15-Jun-2023

ବିନିକା(ହିମାଂଶୁ ଶେଖର ପୁଟେଲ)ବିଶ୍ୱ ରକ୍ତଦାତା ଦିବସ ପାଳନ ପରିପ୍ରେକ୍ଷୀରେ ଓଡ଼ିଶା ପ୍ରାନ୍ତୀୟ ମାରୱାଡି ଯୁବାମଞ୍ଚ ବିନିକା ଶାଖା ତରଫରୁ ସ୍ଥାନୀୟ ଦୁର୍ଗା ମଣ୍ଡପ ପରିସରରେ ଏକ ସ୍ଵେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି ।ଏହାକୁ ବିନିକା ନଗରପାଳ ସୁବାସ ଚନ୍ଦ୍ର ଭୋଇ ଫିତାକାଟି ଉଦ୍ଘାଟନ କରିଥିଲେ। ଶିବିର ପ୍ରଥମରେ ପ୍ରଜାପିତା  ବ୍ରହ୍ମକୁମାରୀ ସତ୍ୟଭାମା, କିଆଫୁଲ ଓ ଭାରତୀ ସ୍ଵେଚ୍ଛାକୃତ ରକ୍ତଦାନ କରି ରକ୍ତର ମହତଦାନ ଉପରେ ସମାଜକୁ ବାର୍ତା ପ୍ରଦାନ କରି ସମସ୍ତେ ଆଗେଇ ଆସିବାକୁ ପରାମର୍ଶ ଦେଇଥିଲେ ।ଶିବିରରେ ୧୮ଜଣ ମହିଳା,୫୭ଜଣ ପୁରୁଷଙ୍କ ସମେତ ସର୍ବମୋଟ ୭୫ଜଣ ସ୍ଵେଚ୍ଛାସେବୀ ରକ୍ତଦାନ କରିଥିଲେ ।ବରଗଡ଼ ରକ୍ତଭଣ୍ଡାରରୁ ଲ୍ୟାବଟେରୀ ଟେକେନିସିଆନ ବିଜୟ କୁମାର କ୍ଷେତି,ଭୁବନେଶ୍ୱର ସା,ଷ୍ଟାଫନର୍ସ ସବିତା ନାୟକ, କାଉନସିଲର ସରୋଜ ସୁନା,ଏଟେଣ୍ଡଣ୍ଟ ମହେନ୍ଦ୍ର ମେହେର,ଅଫିସ ଆସିଷ୍ଟାଣ୍ଟ ଧଲେଶ୍ଵର ଭୁଏ ପ୍ରମୁଖ ଉପସ୍ଥିତ ରହି ରକ୍ତ ସଂଗ୍ରହ କରିଥିଲେ ।ଶିବିର ଆୟୋଜନରେ ଓଡ଼ିଶା ପ୍ରାନ୍ତୀୟ ଯୁବାମଞ୍ଚ ରାଜ୍ୟ ଶାଖା କାର୍ଯ୍ୟକାରୀ କମିଟି ସଦସ୍ୟ ବିକାଶ ଅଗ୍ରୱାଲ,ବିନିକା ଶାଖା ସଭାପତି ସଞ୍ଜୀବ ଅଗ୍ରୱାଲ,ସମ୍ପାଦକ ଅରୁଣ ବଂଶଳ,କୋଷାଧ୍ୟକ୍ଷ ଅଜୟ ଅଗ୍ରୱାଲଙ୍କ ସହ ଯୁବାମଞ୍ଚର ସମସ୍ତ ସଦସ୍ୟ ଉପସ୍ଥିତ ଥିବା ବେଳେ ଶିବିର ପରିଚାଳନାରେ ସାମାଜିକ କର୍ମୀ ରାମ ଗୋପାଳ ବାଘ,ଅର୍ଜୁନ ପଣ୍ଡା,ବିଜୟ ବରାଇ,ଦିପାନିୟୂତା ମାହାଣା ପ୍ରମୁଖ ସକ୍ରିୟ ସହଯୋଗ କରିଥିଲେ  ।