10-Jul-2023

ପାଟଣାଗଡ(ଦିଲୀପ ପଣ୍ଡା) ପାଟଣଗଡ ଏସଡିଜେଏମ କୋର୍ଟରେ  ଚଞ୍ଚକତା କରି ହାଇକୋର୍ଟର ଜାମିନ ଆବେଦନ ଶୁଣାଣି ଚାଲୁରହିଥିବା ନଦର୍ଶାଇ ନ୍ୟାୟଧିଶ ଙ୍କ ଠାରେ ସଠିକ୍ ତଥ୍ୟ ଲୁଚାଇ ଭୁଲତଥ୍ୟ ଓ ଭୁଲ ‌ସତ୍ୟପାଠ ଉପସ୍ଥାପନା କରି ଗୋପନରେ ଧୁମାଭଟ ସରପଞ୍ଚ ବନମାଳୀ ନାଏକ ଙ୍କ ଜାମିନ ତାଙ୍କ ଓକିଲ ମଞ୍ଜୁର କରାଇ ଦେଇଥିବା କୁନେଇ ସମାଜସେବୀ ଡିଙ୍ଗର କୁମ୍ଭାର ଆଜି ଏକ ସାମ୍ବାଦିକ ସମ୍ମିଳନୀ କରିଛନ୍ତିି । ଭାରତୀୟ ନ୍ୟାୟିକ ବ୍ୟବସ୍ଥା ଉପରେ ପ୍ରତ୍ୟେକ ଭାରତୀୟଙ୍କ ଗଭୀର ଶ୍ରଦ୍ଧା, ସମ୍ନାନ ଓ ବିଶ୍ଵାସ ରହିଥିବାବେଲେ ପାଟଣଗଡ ଏସଡିଜେଏମ କୋର୍ଟରେ ଏହାର ଏକ ବ୍ୟତିକ୍ରମ ଦେଖିବାକୁ ମିଳିଛି । ଧୁମାଭଟl ସରପଞ୍ଚ ବନମାଳୀ ନାଏକ ଗ୍ରାମପଞ୍ଚାୟତରେ  ସରପଞ୍ଚ ଭାବରେ ନିର୍ବାଚିତ ହେବାପରେ ସେତାଙ୍କ ପଦ ମଯ୍ୟାଦାର ଘୋର ଅପବ୍ୟବହାର ଓ ଉଲ୍ଲଂଘନ କରି ଗତ ନଭେମ୍ବର ୨୮ ତାରିଖ ଦିନ ବେଳପଡା ବ୍ଲକ ଧୁମାଭଟା ବୀଣାପାଣି ଉଚ୍ଚମାଧ୍ୟମିକ ବିଦ୍ୟାଳୟର ଅଧ୍ୟକ୍ଷଙ୍କୁ ଚାନ୍ଦା ମାଗିବା ସହ ଗାଲିଗୁଳଜ କରିଥିଲେ । କଳେଜ ଅଧ୍ୟକ୍ଷଙ୍କ ଅଭିଯୋଗ ପରେ ବଲାଙ୍ଗୀର ଜିଲ୍ଲାପାଳ ସରପଞ୍ଚଙ୍କୁ  କାରଣ ଦର୍ଶାଅ ନୋଟିସ୍ କରିଥିଲେ ।  ହେଲେ ସରପଞ୍ଚଙ୍କ ଠାରୁ କୈ।ଣସି ପ୍ରତ୍ୟୃତ୍ବର ନପାଇବାରୁ ଜିଲ୍ଲାପାଳ  ବେଳପଡା ଵିଡିଓ ଙ୍କୁ ସରପଞ୍ଚଙ୍କ ନାମରେ ଥାନାରେ ଏତଲା ଦେବାକୁ  ନିର୍ଦ୍ଦେଶ ଦେଇଥିଲେ । ଜିଲ୍ଲାପାଳ ଙ୍କ ନିର୍ଦ୍ଦେଶକ୍ରମେ ବେଳପଡା ଵିଡିଓ ଜାନୁଆରୀ ୫ ତାରିଖରେ ଏତଲା ଦେଇଥିଲେ । ପୁଲିସ ଏକ ମାମଲା ରୁଜୁ କରି ଏହାର ତଦନ୍ତ ଜାରିରଖିଥିବା ବେଲେ ମାର୍ଚ୍ଚ ୧୧ ତାରିଖ ଦିନ ବେଳପଡା ପୁଲିସ ପାଟଣଗଡ ପୁଲିସର ସହାୟତାରେ ସରପଞ୍ଚ ଶ୍ରୀ ନାଏକଙ୍କୁ ଧୁମାଭଟ ଛକରୁ ଗିରଫକରି କୋର୍ଟ ଚାଲାଣ କରିଥିଲା । ମାର୍ଚ୍ଚ ୨୬ ତାରିଖରେ ସରପଞ୍ଚଙ୍କ ବାହାଘର ଥିବାରୁ ତାଙ୍କୁ ଏଡିଜେ କୋର୍ଟ ଗତ ମାର୍ଚ୍ଚ ୨୨ ତାରିଖ ଏକ ମାସପାଇଁ ଅନ୍ତରୀଣ ଜାମିନରେ ଛାଡିଥିଲେ । ଏହି ଜାମିନ ଅବଧିର ୨ ଦିନ ପୂର୍ବରୁ ଶ୍ରୀ ନାଏକ ତାଙ୍କ ଓକିଲ ଙ୍କ ନିର୍ଦ୍ଦେଶ ମୁତାବକ ଏସଡିଜେଏମ କୋର୍ଟରେ ଆତ୍ମସମର୍ପଣ କରିବାକୁ ଆସିଧିଲେ । କୋର୍ଟ ପ୍ରକିୟା ସରିବାପରେ ପୁର୍ବରୁ ଥିବା କେଶର ଜାମିନ ନାମଞ୍ଜୁର ହୋଇଥିବା ସେ ତାଙ୍କ ଓକିଲଙ୍କ ମାଧ୍ୟମରେ ଜାଣିବାକୁ ପାଇଥିଲେ । ଏହାପରେ ସେ ପୁର୍ବ ଯୋଜନା ମୁତାବକ ପରିଶ୍ରା ଜିବାକୁ କହି ତାଙ୍କ ଦାଇତ୍ବରେ ଥିବା କନେଷ୍ଟବଳ ଦ୍ଵୟଙ୍କୁ ଧକ୍କା ଦେଇ ଫେରାର ଉଦ୍ୟମ କରିଥିଲେ । ସେ ଫେରାର ମାରିବା ଆଗରୁ ପୁଲିସ ତାକୁ ଧୁମାଭଟା ରାସ୍ତାରୁ କାବୁକରି ମାଜିଷ୍ଟ୍ରେଟ ଙ୍କ ସମ୍ମୁଖରେ ହାଜର କରାଇଥିଲା । ଏସଡିଜେଏମ ମାଜିଷ୍ଟ୍ରେଟଙ୍କ ନିର୍ଦ୍ଦେଶ କ୍ରମେ ସରପଞ୍ଚ ଙ୍କୁ କୋର୍ଟ ଚାଲାଣ କରାଜିବାସହ କୋର୍ଟ ଦାଇତ୍ବରେ ଥିବା ଏସଆଇ ପିଡି ବେହେରା ବନମାଳୀ ନାଏକ ଙ୍କ ନାମରେ ପାଟଣଗଡ ଥାନାରେ ଲିଖିତ ଅଭିଯୋଗ କରିଥିଲେ । ସେହିଦିନଠାରୁ ବନମାଳୀ ନାଏକ ପାଟଣଗଡ ଜେଲରେ ବିଚାର ଧିନ କଏଦୀ ଭାବରେ ରହି ଆସୁଥିଲେ । ଏପରିକି ବେଳପଡା ଥାନାରେ ବନମାଳୀ ନାଏକ ଙ୍କ ନାମରେ ଏକାଧିକ ମାମଲା ମଧ୍ୟ ରହିଛି । ଏହି ସବୁ ମାମଲାକୁ ନେଇ ତାଙ୍କ ଓକିଲ ଉଚ୍ଚ ନ୍ୟାୟାଳୟର ଦ୍ଵାରାସ୍ତ ହୋଇଛନ୍ତି । ଉଚ୍ଚ ନ

ନ୍ୟାୟାଳୟରେ ଏହି ସବୁ ପ୍ରଶଙ୍ଗ ବିଚାର ଧିନ ରହିଛି । ଏହା ସ୍ବତ୍ବେ ପାଟଣଗଡ ଏସଡିଜେଏମ କୋର୍ଟରେ ଭୁଲତଥ୍ୟ ଦେଇ ବନମାଳୀ ନାଏକ ଜାମିନ ପାଇଛନ୍ତି ବୋଲି ଆୟୋଜିତ ସାମ୍ବାଦିକ ସମ୍ମିଳନୀରେ ଶ୍ରୀ କୁମ୍ଭାର ପ୍ରକାଶ କରିଛନ୍ତି ।