05-Sep-2023

ବଲାଙ୍ଗୀର, ଗତ ୨୦୧୨  ଫେବ୍ରୁଆରି  ୧ ତାରିଖରେ ବଲାଙ୍ଗୀର ସଦର ଥାନା ଅନ୍ତର୍ଗତ ଥପାପାଲି ଗାଁ ରେ ପଂଚାୟତ ନିର୍ବାଚନ ରେ ୱାର୍ଡ ମେମ୍ବର ନିର୍ବାଚନକୁ କେନ୍ଦ୍ର କରି ୱାର୍ଡ ମେମ୍ବର ରେ ପ୍ରତିଦ୍ୱନ୍ଦିତ  କରିଥିବା ଏକାଦସିଆ ମାଝୀଙ୍କୁ ସେହି ଗାଁ ଦେବେନ୍ଦ୍ର ଥପା, ଗୋପାଳ ଥପା, ଭାଗିରଥୀ ଥପା, ମହେନ୍ଦ୍ର ଥପା ଓ ମାଡ୍ରାସି ଥପା ନାମକ ୫ ଜଣ ଯୁବକ ଅପହରଣ କରି ନେଇ ହତ୍ୟା କରିଥିଲେ ।  ଏ ନେଇ  ବଲାଙ୍ଗୀର ସଦର ଥାନାରେ  ମୃତକଙ୍କ ପିତା ସଂଖେଶ୍ୱର  ମାଝୀ ଙ୍କ ତରଫରୁ ଲିଖିତ ଅଭିଯୋଗ ହୋଇଥିଲା । ଏହି ଅଭିଯୋଗ ଆଧାରରେ ହତ୍ୟା ସଦେହରେ ଏହି  ୫ ଜଣଙ୍କୁ ବଲାଙ୍ଗୀର ସଦର ଥାନା ପୋଲିସ ଗିରଫ କରି  କୋର୍ଟ ଚାଲାଣ କରିଥିଲା । ତଳ କୋର୍ଟରେ ଏମାନଙ୍କର ଜାମିନ ନାମଞ୍ଜୁର ହେବାରୁ ଏମାନେ ଜେଲ୍‌ରେ ଥିଲେ । ସେସନ୍ସ କେଶ ନମ୍ବର ୮୬/୨୦୧୨ ଦଫା ୧୨ଠ, ବି/୩୬୪/୩୦୨/୨୦୧/୩୪ ଆଇପିସି ରେ ଏହି ମୁକଦ୍ଦମା ର ଶୁଣାଣି ବଲାଙ୍ଗୀର ମାନ୍ୟବର ଦୌରା ଜଜ୍ ଙ୍କ କୋର୍ଟରେ ଚାଲଥିଲା । ଏମାନେ ହାଇକୋର୍ଟ ବେଲ୍ ରେ ଥିଲେ l ଗିରଫ ହୋଇଥିବା ୫ଜଣଙ୍କ ମଧ୍ୟରୁ ମାଡ୍ରାସି  ଥପା ଙ୍କ ବିଚାରଧୀନ ଅବସ୍ଥାରେ ଜେଲ୍ ରେ ମୃତ୍ୟୁ ହୋଇ ସାରିଥିବା ବେଳେ  ଆଜି ମାନ୍ୟବର ଦୌରା ଜଜ୍ ଲଲାଟେନ୍ଦୁ ଜେନା ସମସ୍ତ ସାକ୍ଷୀ ଓ ପାରିପାର୍ଶ୍ବିକ ସ୍ଥିତ ଆଧାରରେ ପ୍ରାମଣ ଅଭାବରୁ ୪ ଅଭିଯୁକ୍ତଙ୍କୁ ନିର୍ଦ୍ଦୋଷରେ ଖଲାସ କରିଛନ୍ତି । ମୁଦାଲାଙ୍କ ତରଫରୁ ମହିଳା  ଆଇନଜୀବୀ ଅଙ୍କିତା ତ୍ରିପାଠୀ ମୁକଦ୍ଦମା ପରିଚାଳନା କରୁଥିଲେ ।