12-Jul-2021

ଆଗଲପୁର , (ପ୍ରେରଣା ଖବର): ସମାଜରେ ଦଳିତ ମାନଙ୍କ ପ୍ରତି ଅନ୍ୟାୟ ଓ ଅତ୍ୟାଚାର ଯୁଗ ଯୁଗରୁ ଚାଲିଆସିଛି, ହେଲେ ଏଭଳି ଏକ ବାସ୍ତବ ଚିତ୍ର ଦେଖିବାକୁ ମିଳିଛି ବଲାଙ୍ଗୀର ଜିଲ୍ଲା ଆଗଲପୁରରେ l ବଲାଙ୍ଗୀର ଜିଲ୍ଲାରେ ପୁଣିଥରେ ଦେଖିବାକୁ ମିଳିଛି ଆଗଲପୁର ବ୍ଲକରେ ପ୍ରେମ ପ୍ରତାରଣା ଓ ଧାରଣା, ପ୍ରେମ ପାଇଁ ଯୁବକଙ୍କ ଘର ଆଗରେ ଯୁବତୀଙ୍କ ଅନଶନ l ପ୍ରେମରେ ପ୍ରତାରଣା ପରେ ନ୍ୟାୟ ପାଇବା ପାଇଁ ନିଜେ ଯୁବତୀ ପ୍ରେମିକର ଘର ସମ୍ମୁଖରେ ପ୍ରେମିକାର ଧାରଣା l 

