18-Jul-2021

ବିନିକା (ହିମାଂଶୁ ଶେଖର ପୁଟେଲ) : : ସାରା ବିଶ୍ବରେ ଆତଙ୍କ ସୃଷ୍ଟି କରିଥିବା ମହାମାରୀ କରୋନା ଯୋଗୁଁ ଗତ ଦେଢ଼ବର୍ଷ ହେଲା ସ୍କୁଲ କଲେଜ ବନ୍ଦ ଥିବାରୁ  ଛାତ୍ରଛାତ୍ରୀ ମାନଙ୍କ ପାଠପଢାରେ ବ୍ୟାଘାତ ସୃଷ୍ଟି କରିଛି l ତାଙ୍କର ଭବିଷ୍ୟତ ଗଡ଼ିବା ସ୍ବପ୍ନ ମଉଳି ଯାଇଛି l କିଏ କିଏ ପାଠ୍ୟପୁସ୍ତକ ପାଇ ଶିକ୍ଷା ଉପରେ ଗୁରୁତ୍ୱ ଦେଉଥିବା ବେଳେ ବିଶେଷ କରି ମଧ୍ୟବିତ୍ତ ଓ ଗରିବ ପରିବାରର ଛାତ୍ରଛାତ୍ରୀ ମାନେ ମୋବାଇଲ କିମ୍ବା ପାଠ୍ୟପୁସ୍ତକ ଅଭାବରୁ ତାଙ୍କ ଶିକ୍ଷାର ଅଗ୍ରଗତିରେ ଅନ୍ତୁରାୟ ସୃଷ୍ଟି ହୋଇଥିବା କେତେକ ପ୍ରକାଶ କରିଛନ୍ତି l ଅନ୍ୟ ପକ୍ଷରେ କାମକରି ପରିବାର ପରିପୋଷଣ କରୁଥିବା ଗରିବ ଅଭିଭାବକଙ୍କର ଛାତ୍ରଛାତ୍ରୀଙ୍କ ପାଇଁ ଆର୍ଥିକ ସ୍ଥିତି ଦୟନୀୟ ଯୋଗୁଁ ବହିପତ୍ର,ଖାତା କିମ୍ବା ଅନଲାଇନ କ୍ଲାସ ପାଇଁ ଦାମିକିଆ ମୋବାଇଲ କିଣିବା ଅସମ୍ଭବ ଓ କଷ୍ଟସାଧ୍ୟ ହେଉଥିବାରୁ ସେମାନେ ପାଠପଢାରୁ ଏକ ପ୍ରକାର ବଞ୍ଚିତ ରହୁଥିବା ଦେଖାଯାଉଛି l ସ୍କୁଲ କେବେ ଖୋଲିବ ସେନେଇ ଏବେବି ସରକାରଙ୍କ ଠାରୁ କୌଣସି ନିର୍ଦ୍ଦେଶ ଆସିନାହିଁ l ତେବେ ଯାହା ବି ହେଉ ସେବା ମନୋବୃତ୍ତି ନେଇ କାମ କରୁଥିବା ରାଜ୍ୟର କୋଣ ଅନୁକୋଣର ଛାତ୍ରଛାତ୍ରୀଙ୍କ ପାଇଁ ଉତ୍ସର୍ଗୀକୃତ କିସ୍ ଏଣ୍ଡ କିଟସର ପ୍ରତିଷ୍ଠାତା ଡ଼କ୍ଟର ଅଚ୍ୟୁତ ସାମନ୍ତ ପ୍ରତିଷ୍ଠାନ ତରଫରୁ ସୁବର୍ଣ୍ଣପୁର ଜିଲ୍ଲାର ବିନିକା ବ୍ଲକ ଅଞ୍ଚଳ ଓ ବିଜ୍ଞାପିତ ପରିଷଦରେ ଥିବା ୧୦୦ଜଣ ଛାତ୍ରଛାତ୍ରୀଙ୍କୁ ପାଠ୍ୟପୁସ୍ତକ ଓ ଶୁଖିଲା ଖାଦ୍ୟ ମାଗଣାରେ ବଣ୍ଟନ କରାଯାଇଛି l ଏହି ଅବସରରେ ବିନିକା ସିଦ୍ଧାର୍ଥ କଲେଜ କୋଳପଡ଼ା ଠାରେ ଅନୁଷ୍ଠିତ ବଣ୍ଟନ ମେଳାରେ ବିନିକା ସ୍ପୋର୍ଟସ କ୍ଲବ ସଭାପତି

ତଥା ବିନିକା ବିଜୁ ଜନତା ଦଳର ନଗର ସଭାପତି ସୋମନାଥ ମିଶ୍ର ମୁଖ୍ୟ ଅତିଥି ଭାବେ ଯୋଗଦେଇ ଛାତ୍ରଛାତ୍ରୀଙ୍କୁ ଉତ୍ସାହିତ କରିବା ସହ ପାଠ୍ୟପୁସ୍ତକ ଓ ଶୁଖିଲା ଖାଦ୍ୟ ବଣ୍ଟନ କରିଥିଲେ l ଯାହା ଫଳରେ କି ଦେଡ ବର୍ଷରୁ ଉର୍ଦ୍ଧ୍ବ ସମୟଧରି ପାଠ ପଡ଼ିବାରୁ ବଞ୍ଚିତ ମେଧାବୀ ଛାତ୍ରଛାତ୍ରୀ ମାନେ   ବହିରେ ଥିବା ବିଭିନ୍ନ ବିଷୟକୁ ପଡ଼ି ଜ୍ଞାନ ଅର୍ଜନ କରିବେ ବୋଲି ଆଶା କରାଯାଉଛି l ଅନୁଷ୍ଟିତ ଏହି କାର୍ଯ୍ୟକ୍ରମରେ ସୁବର୍ଣ୍ଣପୁର ଜିଲ୍ଲା କିସ୍ ଅଭିଭାବକ ସଂଘର ସଭାପତି ଦଇତାରି ଭୁଏ,ପୁରାତନ ଛାତ୍ର ସୁଶାନ୍ତ ଭୋଇ,କୋରଗାଡିଏନର ସଭାପତି ବୈଦ୍ୟନାଥ ଭୋଇ ପ୍ରମୁଖଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ଥିଲେ l