06-Sep-2023

ବରଗଡ( ନିରଞ୍ଜନ ତ୍ରିପାଠୀ)ବରଗଡ଼ ଜିଲ୍ଲା ବିଜେପୁର ସହରର ଜଣେ ଜଣାଶୁଣା ବରିଷ୍ଠ ସାମ୍ବାଦିକ ତଥା ବିଜେଡି ଦଳର ଜଣେ ଟାଣୁଆ କର୍ମୀ ଭାବେ ପରିଚିତ ଜନାର୍ଦ୍ଦନ ପାଣିଗ୍ରାହୀ(ସୁରୁ) ଆଜି ବୁର୍ଲାରୁ ଦିର୍ଘ ୧୫ ଦିନ ପରେ ସୁସ୍ଥ ହୋଇ ଘରକୁ ପ୍ରତ୍ୟାବର୍ତ୍ତନ କରିଛନ୍ତି।କିଛିଦିନ ତଳେ ସେ ପେଟରେ ଯନ୍ତ୍ରଣା ଅନୁଭବ କରିବାରୁ ଏ ଅଞ୍ଚଳ ବଡ଼ ଡ଼ାକ୍ତରଖାନା ବୁର୍ଲାକୁ ତା୨୩.୦୮.୨୦୨୩ରିଖ ଦିନ ଯାଇ ପ୍ରଫେସର ଡା.ମଳୟ କୁମାର ନାୟକ ଏବଂ ପ୍ରଫେସର ଡା.ରୋହିତ ଗୋୟଲ (ଶଲ୍ୟ ଚିକିତ୍ସକ ବିଭାଗ)ଙ୍କ ସହ ଦେଖା କରିଥିଲେ।ତତ୍କ୍ଷଣାତ ପ୍ରଫେସର ତାଙ୍କୁ ସମସ୍ତ ପରୀକ୍ଷାନିରୀକ୍ଷା ପାଇଁ ପରାମର୍ଶ ପ୍ରଦାନ କରିଥିଲେ।ସମସ୍ତ ପରୀକ୍ଷା ନିରିକ୍ଷା ର ନଥି କୁ ନେଇ ପୁଣି ପ୍ରଫେସର୍ ଙ୍କୁ ଦେଖା କଲାପରେ ଜଣା ଗଲାଯେ,ତାଙ୍କ ବୃହତତନ୍ତ୍ର ରେ ଅସୁବିଧା ପରିଲକ୍ଷିତ ସକାଶେ ପେଟର ସମସ୍ୟା ଦେଖାଦେଇଛି।ଏହାକୁ ନେଇ ତା୨୮.୦୮.୨୦୨୩ରିଖ ଦିନ ସ୍ୱତନ୍ତ୍ର ଭାବେ ଅସ୍ତ୍ରୋପଚାର କରାଯାଇଥିଲା।ଦିର୍ଘ ୧୦ ଦିନ ପରେ ନିଜସ୍ୱ ବାସଭବନ ବିଜେପୁରକୁ ସୁସ୍ଥ ହୋଇ ଘରକୁ ଫେରିବା ସମୟରେ ବିଭିନ୍ନ ଅନୁଷ୍ଠାନର କର୍ମକର୍ତ୍ତା,ତାଙ୍କ ସମର୍ଥକ ଓ ଗ୍ରାମବାସୀ ବୃନ୍ଦ ତାଙ୍କ ବାସଭବନକୁ ଆସି ସ୍ୱାଗତ କରିବା ସହିତ ଶ୍ରୀ ପାଣିଗ୍ରାହୀଙ୍କ ଆଶୁ ଆରୋଗ୍ୟ କାମନା କରିଛନ୍ତି।