15-Oct-2022

ଆଗଲପୁର(ବିନୋଦ ଦୀପ)ବଲାଙ୍ଗିର ଜିଲ୍ଲା ଆଗଲପୁର ବ୍ଲକ ଅନ୍ତର୍ଗତ ଖଲିଆପାଲି ଉଚ୍ଚ ପ୍ରାଥମିକ ବିଦ୍ୟାଳୟ ପ୍ରାଙ୍ଗଣରେ ଜୁନିଅର ରେଡକ୍ରସ ୟୁନିଟ ତରଫରୁ  ବିଶ୍ୱ ହାତଧୁଆ ଦିବସ ପାଳିତ ହୋଇଯାଇଛି । ଆୟୋଜିତ ହୋଇଥିବା ସଭାରେ ପ୍ରଧାନଶିକ୍ଷକ ତଥା ଜୁନିଅର ରେଡକ୍ରସ ପରାମର୍ଶଦାତା ଦୂର୍ଯ୍ୟୋଧନ ପଶାୟତ ଅଧ୍ୟକ୍ଷତା କରି ବିଶ୍ୱ ହାତଧୁଆ ଦିବସର ଗୁରୁତ୍ୱ ବିଷୟରେ ବକ୍ତବ୍ୟ ଦେଇଥିଲେ ଓ ଛାତ୍ରଛାତ୍ରୀ ମାନଙ୍କୁ ହାତଧୁଆର ୬ ଗୋଟି

ସୋପାନ ବିଷୟରେ  ତାଲିମ ଦେଇଥିଲେ । କାର୍ଯ୍ୟକ୍ରମକୁ ବିଦ୍ୟାଳୟର ସ୍ୱଚ୍ଛତା ଅଭିଯାନର ସଂପାଦିକା  ସଂଗୀତା ସାହୁ ପରିଚାଳନା କରିଥିଲେ । ଆୟୋଜିତ ହୋଇଥିବା ହାତ ଧୋଇବା ସଂପର୍କିତ ପୋଷ୍ଟର ମେକିଙ୍ଗ ପ୍ରତିଯୋଗିତାର ଛାତ୍ରଛାତ୍ରୀ ବହୁ ସଂଖ୍ୟାରେ ଅଂଶଗ୍ରହଣ କରିଥିଲେ । କାର୍ଯ୍ୟକ୍ରମରେ ଶିକ୍ଷକ ଜ୍ୟୋତିର୍ମୟ ମିଶ୍ର, ଧିରେନ୍ଦ୍ର କୁମାର ସାହୁ, ସନ୍ତୋଷ କୁମାର ପାଇକଚନ୍ଦନ, ସ୍କୁଲ ଚେୟାରପାର୍ସନ  ରାଧେଶ୍ୟାମ କରନ, ସ୍ୱେଚ୍ଛାସେବୀ ଜୟକୁମାରୀ ତାଣ୍ଡି ପ୍ରମୁଖ ସହ ଯୋଗକରିଥିଲେ ।