06-Dec-2020

(ପ୍ରେରଣା ଖବର ବ୍ୟୁରୋ) - ରୁଷିଆର ରାଜଧାନୀ ମସ୍କୋରେ କୋଭିଡ-୧୯ ଟିକାକରଣ କାର୍ଯ୍ୟକ୍ରମ ଆରମ୍ଭ ହେବା ସହିତ ଭାରତର ଲୋକଙ୍କ ଲାଗି ମଧ୍ୟ ବଡ଼ ଖୁସିଖବର ଆସିଛି। ଔଷଧ ଉତ୍ପାଦନକାରୀ କଂପାନୀ ଭାଇଜରର ଭାରତୀୟ ଶାଖା ନିଜ ଦ୍ୱାରା ବିକଶିତ କୋଭିଡ-୧୯ ଟିକାର ଜରୁରୁୀକାଳୀନ ବ୍ୟବହାର ଔପଚାରିକ ଭାବେ ମଂଜୁରୀ ଲାଗି ଭାରତୀୟ ଔଷଧୀ ମହାନିୟନ୍ତ୍ରକ (ଡିସିଜିଆଇ) ନିକଟରେ ଆବେଦନ କରିଛି। ବିଶ୍ୱସ୍ତ୍ର ସୂତ୍ରରୁ ଜାତୀୟ ଗଣମାଧ୍ୟମକୁ ମିଳିଥିବା ସୂଚନା ଅନୁସାରେ ଔଷଧ ନିୟାମକ ଆବେଦନ କରିଛି ଯେ କଂପାନୀ ଦେଶରେ ଟିକାର ଆମଦାନୀ ଓ ବିତରଣରେ ମଂଜୁରୀ ଦେବାକୁ ଅନୁରୋଧ କରିଛି। ଏହା ବ୍ୟତୀତ ଔଷଧ ଓ କ୍ଲିନିକାଲ ପରୀକ୍ଷଣ ନିୟମ, ୨୦୧୯ର ସ୍ୱତନ୍ତ୍ର ବ୍ୟବସ୍ଥା ଅନୁସାରେ ଭାରତର ଜନସଂଖ୍ୟାରେ କ୍ଲିନିକାଲ ପରୀକ୍ଷଣ ରିହାତି ଦିଆଯିବାକୁ ମଧ୍ୟ ଅନୁରୋଧ କରିଛି। ଏକ ସୂତ୍ର ଅନୁସାରେ ଫାଇଜର ଇଣ୍ଡିଆ ଭାରତରେ ଏହାର କୋଭିଡ-୧୯ ଟିକାର ଜରୁରୀକାଳୀନ ଉପଯୋଗର ମଂଜୁରୀ ଲାି ଡିସେମ୍ବର ୪ରେ ଡିଜିସିଆଇ ନିକଟରେ ଆବେଦନ କରିଛି। ବ୍ରିଟେନ ବୁଧବାର ଫାଇଜରର କୋଭିଡ-୧୯ ଟିକାର ଜରୁରୀକାଳୀନ ବ୍ୟବହାର ଲାଗି ଅସ୍ଥାୟୀ ମଂଜୁରୀ ପ୍ରଦାନ କରିଥିଲା। ବ୍ରିଟେନ ପରେ ବାହାରିନ ଶୁକ୍ରବାର ବିଶ୍ୱର ୨ୟ ଦେଶ ହୋଇଯାଇଛି। ଜେନିଭା ଔଷଧ ନିର୍ମାତା କଂପାନୀ ଫାଇଜର ଓ ଏହାର ଜର୍ମାନୀ ସହଯୋଗୀ ବାୟୋଏନଟେକ ଦ୍ୱାରା ବିକଶିତ କୋଭିଡ-୧୯ ଟିକାର ଜରୁରୀକାଳୀନ ବ୍ୟବହାର ଔପଚାରିକ ମଂଜୁରୀ ଦେଇଛି। ଔଷଧ କଂପାନୀ ପ୍ରଥମରୁ ହିଁ ଆମେରିକାରେ ଏହା ମଂଜୁରୀ ଲାଗି ଆବେଦନ କରିସାରିଛି।