08-Oct-2023

ବଲାଙ୍ଗିର(ପ୍ରେରଣା ଖବର)- ମାନ୍ୟବର ସୁପ୍ରିମ କୋର୍ଟଙ୍କ ନିର୍ଦ୍ଦେଶ ତଥା ବଡସ ଆଇନ ଏବଂ ଓପିଡା ଆଇନ ଭିତ୍ତିରେ ବଲାଙ୍ଗିର ଜିଲ୍ଲାର ପ୍ରତ୍ୟେକ କମ୍ପାନୀର କ୍ଷତିଗ୍ରସ୍ତ ଜମାକାରୀ ଜିଲ୍ଲାପାଳଙ୍କ କାର୍ଯ୍ୟାଳୟରେ ଜମାକାରୀ ଗଣ ସତ୍ୟାଗ୍ରହଣରେ ସାମିଲ ହୋଇ କ୍ଲେମ ଫର୍ମରେ ନିଜ ଜମାରାଶି ପ୍ରମାଣ, ପରିଚୟ ପ୍ରମାଣ ଓ ବ୍ୟାଙ୍କ ଜମା ଖାତା ଇତ୍ୟାଦିର ଜେରକ୍ସ ନକଲ ଯୋଡି ଜିଲ୍ଲାପାଳଙ୍କ ଠାରେ ଦାଖଲ କରିବା ପାଇଂ ଆଜି ବଲାଙ୍ଗିର ଜିଲ୍ଲା ସ୍ତରୀୟ ଜମାକାରୀ ବୈଠକରେ ଦୃପ୍ତ ଆହ୍ୱାନ ଦିଆଯାଇଚି । ଆର୍ଥିକ ସଂସ୍ଥାମାନଙ୍କ ଦ୍ୱାରା କ୍ଷତିଗ୍ରସ୍ତଙ୍କ ମିଳିତ ମଂଚର ଜିଲ୍ଲା ସଭାପତି ଲଳିତ ଦୀପଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିବା ବେଳେ ଏହି ବୈଠକରେ ଓଡିଶା ଜମାକାରୀ ଆନ୍ଦୋଳନ ଆବାହକ ଜୟନ୍ତ ଦାସ ଯୋଗ ଦେଇ ଉଭୟ ରାଜ୍ୟ ଓ କେନ୍ଦ୍ର ସରକାରଙ୍କ ପ୍ରୋତ୍ସାହନରେ ଅସାଧୁ ସଂସ୍ଥାମାନେ କିଭଳି ଜମାକାରୀଙ୍କୁ ପ୍ରଲୋଭିତ କରି ଜମା ରାଶି ନେଇ ଫାଙ୍କି ଦେଲେ, ପୁଣି ଏ ଠକାମୀ ଖୁଲାସା ହେବା ପରେ ସରକାର ନିଜ ସଂମ୍ପୃକ୍ତି ର ପ୍ରମାଣ ସବୁ ତଦନ୍ତ ବାହାନାରେ ଧ୍ୱଂସ କଲେ, ଅନେକ ଅସାଧୁ ସଂସ୍ଥାର ସମ୍ପତ୍ତି ଜବତ ନ କରି ମାତ୍ର ଅଳ୍ପକେ କେତେକ ଅସାଧୁ କମ୍ପାନୀର ସମ୍ପତ୍ତି ଜବତ କରି ଅଭାବୀ ଦାମରେ ଇ-ନିଲାମ କରି ସମ୍ପତ୍ତି ମୁଲ୍ୟର ଟଙ୍କାକୁ ସରକାର ଜମାକାରୀ ନ ଫେରାଇ ନିଲାମ ଅର୍ଥକୁ ସରକାର ନିଜ ତହବିଲରେ ରଖିବା, ଜମାକାରୀ ଆନ୍ଦୋଳନ କୁ ପ୍ରଶମିତ କରିବା ପାଇଁ ସରକାରଙ୍କ ସମସ୍ତ ଘୋଷଣା ପାଣି ଗାଁର ସଦୃଶ ହୋଇଥିବାରୁ ଗଭୀର ଉଦ୍‌ବେଗ ପ୍ରକାଶ କରିଥିଲେ । ଏହି ଘଟଣାରେ ମାନ୍ୟବର ସୁପ୍ରିମ କୋର୍ଟ ଉଭୟ ସରକାର ଓ ତଦନ୍ତକାରୀ ସଂସ୍ଥାମାନଙ୍କୁ କଡା ଭର୍ସନା କରି ଜମାକାରୀ ଚିହ୍ନଟ ଓ ଟଙ୍କା ଫେରସ୍ତ ନିର୍ଦ୍ଦେଶ ଦେଇଥିବାରୁ ବଲାଙ୍ଗିର ଜିଲ୍ଲାର ସମସ୍ତ ଜମାକାରୀ ଚିହ୍ନଟ ଓ ଟଙ୍କା ଫେରସ୍ତ ପାଇଁ ଆସନ୍ତା ୯ ନଭେମ୍ବର ବଲାଙ୍ଗିର କଲେକ୍ଟୋରେଟ ରେ କ୍ଲେମ ଆବେଦନ କରିବାକୁ ଆହ୍ୱାନ ଦେଇଛନ୍ତି । ଦୁର୍ଗା ପୂଜା ପୂର୍ବରୁ ସମସ୍ତ ବ୍ଲକ ସ୍ତରୀୟ ବୈଠକ ଓ ଦଶହରା ପରେ ୫ ନଭେମ୍ବର ପୂର୍ବରୁ ସମସ୍ତ ଗ୍ରାମ ପଂଚାୟତ ସ୍ତରୀୟ ଜମାକାରୀ ଜାଗତିଆର ଅଭିଯାନ ସହ ୯ ନଭେମ୍ବର ସକାଳ ୧୦ ଘଣ୍ଟା ରେ ଏକ ବିଶାଳ ଜମାକାରୀ ଶୋଭାଯାତ୍ରା ବାହାରି କଲେକ୍ଟୋରେଟ ଠାରେ ଜମାକାରୀ ଗଣ ସତ୍ୟାଗ୍ରହ ହେବା ସହ ଜମାକାରୀ କ୍ଲେମ ଦାଖଲ ହେବ ବୋଲି ସୂଚନା ଦେଇଥିଲେ । ଏହି ବୈଠକରେ ମିଳିତ ମଂଚର ଉପସଭାପତି ବିଭୁଦତ୍ତମିଶ୍ର, ତିର୍ଥ ପ୍ରଧାନ, ମଦନ ମୋହନ ଡେଙ୍ଗ, ରବି ନାରାୟଣ ଭୋଇ, ଗୋକୁଲା ରଣା, ପୃଥ୍ୱରାଜ ସିଂ ବାଗ, ସତ୍ୟବାନ ମହାନ୍ତି, ସନ୍ଥ କୁମାର ସା, ଆନନ୍ଦ ପ୍ରଦାନ, ପୂର୍ଣ୍ଣଚନ୍ଦ୍ର ଦଳପତି, କୁଶଳେଶ୍ୱର ନାଏକ, ସୁଧାଂଶୁ ଶେଖର ଛତ୍ରିଆ, ନିମାଇଁ ଚରଣ କୁଅଁର, ସୁରେଶ ଗଡତିଆ, ଯୋଗେନ୍ଦ୍ର ବୁଡେକ, ବିଦେଶୀ ବୁଡେକ, ତୋଫାନ ପ୍ରଧାନ, ରୁକ୍ମଣ ଧାରୁଆ ଓ ରାଜ କିଶୋର ପଣ୍ଡା ପ୍ରମୁଖ ଜମାକାରୀ ଆର୍ଥିକ ଦୁର୍ଗତି ଜନିତ ସମସ୍ୟାର ଆଲୋଚନା ସହ ଶକ୍ତିଶାଳୀ ଆନ୍ଦୋଳ ପାଇଁ ସଂକଳ୍ପ ନେଇଥଲେ ।