13-Sep-2021

ଭୁବନେଶ୍ୱର (ପ୍ରେରଣା ଖବର ବ୍ୟୁରୋ ): ରାଜ୍ଯରେ ୫ଶହ ତଳକୁ ଖସିଲା ମହାମାରୀ ସଂକ୍ରମଣ ଗ୍ରାଫ୍। ଗତ ୨୪ ଘଣ୍ଟା ମଧ୍ୟରେ ୨୧ ଜିଲ୍ଲାରୁ ୪୭୧ ଜଣ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏହି ଆକ୍ରାନ୍ତଙ୍କ ମଧ୍ୟରୁ ସଙ୍ଗରୋଧ କେନ୍ଦ୍ରରୁ ୨୭୪ ଜଣ ଆକ୍ରାନ୍ତ, ସ୍ଥାନୀୟ ଅଞ୍ଚଳରୁ ୧୯୭ ଜଣ ଆକ୍ରାନ୍ତ ଓ ୧୮ ବର୍ଷ ବୟସରୁ କମ୍ ପିଲାମାନଙ୍କ ମଧ୍ୟରେ ୫୭ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି। ଖୋର୍ଦ୍ଧା ଜିଲ୍ଲାରୁ ସର୍ବାଧିକ ୧୯୬ ଜଣ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଜିଲ୍ଲା ପଛକୁ କଟକ ଜିଲ୍ଲାରୁ ୮୧ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି। ରାଜ୍ଯରେ ବର୍ତ୍ତମାନସୁଦ୍ଧା ମହାମାରୀରୁ ଆରୋଗ୍ଯ ଲାଭ କରିଛନ୍ତି ୧୦ଲକ୍ଷ ୨ହଜାର ୧୨୮ ଜଣ ଆକ୍ରାନ୍ତ। ଏଥିସହିତ ସକ୍ରିୟ ସଂକ୍ରମିତଙ୍କ ସଂଖ୍ୟା ୬,୫୪୮ ରହିଛି। ରାଜ୍ଯରେ ଏଯାବତ୍ ୧୦ଲକ୍ଷ ୧୬ହଜାର ୮୩୩ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି। ରାଜ୍ଯ ସରକାରଙ୍କ ସୂଚନା ଓ ଲୋକସମ୍ପର୍କ ବିଭାଗ ପକ୍ଷରୁ ସୂଚନା ଦିଆଯାଇଛି!.*