍ରେଣୀୟ ଲୋକଙ୍କ ହାତ କରି ସେ ଦଳରେ ବିଶୃଙ୍ଖଳା ସୃଷ୍ଟି କରୁଛନ୍ତି ବୋଲି ଶ୍ରୀ ସାମଲ କହିଛନ୍ତି । ଶୃଙ୍ଖଳା ହେଉଛି ଆମର ପୁଂଜି । ତେବେ ବିଜେପି ସବୁବେଳେ ଏକ ଓ ଏହି ଦଳରେ କୌଣସି ପ୍ରକାର ଗୋଷ୍ଠୀ କନ୍ଦଳ ଥିବା କଥା କୁ ସେ ସଂପୂର୍ଣ୍ଣ ଅସ୍ୱୀକାର କରିଛନ୍ତି । ଦଳରେ ବିଶୃଙ୍ଖଳା ସୃଷ୍ଟି କରିଥିବା ଲୋକଙ୍କ ବିରୁଦ୍ଧରେ ଦଳ ର ଶୃଙ୍ଖଳା କମିଟି କାର୍ଯ୍ୟାନୁଷ୍ଠନ ନେବ ବୋଲି କହିଛନ୍ତି ।  ପ୍ରଧାନମନ୍ତ୍ରୀଙ୍କ ଆହ୍ୱାନ କ୍ରମେ ସାରା ଦେଶ ରେ ଚାଲିଥିବା  ମୋ ଦେଶ ମୋ ମାଟି କର୍ଯ୍ୟକ୍ରମରେ ଯୋଗ ଦେବା ଅବସରରେ ବଲାଙ୍ଗୀର ସାର୍କିଟ ହାଉସ ଠାରେ ଅନୁଷ୍ଠିତ ଏକ ସାମ୍ବାଦିକ ସମ୍ମିଳନୀରେ ଏହା କହିଛନ୍ତି ଶ୍ରୀ ସାମଲ । ଆଜି ସାମ୍ବାଦିକ ସମ୍ମିଳନୀରେ ଶ୍ରୀ ସାମଲ ରାଜ୍ୟରେ କୌଣସି ସରକାର କି ବ୍ୟବସ୍ଥା ନ ଥିବା କହିଛନ୍ତି । ଜଳସେଚନର ବିକାଶ ହୋଇନ ଥିବା ଯୋଗୁଁ ଏଠାରେ ଲୋକେ ଦାଦନ ଶ୍ରମିକ ଭାବରେ ବାହାର ରାଜ୍ୟକୁ ଯାଉଛନ୍ତି । ଏଠାରେ ଶିଳ୍ପର ବିକଶ ହେଲେ ରାଜ୍ୟର ବିକାଶ ସମ୍ଭବ ହୋଇପାରିବ ବୋଲି ଶ୍ରୀ ସାମଲ କହିଛନ୍ତି । କେନ୍ଦ୍ର ସରକାରଙ୍କ ଯୁଗାନ୍ତକାରୀ ଉଜାଲା ଯୋଜନା ଓ ଚାଷୀ ମାନଙ୍କ ଉନ୍ନତି ପାଇଁ ନିଆଯାଇଥିବା ପଦକ୍ଷେପ ଉପରେ ଶ୍ରୀ ସାମଲ ଆଲୋଚନା କରିଥିଲେ । ଆଜି ଓଡ଼ିଶାରେ ଏକ ଅଦୃଶ୍ୟ ଶକ୍ତି ଯିଏ ସିଏମ୍‌ଓ ନାଁ ରେ ଶାସନ ଚାଳାଉଛନ୍ତି ବୋଲି ଶ୍ରୀ ସାମଲ କହିଛନ୍ତି । ରାଜ୍ୟରେ ବିଜେପି ଶାସନକୁ ଆସିଲେ ରାଜ୍ୟରେ ଜଳସେଚନ, ଶିଳ୍ପ ଓ କୃଷିର ଉନ୍ନତି ପାଇଁ କାମ କରିବ ବୋଲି ଶ୍ରୀ ସାମଲ ପ୍ରତିଶୃତି ଦେଇଛନ୍ତି ।  ଆଜିର ପ୍ରେସ ମିଟ୍ ରେ ବଲାଙ୍ଗୀର ସାଂସଦ ସଙ୍ଗୀତା ସିଂଦେଓ,ଲୋଇସିଂହା ବିଧାୟକ ଡ. ମୁକେଶ ମହାଲିଙ୍ଗ, ପୂର୍ବତନ ବିଧାୟକ କନକ ବର୍ଦ୍ଧନ ସିଂଦେଓ, ବିଜେପି ଜିଲ୍ଲା ସଭାପତି ଶିବାଜୀ ମହାନ୍ତି ଓ ବିଜେପି ନେତା ଗୋପାଳଜୀ ପାଣିଗ୍ରାହୀ  ପ୍ରମୁଖ ଉପସ୍ଥିତ ଥିଲେ ।