15-Jul-2023

ଟିଟିଲାଗଡ଼ (ପ୍ରେରଣା ଖବର ): ରାଜେନ୍ଦ୍ର ବିଶ୍ୱବିଦ୍ୟାଳୟ, ବଲାଙ୍ଗୀର ସହିତ ଅନୁବନ୍ଧିତ ଏକମାତ୍ର ସ୍ୱୟଂ ଶାସିତ କଲେଜ ର ଗୌରବ ଅର୍ଜନ କରିଥିବା ଡି. ଏ. ଭି. କଲେଜ, ଟିଟିଲାଗଡ଼ କୁ କୁଳପତି ପ୍ରଫେସର ଡକ୍ଟର ଉମା ବଲ୍ଲଭ ମହାପାତ୍ର  ଏବଂ  ରାଜେନ୍ଦ୍ର ବିଶ୍ୱବିଦ୍ୟାଳୟ, ବଲାଙ୍ଗୀରର କଲେଜ ଡେଭେଲୋପମେଣ୍ଟ କାଉନସିଲ ତଥା ଇଂରାଜୀ ବିଭାଗ ମୁଖ୍ୟ ପ୍ରଫେସର ବିଘ୍ନେଶ ପ୍ରସାଦ ମିଶ୍ର ମଧ୍ଯ ଏକ ଦିନିଆ ପରିଦର୍ଶନ ରେ ଆସିଥିଲେ I ଡି. ଏ. ଭି. ( ସ୍ୱୟଂଶାସିତ) ମହାବିଦ୍ୟାଳୟ ତରଫରୁ ପରିଚାଳନା କମିଟି ଅଧକ୍ଷ ପ୍ରଫେସର ଡ ଦୋଳଗୋବିନ୍ଦ ବିଶି, ପ୍ରିନ୍ସିପାଲ ଡ. ମେଜର ମଧୁସୂଦନ ମିଶ୍ର, ଆଡମିନିଷ୍ଟ୍ରୀଟିଭ ବୁର୍ସାର୍ ପ୍ରଫେସର ବିଧାନ ଚନ୍ଦ୍ର ମିଶ୍ର, ସେକ୍ରେଟାରୀ ଷ୍ଟାଫ୍ କାଉନସିଲ ପ୍ରଫେସର ଡ ପ୍ରଣବ କିଶୋର ପୁରୋହିତ,  ପରୀକ୍ଷା ନିୟନ୍ତ୍ରକ ଡ ଉମେଶ ଚନ୍ଦ୍ର ସାହୁ, ଆଇ. କ୍ୟୁ. ଏ. ସି. କୋର୍ଡି ନେଟର ପ୍ରଧ୍ୟାପିକା ସସ୍ମିତା ପାଣିଗ୍ରାହୀ ପ୍ରମୁଖ ସ୍ବାଗତ କରିଥିଲେ I ଏହି ଉପଲକ୍ଷେ ଏନ. ସି. ସି. କ୍ୟାଡେଟ ଙ୍କ ତରଫରୁ ମଧ୍ଯ ଭବ୍ୟ ସମ୍ବର୍ଦ୍ଧନା ଦିଆଯାଇଥିଲା I କୁଳପତି ଶ୍ରୀ ମହାପାତ୍ର ସେମିନାର ହଲ ରେ ଛାତ୍ରଛାତ୍ରୀ ମାନଙ୍କୁ ଉଦବୋଧନ ଦେଇ ପରିଶ୍ରମୀ ହେବାକୁ ଏବଂ ସୁ ନାଗରିକ ହେବାକୁ ଉପଦେଶ ଦେଇଥିଲେ I ପରେ ପ୍ରଧ୍ୟାପକ ଡ. ରମାକାନ୍ତ ବେହେରା ଏବଂ ଅଧ୍ୟାପକ ଜୟଦେବ କର ଙ୍କ ତତ୍ତ୍ଵାବଧାନରେରେ ଏକ ପ୍ରଶ୍ନୋତ୍ତର କାର୍ଯ୍ୟକ୍ରମ  ଅନୁଷ୍ଠିତ ହୋଇଥିଲା I କୁଲପତି ଶ୍ରୀ ମହାପାତ୍ର ଏବଂ ସିଡ଼ିସି ନିର୍ଦ୍ଦେଶକ ଶ୍ରୀ ମିଶ୍ର ଓଡ଼ିଆ, ରାଜନୀତି ବିଜ୍ଞାନ ଏବଂ ରସାୟନ ବିଜ୍ଞାନ ର ସ୍ନାତକୋତ୍ତର ବିଭାଗ ଏବଂ ଅନ୍ୟସବୁ ବିଷୟର ସ୍ନାତକ ବିଭାଗ ପରିଦର୍ଶନ କରିଥିଲେ I ପରେ ସମସ୍ତ ପ୍ରଧ୍ୟାପକ ଏବଂ ଅଧ୍ୟାପକ ଙ୍କୁ ସୋମନାଥ ଭବନରେ ଉଦବୋଧନ ଦେଇ ଆଗାମୀ ଶିକ୍ଷାବର୍ଷ ରୁ ଡି. ଏ. ଭି. ମହାବିଦ୍ୟାଳୟ ରେ ସମସ୍ତ ବିଷୟରେ ସ୍ନାକୋତ୍ତର ପାଠ୍ୟକ୍ରମ ଖୋଲାଯିବା ର ସୂଚନା ଦେଇଥିଲେ I ଏହି ଉପଲକ୍ଷେ ସୋମନାଥ ଭବନ ରେ ହୋଇଥିବା ସମ୍ବର୍ଦ୍ଧନା ସଭାରେ କୁଳପତି ଙ୍କୁ ପୁଷ୍ପଗୁଚ୍ଛ ଦେଇ ଅଧ୍ୟାପିକା ଶ୍ରୀମତୀ ଅଳକନନ୍ଦା ମଲ୍ଲ ଏବଂ ବନ୍ଦନା କର ସ୍ଵାଗତ କରିଥିଲେ ପରେ କଲେଜ ତରଫରୁ ମାନପତ୍ର ଏବଂ ଉପଢୌକନ ଦେଇ କୁଲାପତିଙ୍କୁ ସମ୍ମାନିତ କରା ଯାଇଥିଲା I ପ୍ରଧ୍ୟାପକ ଡ ରମାକାନ୍ତ ବେହେରା ଧନ୍ୟବାଦ ଅର୍ପଣ କରିଥିଲେ I