28-Dec-2022

ପାଟଣାଗଡ଼(ପୂର୍ଣ୍ଣ ଶଶୀ ଶେଖର ରାଓ) ପାଟଣାଗଡ଼ ଉପଖଣ୍ଡ ଖପ୍ରାଖୋଲ ବ୍ଳକ ଭାନପୁର ଗାଁ ରେ ଚାଲିଥିବା ଆର୍ଯନ କ୍ରିକେଟ୍ କ୍ଳବ୍ ର ୧୭ ତମ ମ୍ୟାଚ ର ଆଜି ଫାଇନାଲ ଦିବସ ଅନୁଷ୍ଠିତ ହୋଇଥିଲା। ସୂଚନା ଅନୁସାରେ ୨୪/୧୨/୨୨ ଦିନ ଠାରୁ ଆରମ୍ଭ ହୋଇ ଆଜି ଫାଇନାଲ ରେ ପହଞ୍ଚି ଥିବା ବେଳେ ଏଥିରେ ସର୍ବମୋଟ ୨୪ ଟି ଦଳ ଅଂଶଗ୍ରହଣ କରିଥିଲେ।୨୨

ଟି ଦଳକୁ ପରାଜିତ କରି ପଦ୍ମପୁର ବୁକାଝୁଲା ଓ ବଡ଼ ଉଡେନ ମଧ୍ୟରେ ଆଜି ଫାଇନାଲ ମ୍ୟାଚ ଅନୁଷ୍ଠିତ ହୋଇଥିଲା। ପ୍ରଥମେ ବୁକାଝୁଲା ବ୍ୟାଟିଂ କରି ୮୪ ରନ୍ କରିଥିବା ବେଳେ ବଡ଼ ଉଡେନ ମାତ୍ର ୪୦ ରନ୍ କରିପାରିଥିଲେ। ଏବଂ ଏହି ମ୍ୟାଚ ରେ ବୁକାଝୁଲା ଟିମ୍ ବିଜୟ ଘୋଷଣା ହୋଇଥିଲେ। ଏହି କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ପାଟଣାଗଡ଼ ବିଧାୟକ ସରୋଜ କୁମାର ମେହେର ଯୋଗଦେଇ ବୁକାଝୁଲା ଟିମ୍ କୁ ପୁରସ୍କାର ପ୍ରଦାନ କରିଛନ୍ତି। ଏହି କାର୍ଯ୍ୟକ୍ରମ ରେ

ସମ୍ମାନିତ ଅତିଥି ଭାବେ ଖପ୍ରାଖୋଲ ବ୍ଳକ ଅଧ୍ୟକ୍ଷା ନିରୁପମା ପଟେଲ, ଜୋନ୍ ୩ ର ଜିଲ୍ଲା ପରିଷଦ ସଞ୍ଜୁକ୍ତା ମେହେର, ସମିତି ସଭ୍ୟା ଯଶୋବନ୍ତି ତାଣ୍ଡି,ମଣ୍ଡି ସଭାପତି ଫକିର ପ୍ରଧାନ, ବିଧାୟକ ଙ୍କ ପ୍ରତିନିଧି ରମେଶ ପ୍ରଧାନ, ଗୁଣନିଧି ବେହେରା, ବୃନ୍ଦାବନ ପୁଟେଲ ଯୋଗ ଦେଇ ଖେଳାଳି ମାନଙ୍କୁ ଉତ୍ସାହିତ କରିଥିଲେ। ଏହି ଟୁର୍ଣ୍ଣାମେଣ୍ଟରେ ପଦ୍ମନ ନିଆଲ କ୍ୟାପଟେନ ଥିବା ବେଳେ ହେମନ୍ତ ସାହୁ ସଭାପତି ଦାୟିତ୍ୱ ନିର୍ବାହ କରିଥିଲେ। କମିଟି ସଦସ୍ୟ ଅମିତ୍ ପଣ୍ଡା, ସଞ୍ଜୟ ଚିରାଗୁନ, ରାଜୁ ଚିରାଗୁନ, ଗୋପାଳ ନାଏକ, ତୋଫାନ ନିଆଲ,ପପୁ ନାଏକ, ହରିଶ ପାତ୍ର ଓ ମୁନା ପ୍ରମୁଖ ଉପସ୍ଥିତ ରହି ସହଯୋଗ କରିଥିବା ଜଣାପଡିଛି।