02-May-2022

ବରଗଡ ଜିଲ୍ଲା ପଦ୍ମପୁର ସାଇରାଜ କଲ୍ଯାଣ ମଣ୍ଡପ ଠାରେ ଜିଲ୍ଲା କରାଟେ ଡୁ ଆସୋସିଏସନ୍ ପକ୍ଷରୁ ବେଲ୍ଟ ପ୍ରଦାନ ଉତ୍ସବ ଅନୁଷ୍ଠିତ ହୋଇଯାଇଛି। ପଦ୍ମପୁର ଉପଖଣ୍ଡ ଆରକ୍ଷୀ ଅଧିକାରୀ  ବିଭୁତି ଭୂଷଣ ଭୋଇ ମୂଖ୍ୟ ଅତିଥି ଭାବରେ ଯୋଗଦେଇ ଉତ୍ସବକୁ ଉଦ୍ଘାଟନ କରିଥିଲେ । ଏହି ଉପଲକ୍ଷେ ଆୟୋଜିତ ଏକ ସଭାରେ ଏଡଭୋକେଟ ପ୍ରଶାନ୍ତ ମାଝୀ ସଭାପତିତ୍ବ କରିଥିବା ବେଳେ ମୂଖ୍ୟ ଅତିଥି ଭାବରେ ଉପଖଣ୍ଡ ଆରକ୍ଷୀ ଅଧିକାରୀ  ବିଭୁତି ଭୂଷଣ ଭୋଇ ମୂଖ୍ୟ ଅତିଥି,  ଶ୍ରୀମତୀ ସଂଯୁକ୍ତା ମାଝୀ ମୂଖ୍ୟ ବକ୍ତା, ପ୍ରକୃତି ବଂଧୁ ମୀନକେତନ ସାହୁ  ଓ ଏଡଭୋକେଟ ଉପେନ୍ଦ୍ର ସାହୁ ,ଭୂମିସୂତା ମେହେର, ରାଜେନ୍ଦ୍ର ସାହୁ, ନିରଞ୍ଜନ ସେଠ ପ୍ରମୁଖ ସମ୍ମାନିତ ଅତିଥି ଭାବେ  ଯୋଗ ଦେଇଥିଲେ । ଅନୁଷ୍ଠାନ ଦ୍ବାରା ପ୍ରଶିକ୍ଷିତ ଛାତ୍ରଛାତ୍ରୀ ମାନେ ତାଙ୍କର କଳା ନୈପୁଣ୍ଯ ପ୍ରଦର୍ଶନ କରିଥିଲେ। କୁମାରୀ ସସ୍ମିତା ଦେବାଙ୍ଗନ ପର୍ପଲ ବେଲ୍ଟ ପରୀକ୍ଷା ଉତ୍ତୀର୍ଣ୍ଣ ହୋଇ ଥିବାରୁ ମୂଖ୍ୟ ଅତିଥି ସମ୍ମାନିତ କରିଥିଲେ।  ରେନ୍ସି କାବୁଲି ପଟ୍ଟନାୟକ କାର୍ଯ୍ୟକ୍ରମକୁ ସଂଚାଲନ କରିଥିବା ବେଳେ ଶ୍ରୀଯୁକ୍ତ ରାଜେନ୍ଦ୍ର ସାହୁ ଧନ୍ୟବାଦ ଅର୍ପଣ କରିଥିଲେ।