12-Sep-2021

ଟିଟିଲାଗଡ଼ (ପ୍ରେରଣା ଖବର ): ବଲାଙ୍ଗୀର ଜିଲ୍ଲା  ଟିଟିଲାଗଡ଼ ଥାନା ଅଧିନସ୍ଥ ଘୋଡାର ଗ୍ରାମ ପଞ୍ଚାୟତରେ ଟିଟିଲାଗଡ଼ ହାଟପଦା ପଡ଼ା ର ଚାରି ଜଣ ଯୁବକଙ୍କୁ ମିଳିତ ଆକ୍ରମଣ କରି ଗୁରୁତର ଆହତ କରିଦେଇଥିବା ସୂଚନା ମିଳିଛି । ପ୍ରକାଶ ଯେ,ଟିଟିଲାଗଡ଼ ହାଟପଦା ପଡ଼ା ର ମୁବାରକ ଅଲି(ବ-୨୫),ଗୁଣ୍ଡୁ ବାଗ(ବ-୨୭),ବଲ ବେହେରା(ବ-୨୬),ଅଲୋକ ବେହେରା(ବ-୨୩) ନାମକ ଚାରି ଜଣ ଯୁବକ ଘୋଡ଼ାର ଗ୍ରାମ କୁ ଯାଇଥିଲେ । ଉକ୍ତ ଗ୍ରାମ ରେ କୌଣସି କାରଣ ବଶତଃ ଗ୍ରାମ ର କିଛି ବ୍ୟକ୍ତି ଙ୍କ ସହ ପାଟିତୁଣ୍ଡ ହୋଇଥିଲା । ଏପରି କି ଗ୍ରାମ ର କିଛି ମହିଳାଙ୍କୁ ଦୁର୍ବ୍ୟବହାର କରିଥିବା ଗ୍ରାମବାସୀ ଅଭିଯୋଗ କରିଛନ୍ତି । ଏ ନେଇ ଗ୍ରାମର ଉଭୟ ମହିଳା ଓ କିଛି ବ୍ୟକ୍ତି ମିଶି ଉକ୍ତ ଯୁବକ ଙ୍କୁ ବିଭିନ୍ନ ମାରଣାସ୍ତ୍ର ସହ ମରଣାନ୍ତକ ଆକ୍ରମଣ କରି  ଗୁରୁତର କରିଦେଇ ଥିବା ବେଳେ ତାଙ୍କୁ ଟିଟିଲାଗଡ଼ ଉପଖଣ୍ଡ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଏପରି କି ଗ୍ରାମରେ ଆକ୍ରମଣ କାରି  ରକ୍ତାକ୍ତ ଅବସ୍ଥାରେ  ଲଙ୍କା ଗୁଣ୍ଡ ଦେଇ ଆକ୍ରମଣ କରି ଥିବା ପ୍ରକାଶ ପାଇଛି । ତେବେ ଅବସ୍ଥା ଗୁରୁତର ଥିବାରୁ ଡାକ୍ତର ବଲାଙ୍ଗୀର ଜିଲ୍ଲା ମୁଖ୍ୟ ଚିକିତ୍ସାଳୟ କୁ ସ୍ଥାନାନ୍ତରିତ କରିବା ପରାମର୍ଶ ଦେଇଛନ୍ତି । ଏ ନେଇ ଟିଟିଲାଗଡ଼ ମୁଖ୍ୟ ଚିକିତ୍ସାଳୟରେ ତୀବ୍ର ଉତେଜନା ସୃଷ୍ଟି ହୋଇଛି ।