29-Dec-2022

ବଲାଙ୍ଗିର,(ପ୍ରେରଣା ଖବର) ଖଦ୍ୟୋତ ର ଷଷ୍ଠ ବାର୍ଷିକ ଉତ୍ସବ ମଣ୍ଟେସୋରି ସଭାଗୃହ ଠାରେ ଅନୁଷ୍ଠିତ ହୋଇଥିଲା । ଅନୁଷ୍ଠାନର ସଭାପତି ପ୍ରଫେସର ତରୁଣ କୁମାର ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା । ସଂପାଦକ ଆକୁଳ ବେହେରା ବାର୍ଷିକ ବିବରଣୀ ପାଠ କରିଥିଲେ । ବାର୍ଷିକ ଉତ୍ସବରେ ଅନୁଷ୍ଠିତ ଚିତ୍ରାଙ୍କନ, ବକ୍ତୃତା ସଙ୍ଗିତ, ଡେନ୍ସ ରେ କୃତୀ ଛାତ୍ରଛାତ୍ରୀମାନଙ୍କୁ ପୁରସ୍କୃତ କରାଯାଇଥିଲା । ଉତ୍ସବରେ ମୁଖ୍ୟ ଅତିଥି ଡା. ପୂର୍ଣ୍ଣଚନ୍ଦ୍ର ସାହୁ, ସମ୍ମାନିତ  ଅତିଥି ଭାବେ ମଣ୍ଟେସୋରୀ ପବ୍ଲିକ ସ୍କୁଲର ଅଧ୍ୟକ୍ଷ ରବିଚନ୍ଦ୍ର ଉଦ୍‌ଗାତା, ମୁଖ୍ୟ ବକ୍ତା କବି ଶୁଭ୍ରାଂଶୁ ଶେଖର ପଣ୍ଡା, ଉପ-ସଭାପତି ରବିଚନ୍ଦ୍ର ପଶାୟତ ପ୍ରମୁଖ ମଂଚାସୀନ ଥିଲେ । ଆନନ୍ଦ ବଡପଣ୍ଡା ସଭା ସଂଯୋଜନା କରିଥିଲେ ।

ବିଚାରକ ଭାବେ ଡା. ପ୍ରେମଚାନ୍ଦ ମହାନ୍ତି ବରିଷ୍ଠ ସଦସ୍ୟ ଦିବାକର ହୋତା ଉପସ୍ଥିତ ରହି କତୀ ପ୍ରତିଯୋଗୀ ମାନଙ୍କୁ ଉତ୍ସାହିତ କରିଥିଲେ । ଏହି ଉପଲକ୍ଷେ ସଂଗଠକ ନାରାୟଣ ପାଢି ଓ ସାମ୍ବାଦିକ ରାଜୀବ ଷଡଙ୍ଗିକୁ ମାନପତ୍ର ଓ ଉପଢୈାକନ ଦେଇ ସମ୍ମାନିତ କରାଯାଇଥିଲା । ଚିତ୍ରାଙ୍କନ ପ୍ରତିଯୋଗିତାରେ ସ୍ମିତି ଉଦ୍‌ଗାତା ପ୍ରଥମ, ସିନିୟର ଆୟୁଷ କୁମାର ଠାକୁର, ଦିବ୍ୟାଙ୍ଗି କ୍ଷେତି, ଡେନ୍ସ ରେ ଆନନ୍ଦିତା ପଟ୍ଟନାୟକ, ଶ୍ରେୟାଂଶ ଯୋଷି, ଜୁନିୟର ନୈତିକ ନୟନ ଦାଶ, ଫେନ୍ସି ଡ୍ରେସରେ ସମର୍ପିତା  ପୁରସ୍କୃତ କରାଯାଇଥିଲା । ସଂଗୀତରେ ପୌଲମି ଯୋଷୀ ପ୍ରଥମ ହୋଇଥିଲେ । ଶେଷରେ ଦୁର୍ଯ୍ୟୋଧନ ପଶାୟତ ଧନ୍ୟବାଦ ଅର୍ପଣ କରିଥିଲେ ।