08-Oct-2023

ବଲାଙ୍ଗିର , ( ପ୍ରେରଣା ଖବର ) :    ଦେଓଗାଁ ବ୍ଲକ ବନ୍ଧପଡା ପଞ୍ଚାୟତ ଆନ୍ତର୍ଲା ଗାଁ ରେ  ଆଦିବାସୀ ମହାମେଳି ଅନୁଷ୍ଠିତ ହୋଇଯାଇଛି l ପ୍ରଥମେ ଆଦିବାସୀ ମାନେ ପାରମ୍ପରିକ ବେଶଭୁଷା ରେ ନାଚି ନାଚି ଅନ୍ତର୍ଲା ଗାଁ ପରିକ୍ରମା କରିଥିଲେ l ଗାଁ ରେ ପୂଜାପାଉଥିବା କାନ୍ଦୁଲ ବୁଢ଼ା, ଡ଼ଙ୍ଗର ବୁଢ଼ା,ମାଉଲି,ମାଆ ଚଣ୍ଡୀ, ମହାଦେବ ମନ୍ଦିର ଦର୍ଶନ କରିଥିଲେ l  ପରେ ଚଣ୍ଡୀ ପୀଠ ପ୍ରାଙ୍ଗଣରେ ଜ଼ିଲ୍ଲା ଆଦିବାସୀ କଲ୍ୟାଣ ସଂଘ ର କାର୍ଯ୍ୟକାରୀ ସଭାପତି ସୁରଥ ଧରୁଆ ଙ୍କ ସଭାପତିତ୍ୱ ରେ ସଭା ଅନୁଷ୍ଠିତ ହୋଇଥିଲା l ସଭା ରେ ମୁଖ୍ୟ ଅତିଥି ଭବରେ ରାଜ୍ୟସଭା ସାଂସଦ ଶ୍ରୀ ନିରଞ୍ଜନ ବିଶି ଯୋଗଦେଇଥିଲେ l ଅନ୍ତର୍ଲା ଗାଁ ର ଦେବୀ ଶ୍ରୀ ଚଣ୍ଡୀ, ଶିବ, ମାଉଲି,  କାନ୍ଦୁଲ ବୁଢ଼ା, ଡ଼ଙ୍ଗର ବୁଢ଼ା ଙ୍କ ଦେହେରୀ, ଝାଙ୍କର, ପୁଝାରୀ ସହରା ଏବଂ କନ୍ଧ ଆଦିବାସୀ କରିଥିବା ରୁ ଅଭିନନ୍ଦନ ଜଣାଇଥିଲେ l ଆଦିବାସୀ ମାନଙ୍କ ଆଦିମ ସଂସ୍କୃତି, ଦେବଦେବୀ ପୂଜା ପଦ୍ଧତି, ଯାନିଯାତ୍ରା, ପର୍ବପର୍ବାଣି, ସାମାଜିକ ପ୍ରଥା ପରମ୍ପରା, ପୁରାଣ ବର୍ଣିତ ଶ୍ରାବଣl ଶବରୀ, ଜାରା ଶବର, ବିଶ୍ୱାବସୁ ଶବର,ବାରଭାଇ ବେଣ୍ଟକlର, ବିଷୟରେ ସାଂସଦ ଶ୍ରୀ ବିଶି ଆଲୋକପାତ କରିଥିଲେ l ଆଦିବାସୀ ମାନେ ସ୍ୱାଧୀନ, ସ୍ୱତନ୍ତ୍ର, ସ୍ୱାଭିମାନୀ l

ସ୍ୱାଧୀନତା ସଂଗ୍ରାମ ରେ ଆଦିବାସୀ ନେତା ରେଣ୍ଡୋ ମାଝି, ଧରମ ସିଂ ମାନ୍ଧାତା ମାଝି,ମାଧୋ ସିଂ ବରିହା, କୁଞ୍ଜଳ ସିଂ, ଐରୀ ସିଂ, ବୈରୀ ସିଂ, ସୁରେନ୍ଦ୍ର ସାଏ, ଲକ୍ଷ୍ମନ ନାଏକ,ତାନ୍ତିଆ ଭୀଲ,ଚକରା ବିଶୋଇ ଙ୍କ ଭୂମିକା,ବଳିଦାନ, ଅବଦାନ  ବୀରଗାଥା ସମ୍ବନ୍ଧରେ ମଧ୍ୟ ରାଜ୍ୟସଭା ସାଂସଦ ଶ୍ରୀ ବିଶି ପ୍ରଶଂସା କରିଥିଲେ l ଓଡିଶା ସରକାର ଙ୍କ ଜନକଲ୍ୟାଣକାରି ଧାର୍ମିକ ପୀଠ ଗୁଡିକ ର ସୌନ୍ଦର୍ଯ୍ୟ କରଣ, ସୁରକ୍ଷା, ମରାମତି କାର୍ଯ୍ୟ ପାଇଁ ପାଣ୍ଠି ପ୍ରଦାନ, ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା, ମିଶନଶକ୍ତି ଯୋଜନା, କାଳିଆ ବଳିଆ ଯୋଜନା, ମହିଳା ସଶକ୍ତିକରଣ ଯୋଜନା, ସ୍କୁଲ ରୁପାନ୍ତରିକରଣ, ଶ୍ରମିକ କଲ୍ୟାଣ ଯୋଜନା, କଳାକାର ସହାୟତା ଯୋଜନା ସମ୍ପର୍କରେ ସୂଚନା ଦେଇଥିଲେ l ବଲାଙ୍ଗିର ଜ଼ିଲ୍ଲା କୁ ସ୍ୱତନ୍ତ୍ର ଉନ୍ନୟନ ପରିଷଦ ରେ ସାମିଲ କରି ଜ଼ିଲ୍ଲା ର ଆଦିବାସୀ ମାନଙ୍କ କଳା, ସଂସ୍କୃତି, ଐତିହ୍ୟ, କ୍ରୀଡା, ର ବିକାଶ, ସୁରକ୍ଷା, ପୁନଃରୁଦ୍ଧାର, ପ୍ରଚାର ପ୍ରସାର କ୍ଷେତ୍ରରେ ସୁଯୋଗ ସୃଷ୍ଟି କରିଥିବାରୁ ଆଦିବାସୀ ନେତାମାନେ ଓଡିଶା ସରକାର ଙ୍କୁ ଧନ୍ୟବାଦ ଜଣାଇଥିଲେ     ସାଂସଦ ଶ୍ରୀ ବିଶି ଆଲୋକପାତ କରିଥିଲେ l କାର୍ଯ୍ୟକ୍ରମ ରେ ପlଳେଶ୍ୱର ଭୋଇ, ବିରଞ୍ଚି କୁଅଁର, ପୂର୍ବତନ ଜ଼ିଲ୍ଲା ପରିଷଦ ସଭ୍ୟ ଅଶୋକ ଭୋଇ, ବିଂଝାଲ ସମାଜର ସଭାପତି ମଦନ ବରିହା, ଘlଟୁଲ ଗୌନ୍ତିଆ ଦୟାନିଧି ଝାଙ୍କର ପ୍ରମୁଖ ଉଦବୋଧନ ଦେଇଥିଲେ l