07-Apr-2023

ଭୁବନେଶ୍ବର (ପ୍ରେରଣା ଖବର ):-  ଗାନ୍ଧିଜୀଙ୍କୁ ଉକ୍ତି ଥିଲା କହିବା ଆଗରୁ କରି କି ଦେଖାଅ । ସମାଜ ପରିବର୍ତନ ଦେଖିବା ପୂର୍ବରୁ ନିଜଠାରୁ ପରିବର୍ତନ ଆରମ୍ଭ କଲେ ଭଲ ହେବ ।  ସେହି କଥା ବା ଭାବଧାରାକୁ ନେଇ ଗଛ ମଣିଷ ଡା. ଦିଲିପ ଶ୍ରୀଚନ୍ଦନ ସବୁଜ ବିଶ୍ୱ ପାଇଁ ସବୁଜ ଓଡିଶା ପ୍ରଥମେ ଗଠନ କରିବାକୁ ହେବ ବୋଲି  ଯୁବ ପିଢୀ ଓ ଆଗାମୀ କାଲିର ବଂଶଧରର ମାନଙ୍କୁ ସୂଚନା ପ୍ରଦାନ କରିଥିଲେ । ଭାରତୀୟ

ରେଡକ୍ରସ ସୋସାଇଟି , ଓଡିଶା ରାଜ୍ୟ ଶାଖାର ଅବୈତନୀକ ସଂପାଦକ  ବିଭୂତି ଭୂଷଣ ପଟ୍ଟନାୟକଙ୍କ (ଆଇଏଏସ୍ ) ତତ୍ୱାବଧାନରେ ଓଡିଶା ରାଜ୍ୟ ଜୁନିଅର ରେଡକ୍ରସ ଅଫିସର ଲକ୍ଷ୍ମଣ ସ୍ୱାଇଁଙ୍କ ସଂଯୋଜନାରେ ରାଜ୍ୟ ସ୍ତରୀୟ ଜୁନିୟର ରେଡକ୍ରସ ତାଲିମ ଶିବିର ଭୂବନେଶ୍ୱର ଶିଖରଚଣ୍ଡୀ ସ୍ଥିତ ନୀଳାଚଳ ପଲିଟେକନିକ୍ ମହାବିଦ୍ୟାଳୟରେ ଅନୁଷ୍ଠିତ ହୋଇଥିବା କାର୍ଯ୍ୟକ୍ରମର ଦ୍ୱିତୀୟ ଦିନରେ ଜଳବାୟୁ ପରିବର୍ତନ ବିଷୟରେ   ଜୁନିୟର ମାନଙ୍କୁ ତାଲିମ ଦିଆଯାଇଛି । ପ୍ରାକ୍ତନ ଓଡିଶା ବିଧାନ ସଭା ସଭ୍ୟ ତଥା ଗଛ ମଣିଷ ଡ. ଦିଲ୍ଲୀପ ଶ୍ରୀଚନ୍ଦନ ଶିବିରରେ ଯୋଗ ଦେଇ  ଜୁନିୟର ମାନଙ୍କ ସହିତ ଭାବ ବିନିମୟ ମାଧ୍ୟମରେ ଗଛ ଲଗାଇବାର ଆବଶ୍ୟକତା ବିଷୟରେ ଆଲୋଚନା କରିଥିଲେ ।   ଗଛ ବିନା

ସୃଷ୍ଟି ଅସମ୍ଭବ । ଅମ୍ଲଜାନ ହେଉ  କି, ଖାଦ୍ୟ, ବସ୍ତ୍ର ଓ ବାସଗୃହ ହେଉ, ବୃକ୍ଷଠାରୁ ପ୍ରତେକ୍ଷ୍ୟ ବା ପରୋକ୍ଷ ଭାବରେ ଆମେ ପାଇପାରିଥାଉ । ତେଣୁ ତାର ସୁରକ୍ଷା ଆମ ସମସ୍ତଙ୍କ ପାଇଁ ଦାୟିତ୍ୱ  ଓ କର୍ତବ୍ୟ ବୋଲି ମତ ପ୍ରକାଶ କରିଥିଲେ । ଆଧୁନିକତା ତଥା ବିକାଶ ନାମ ରେ ମଣିଷ ଅରଣ୍ୟ କୁ  ଶତୃ ବୋଲି ଅରଣ୍ୟକୁ କ୍ଷୟ କରିବାରେ ଲାଗିଛି । ଧାରଣୀୟ ବିକାଶ ତଥା ଆଗାମୀ ପିଢୀ ମାନଙ୍କ ପାଇଁ ଆମେ ସମସ୍ତଙ୍କୁ ଗୋଟିଏ କଥା କହିବାକୁ ହେବ ,  ଓଡିଶା ବାସୀ ଦେଶରେ ଥାଆନ୍ତୁ ବା ବିଦେଶରେ ଥାଆନ୍ତୁ , ପୃଥିବୀ ମାଆ ପାଇଁ ଗଛ ଟିଏ ଲଗାନ୍ତୁ  ବୋଲି ଗଛର ମଣିଷ ଡ. ଦିଲ୍ଲୀପ ଶ୍ରୀଚନ୍ଦନ  ଆହ୍ୱାନ ଦେଇଥିଲେ ।