18-Apr-2023

ବୀରମହାରାଜପୁର, (ବିନୋଦ ପାଣ୍ଡେ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ତହସିଲ ଅନ୍ତର୍ଗତ ଖଇରମଳ ଗ୍ରାମ ନାରାୟଣୀ ମନ୍ଦିର ସୀମା କୁ ନେଇ ଗ୍ରାମବାସୀଙ୍କ ମଧ୍ୟରେ ବିବାଦ ଲାଗିରହିଥିବା ଜଣାଯାଇଛି l ଗ୍ରାମର ଥିବା ନାରାୟଣୀ ମନ୍ଦିର ଖାତା ନମ୍ବର ୧୯୫ ପ୍ଲଟ ନମ୍ବର ୧୦୧୪ ଧର୍ମପିଠ ନାମରେ ରେକର୍ଡ ରହିଥିବା ବେଳେ ଗ୍ରାମର ଜୈନିକ ବ୍ୟକ୍ତି ଜବର ଦଖଲ କରି ଘର କରିଥିବାର ଅଭିଯୋଗ ହେଉଛି l ଏ ସଂକ୍ରାନ୍ତ ରେ ବୀରମହାରାଜପୁର ତହସିଲ ରେ ବାରମ୍ବାର ଅଭିଯୋଗ କଲେବି କୌଣସି ସୁଫଳ ମିଳୁ ନାହିଁ ବୋଲି ପ୍ରକାଶ କରୁଛନ୍ତି ଖଇରମଳ ର ଗ୍ରାମବାସୀ l ଗ୍ରାମବାସୀଙ୍କ ତରଫରୁ ଥରେ ଉକ୍ତ ଜମିକୁ ଚି଼ହ୍ନଟ କରାଯାଇଥିଲେ ମଧ୍ୟ ଏପର୍ଯ୍ୟନ୍ତ ଜବର ଦଖଲ ହଟାଯାଇନାହିଁ l ଏଠାରେ ମନ୍ଦିର ପ୍ରାଚୀର ନିର୍ମାଣ ପାଇଁ ଅନୁଦାନ ମିଳିଥିଲେ ମଧ୍ୟ, ବିବାଦ ପାଇଁ କାମ ନହୋଇ ଅର୍ଥ ପଡ଼ିରହିଛି l ଗ୍ରାମବାସୀ ମାନେ ତୁରନ୍ତ ଜବର ଦଖଲ ହଟାଇ ବାକୁ ସ୍ଥାନୀୟ ବିଧାୟକ ଏବଂ ଉପଜିଲ୍ଲାପାଳଙ୍କ ଦ୍ୱାରସ ହୋଇଥିବାର ପ୍ରକାଶ କରିଥିଲେ l ଏଥିରେ ରଙ୍କ ବିଶ୍ଵାଲ,ପିଙ୍କି ଶଙ୍ଖୁଆ,ସୈଳ ପାତ୍ର,ହିନ ବନମାଳୀ,ଉପାସି ବଘାର, ପ୍ରଭଞ୍ଜନ ପାତ୍ର, ଚନ୍ଦ୍ରମଣି ବଗର୍ତ୍ତି, ବେଣୁଧର ଶଙ୍ଖୁଆ,ପ୍ରମୋଦ ପ୍ରଧାନ, ସଞ୍ଜିବ ପାତ୍ର ଓ ଗୋପବନ୍ଧୁ ବଡମାଳି ପ୍ରମୁଖ ଉପସ୍ଥିତ ଥିଲେ।