ବଲାଙ୍ଗୀର ଜିଲ୍ଲା ଲୋଇସିଂହା ଥାନା ଆଗଲପୁର ବ୍ଲକ କଳାସର ଗ୍ରାମର ଘର ଆଗରେ ଧାରଣା ଦେବାପରେ ଉଭୟ ଝିଅ ଓ ପୁଅ ଦୁହେଁ ଏହି ଗାଁର l ସ୍କୁଲରେ ପାଠ ପଢ଼ୁଥିବା ସମୟରେ ଦୁହିଁଙ୍କ ପ୍ରେମ ସମ୍ପର୍କ ଗଢି ଉଠିଥିଲା । ପ୍ରଥମେ ଲଭ ,ସେକ୍ସ ଆଉ ତାପରେ ପ୍ରତାରଣା ପରେ ଘର ଆଗରେ ଧାରଣାରେ ବସିଛନ୍ତି ଯୁବତୀ l ଦିନ ଥିଲା ପ୍ରେମରେ ଉଛୁଲ ପୁଛୁଲ ହେଉଥିଲେ ,ମୁଣ୍ଡକୁ ମୁଣ୍ଡ ଲଗାଇ ଗୋଟିଏ ବେଡ଼ରେ ବସି ସେଲ୍ଫି ନେଉଥିଲେ l ସବୁଥିଲା ଠିକ ଠାକ ଥିଲା ପ୍ରେମ l ପକ୍ଷୀଭଳି ଉଡି ବୁଲୁଥିଲେ ଦୁହେଁ, ହେଲେ ପରେ ପରେ ପ୍ରେମିକାକୁ ବିବାହର ମିଛ ପ୍ରତିସୁତି ଦେଇ ଘରୁ ବାହାରକୁ ନେଇ ସୁଦୂର ବେଳପାହାଡ଼ରେ ଦୀର୍ଘ ଆଠ ମାସ ସାଙ୍ଗରେ ରଖିଲେ । ଯୌବନର ଲାଳସା ମେଣ୍ଟିଯିବା ପରେ ପ୍ରେମିକ ପାଲଟିଗଲା ଧୋକେବାଜ 420 l ଏବେ ଶୁଣନ୍ତୁ ପୁରା ଘଟଣା କିଭଳି         ଭାବରେ ଧୋକାବାଜ ଥିଲା ରସିକିଆ ପ୍ରେମିକ ପିଣ୍ଟୁ ଚନ୍ଦନ l ବିବାହର ପ୍ରଲୋଭନ ଦେଖାଇ ବାହାରକୁ ନେଇ ଆଠମାସ ଶାରୀରିକ ସମ୍ପର୍କ ରଖିଲା ଏବଂ ଯୌବନର ଲାଳସା ମେଣ୍ଟି ଯିବାପରେ ପ୍ରେମିକାକୁ ଛାଡି କୁଆଡେ ଚାଲିଗଲା l ସୂଚନାରୁ ଜଣାପଡୁଛି ଯେ ଯୁବକ ହେଉଛି ସବର୍ଣ୍ଣ ସମ୍ପ୍ରଦାୟ ବେଳେ ଝିଅ ହେଉଛି ଅସବର୍ଣ୍ଣ l ଏଣୁ ନ୍ୟାୟ ପାଇଁ ଯୁବତୀ ପ୍ରମୋଦିନି ନାଗ ସାଲେଭଟା ପୋଲିସ ଫାଣ୍ଡିର ଦ୍ୱାରସ୍ଥ ହୋଇ ଦୀର୍ଘ 9 ମାସ ବିତିଯାଇଥିଲେ ମଧ୍ୟ ବର୍ତ୍ତମାନ ପର୍ଯ୍ୟନ୍ତ ଧୋକାବାଜ ପ୍ରେମିକକୁ ଗିରଫ କରିବାରେ ବିଫଳ ହୋଇଛି ସାଲେଭଟା ପୋଲିସ ଫାଣ୍ଡି l ଘଟଣା ସମ୍ପର୍କରେ ସାଲେଭଟା ଫାଣ୍ଡି ଅଧିକାରୀଙ୍କୁ ଯୋଗାଯୋଗ କରାଯାଇଥିବା ବେଳେ ଏହି ଘଟଣାର ତଦନ୍ତ ଭାର ଡି.ଏସ.ପି ନେଇଛନ୍ତି ବୋଲି ହାଲୁକା ଉତ୍ତର ରଖିଥିଲେ l ଶେଷରେ ଝିଅ ପ୍ରମୋଦିନି ନାଗ ବଲାଙ୍ଗୀର ଭୀମସେନାଙ୍କ ସହଯୋଗରେ ଆରକ୍ଷୀ ଅଧିକ୍ଷକଙ୍କ ସମ୍ମୁଖରେ ଗତ 9 ତାରିଖରେ ଧାରଣା ଦେଇଥିଲେ l ଭୀମସେନା ରାଜ୍ୟ ଅର୍ଗାନାଇଜର ରମାକାନ୍ତ ରାବଣଙ୍କ ନେତୃତ୍ୱରେ ଘେରାଓ କରାଯାଇଥିଲା ଆରକ୍ଷୀ ଅଧିକ୍ଷକଙ୍କ କାର୍ଯ୍ୟାଳୟ l ଧାରଣା ବିଷୟରେ ଅବଗତ ହୋଇ ଖୁବଶୀଘ୍ର 

ଆରୋପି ବିଷ୍ଣୁ ଚନ୍ଦନକୁ ଗିରଫ କରାଯିବା ସହ ଦଳିତ ଝିଅ ପ୍ରମୋଦିନିକୁ ଉଚିତ ନ୍ୟାୟ ମିଳିବ ବୋଲି ପ୍ରତିଶୃତି ଦେଇଛନ୍ତି l ଏହି ଆନ୍ଦୋଳନରେ ମୂଳନୀବାସୀ ସେନା ରଶ୍ମିରଂଜନ ନାଗ, ଦଳିତ ମଞ୍ଚର ଖଗେଶ୍ୱର ନାଗ, ବିଏସପି ଜିଲ୍ଲା ସଭାପତି ଦ୍ରୋଣ କୁମ୍ଭାର ସହ ଅନେକ ଦଳିତ ଭାଇମାନେ ସହଯୋଗ କରିଥିଲେ l