19-Mar-2023

ବଲାଙ୍ଗିର(ପ୍ରେରଣା ଖବର)-ବଲାଙ୍ଗୀର ଭୀମଭୋଇ ମେଡିକାଲ କଲେଜ ହସପିଟାଲରେ ସୋମବାରଠାରୁ ଶନିବାର ପର୍ଯ୍ୟନ୍ତ ଆହାରକେନ୍ଦ୍ର ଚାଲୁରହୁଛି । ରବିବାର ଦିନ ସରକାରୀ ଛୁଟି ରହୁଥିବାରୁ ସରକାରୀ ଆହାର କେନ୍ଦ୍ର ମଧ୍ୟ ବନ୍ଦ ରହୁଛି । ରବିବାର ଦିନ ହସପିଟାଲର ରୋଗୀମାନଙ୍କ ବନ୍ଧୁପରିଜନ ଖାଇବାକୁ ପାଉନାହାଁନ୍ତି । ତେଣୁ ଏହି ସମସ୍ୟାକୁ ନଜରରେ ରଖି ବଲାଙ୍ଗୀରର ସହଯୋଗ ଫାଉଣ୍ଡେସନ ତରଫରୁ ପ୍ରତ୍ୟେକ ରବିବାର ଦିନ ହସପିଟାଲ ପରିସରରେ ରୋଗୀଙ୍କ ଆଟେଣ୍ଡାଣ୍ଟଙ୍କ ପାଇଁ ଅନ୍ନପୂର୍ଣ୍ଣା କାର୍ଯ୍ୟକ୍ରମ ଜରିଆରେ ମାଗଣା ଖାଦ୍ୟ ବ୍ୟବସ୍ଥା କରୁଛନ୍ତି । ଭାତ, ଡାଳମା ଓ ଟମାଟୋଖଟା ଲୋକଙ୍କୁ ବଣ୍ଟାଯାଉଛି । ତେବେ ସହଯୋଗ ଫାଉଣ୍ଡେସନର ଏଭଳି କାମକୁ ଅନେକଲୋକ ପ୍ରଶଂସା କରିବା ସହିତ ସହଯୋଗରାଶି ଦେଇ ପ୍ରୋତ୍ସାହିତ ମଧ୍ୟ କରୁଛନ୍ତି । ଜନ୍ମଦିନ, ଶ୍ରାଦ୍ଧଦିବସ,ବିବାହ ବାର୍ଷିକୀ ଉପଲକ୍ଷେ ବଦାନ୍ୟ ବ୍ୟକ୍ତିମାନେ ମଧ୍ୟ ଏହିଦିନ ଖାଦ୍ୟ ଦେଉଛନ୍ତି । ଗତ ୨୦ ସପ୍ତାହ ହେଲା ଏଭଳି ଅନ୍ନପୂର୍ଣ୍ଣା କାର୍ଯ୍ୟକ୍ରମ ଚାଲୁରହିଛି । ଆଜି ବଲାଙ୍ଗୀରର ଜଣାଶୁଣା ସମାଜସେବୀ ତଥା ଶ୍ରମିକ ସଂଗଠକ ସ୍ୱର୍ଗତ ଅରୂଣ ସାହୁଙ୍କ ସ୍ମୃତିରେ ତାଙ୍କ ବଡଭାଇ ଅକୃର ସାହୁ ଗରୀବ ଲୋକଙ୍କ ପାଇଁ ଖାଦ୍ୟ

ବ୍ୟବସ୍ଥା କରିଥିଲେ । ପ୍ରାୟ ୩୦୦ଲୋକଙ୍କୁ ଖାଦ୍ୟ ବଣ୍ଟାଯାଇଥିଲା । ସହଯୋଗ ଫାଉଣ୍ଡେସନର ଅନୀଳ ମୋଦୀ, ସଂପାଦିକା ପିଙ୍କି ମୋଦୀ, ଆର୍ତ୍ତତ୍ରାଣ ପାଢୀ, ପଞ୍ଚାନନ ପଧାନ, ରେଡକ୍ରସ କର୍ମୀ ରବିଚନ୍ଦ୍ର ପଶାୟତ, ରାମନାରାୟଣ ଦାସ,cତକ୍ଷକ ଖବରକାଗଜର ସଂପାଦକ ବାବୁ ପୂଜାହାରୀ, ସାମ୍ବାଦିକ ପୂର୍ଣ୍ଣଚନ୍ଦ୍ର ପଣ୍ଡା, ସ୍ୱେଚ୍ଛାସେବୀ ପ୍ରମୋଦ ସାହୁ, ବିଶ୍ୱହିନ୍ଦୁପରିଷଦର ବିରଞ୍ଚିନାରାୟଣ ପଣ୍ଡା, ମଜଦୂରସଂଘର ବଲାଙ୍ଗୀର ଜିଲ୍ଲା ସଭାପତି ରୁଣୁଗୋପାଲ ସାହୁ ପ୍ରମୁଖ ସହଯୋଗ କରିଥିଲେ । ଏହି ଅବସରରେ ସାମ୍ବାଦିକ ପୂର୍ଣ୍ଣଚନ୍ଦ୍ର ପଣ୍ଡା ଓ ସଂଗଠକ ଅକୃର ସାହୁଙ୍କୁ ମାନପତ୍ର ଦେଇ ସହଯୋଗ ଫାଉଣ୍ଡେସନ ପକ୍ଷରୁ ସମ୍ବର୍ଦ୍ଧିତ କରାଯାଇଥିଲା । 
 ଠିକ ସେହିପରି ଶ୍ରମିକନେତା ସ୍ୱର୍ଗତ ଅରୁଣ ସାହୁଙ୍କ ଜନ୍ମଦିବସରେ ତାଙ୍କ ସ୍ମତିରେ ଭୀମଭୋଇ ମେଡିକାଲ କଲେଜ ରକ୍ତଭଣ୍ଡାରଠାରେ ଏକ ସ୍ୱେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଥିଲା । ୨୧ ୟୁନିଟ ରକ୍ତ ସଂଗ୍ରହ ହୋଇଥିଲା । କାର୍ଯ୍ୟକ୍ରମକୁ ଶ୍ରମିକନେତା ତଥା ସଂଗଠକ ବିରଞ୍ଚିନାରାୟଣ ପଣ୍ଡା ଓ ଭାରତୀୟ ମଜଦୂରସଂଘର ସଭାପତି ରୁଣୁଗୋପାଳ ସାହୁ ଶୁଭାରମ୍ଭ କରାଇଥିଲେ । ସ୍ୱର୍ଗତ ଅରୂଣ ସାହୁଙ୍କ ବଡଭାଇ ଅକୃର ସାହୁ, ସାମ୍ବାଦିକ ପୂର୍ଣ୍ଣଚନ୍ଦ୍ର ପଣ୍ଡା, ରିରୁରାଜ ସିଂ, ବାବୁ ପୂଜାରୀ, ଫିରୋଜ ସାହୁ, ସଂଗଠକ କମ୍ବୁପାଣି ପୂଜାରୀ, ରେଡକ୍ରସକର୍ମୀ ରବିଚନ୍ଦ୍ର ପଶାୟତ, ରାମନାରାୟଣ ଦାସ, ସ୍ୱେଚ୍ଛାସେବୀ ତଥା ପୂର୍ବତନ ସରପଞ୍ଚ ଧୁବୁନୀ ରଣା, ରୋହିତ ଜୈନ ଓ ଅନ୍ୟମାନେ ସହଯୋଗ କରିଥିଲେ ।