11-Jul-2023

ବରଗଡ଼(ନିରଞ୍ଜନ ତ୍ରିପାଠୀ ): ବିଶ୍ୱରେ ଜନସଂଖ୍ୟା ହୁହୁ ହୋଇ ଦ୍ରୁତ ଗତିରେ ବଢ଼ିବାରେ ଲାଗିଛି।ଏହାର ଆଧାରରେ ପ୍ରତିବର୍ଷ ଏଇଦିନ କୁ ବିଶ୍ୱାସାରା ବିଶ୍ୱ ଜନସଂଖ୍ୟା ଦିବସ ଭାବେ ପାଳନ କରି ଆସୁଛି। ବରଗଡ଼ ଜିଲ୍ଲା ବିଜେପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଗତ ବୁଧବାର ଦିନ ତା୦୬.୦୭.୨୦୨୩ ଦିନ ଏକ ସଚେତନତା ରଥ ବାହାର କରି ଗୋଷ୍ଠୀ ଅଧିନରେ ଥିବା ସମସ୍ତ ଗ୍ରାମ ଗୁଡ଼ିକୁ ଯାଇ ଲୋକଙ୍କ ପାଖରେ ଜନସଂଖ୍ୟା ସ୍ଥିରତା ପାଇଁ ସଚେତନତାର ବାର୍ତ୍ତା ପହଞ୍ଚାଇଥିଲା।ରଥ ପରିକ୍ରମା ପୂର୍ବରୁ ସବୁଜ ରଙ୍ଗର ପତାକା ଦେଖାଇ ଗୋଷ୍ଠୀ ଜନସ୍ୱାସ୍ଥ୍ୟ ଅଧିକାରୀ ଡାକ୍ତର ସୁଶାନ୍ତ ମେହେର ଶୁଭାରମ୍ଭ କରିଥିଲେ । ଆଜି ତା ୧୧.୦୭.୨୦୨୩ରିଖ ଦିନ ବିଶ୍ୱ ଜନସଂଖ୍ୟା ପକ୍ଷ ପାଳନ ଅବସରରେ ସ୍ଥାନୀୟ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଥିବା ଅସ୍ତ୍ରୋପଚାର କକ୍ଷରେ ଜନ୍ମନିୟନ୍ତ୍ରଣ ଅସ୍ତ୍ରୋପଚାର ପୂର୍ବରୁ ଜନସ୍ୱାସ୍ଥ୍ୟ ସଂପ୍ରସାରଣ ଅଧିକାରୀ ସୁଦାମ ଚରଣ

ପାଣିଗ୍ରାହୀଙ୍କ ପୁରୋହିତ୍ୟରେ ଏଠାରେ କାର୍ଯ୍ୟରତ ସ୍ତ୍ରୀ ଓ ପ୍ରସୂତି ରୋଗ ବିଶେଷଜ୍ଞ ଡାକ୍ତର ପୂର୍ଣ୍ଣ ଶଙ୍କର ମେହେର ପୂଜାଅର୍ଚ୍ଚନା କରି ବିଶ୍ୱ ଜନସଂଖ୍ୟା ପକ୍ଷକୁ ଉଦଘାଟନ କରିଥିଲେ।ପରେ ଡାକ୍ତର ମେହେର ଅସ୍ତ୍ରୋପଚାର କକ୍ଷକୁ ପ୍ରବେଶ କରିଥିଲେ।ଏହାପରେ ବିଭିନ୍ନ ଗ୍ରାମରୁ ଆସିଥିବା ମହିଳାଙ୍କୁ ସ୍ତ୍ରୀ ବନ୍ଧ୍ୟାକରଣ ଅସ୍ତ୍ରୋପଚାର କରାଯାଇଥିଲା।ପ୍ରଥମ ଦିବସରେ ସ୍ୱାସ୍ଥ୍ୟ ଉପକେନ୍ଦ୍ର ଜାରିଂ, ସ୍ୱାସ୍ଥ୍ୟ ଉପକେନ୍ଦ୍ର

ମନୋହରପାଲି, ସ୍ୱାସ୍ଥ୍ୟ ଉପକେନ୍ଦ୍ର ଚାରପାଲି ରୁ ସମୁଦାୟ ୫ ଜଣ ମହିଳା ଜନ୍ମନିୟନ୍ତ୍ରଣ ଅସ୍ତ୍ରୋପଚାରକୁ ଆପଣାଇଥିଲେ।ଏହି କାର୍ଯ୍ୟକ୍ରମରେ ଷ୍ଟାପନର୍ସ କମଳିନୀ ସାହୁ,ଏଟେଣ୍ଡାଣ୍ଟ ରାକେଶ ଷାଣ୍ଢ ସାହାର୍ଯ୍ୟ କରିଥିବାବେଳେ,ବିଜେପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ଗୋଷ୍ଠୀ ଜନସ୍ୱାସ୍ଥ୍ୟ ଅଧିକାରୀ ଡାକ୍ତର ସୁଶାନ୍ତ ମେହେର,ମହିଳା ସ୍ୱାସ୍ଥ୍ୟପରିଦର୍ଶିକା ସଂଯୁକ୍ତା ଷଡ଼ଙ୍ଗୀ,କବିତାଞ୍ଜଳୀ ଦାଶ,ସ୍ୱାସ୍ଥ୍ୟ ପରିଦର୍ଶକ ରଣଜିତ ବେହେରା,ଆଶାକର୍ମୀ କଲ୍ୟାଣୀ ପଧାନ,ନିରୁପମା ସାହୁ,ସୁଜାତା ସୁନା ପ୍ରମୁଖ ସହଯୋଗ କରିଥିଲେ ।ଶେଷରେ ଡାକ୍ତର ସୁଶାନ୍ତ ମେହେର ଆଶାକର୍ମୀ ମାନଙ୍କୁ ନିଜ ନିଜ ଗ୍ରାମରେ ବିଶ୍ୱ ଜନସଂଖ୍ୟା ସ୍ଥିରତା ଉପରେ ଦମ୍ପତି ମାନଙ୍କୁ ସତେତନ କରାଇବା ପ୍ରୟାସ ଜାରି ରଖିବାକୁ ନିର୍ଦ୍ଦେଶ ଦେଇଥିଲେ।