12-Jul-2021

ଲୋଇସିଂହା, (ବିନୋଦ କୁମାର ଦୀପ): ଲୋଇସିଂହା ନିର୍ବାଚନ ମଣ୍ଡଳୀ ଅନ୍ତର୍ଗତ ବୁର୍ଡା ଗ୍ରାମରେ ଏକ ଅଭିନବ ଉପାୟରେ ଜନତାଙ୍କ ସମସ୍ୟାର ସମାଧାନ କରିବା ଉଦ୍ଦେଶ୍ୟରେ ଆଜି ଭ୍ରାମ୍ୟମାଣ ଡିଜିଟାଲ ସେବା କେନ୍ଦ୍ରର ଶୁଭାରମ୍ଭ ସ୍ଥାନୀୟ ବିଧାୟକ ଡ଼. ମୁକେଶ ମହାଲିଙ୍ଗଙ୍କ ଦ୍ୱାରା କରାଯାଇଛି l ଶୁଭାରମ୍ଭ ବେଳେ ରାଜ୍ୟ ଯୁବମୋର୍ଚ୍ଚା ସ୍ୱତନ୍ତ୍ର ନିମନ୍ତ୍ରୀତ ସଦସ୍ୟ ରାଜୁ ସାହୁ, ବରିଷ୍ଠ ବିଜେପି ନେତା ଭୂତନାଥ ନାଏକ, ବହାଦୁର ନନ୍ଦ, ରାମ ସାହୁ, ପ୍ରଶାନ୍ତ ସାହୁ ତଥା ଆଇଟି ସେଲର ୬  ଜଣିଆ କମ୍ପୁଟର ସଦସ୍ୟ ଉପସ୍ଥିତ ଥିଲେ l  ଡିଜିଟାଲ ସେବାକେନ୍ଦ୍ର ମାଧ୍ୟମରେ ଆଗାମୀ ଦିନରେ ବିଜେପି  କାର୍ଯ୍ୟକର୍ତ୍ତା ମାନଙ୍କ ଟିମ୍ ବିଭିନ୍ନ ଗାଁକୁ ଯାଇ ସିଧାସଳଖ ଗ୍ରାମବାସୀଙ୍କ ବିଭିନ୍ନ ସମସ୍ୟାର ସମାଧାନ କରିବାର ପ୍ରଚେଷ୍ଟା କରିବେ l  ଆବଶ୍ୟକ ସ୍ଥଳେ ସିଧାସଳଖ ଭାବେ କିମ୍ବା ଭିଡ଼ିଓ କନଫରେନ୍ସ ଜରିଆରେ ମୁଁ ନିଜେ  ସେବାକେନ୍ଦ୍ରରେ ଉପସ୍ଥିତ ରହିବି ବୋଲି ଡ଼. ମୁକେଶ ମହାଲିଙ୍ଗ ପ୍ରକାଶ କରିଥିଲେ l