07-Jul-2021

ବଲାଙ୍ଗିର (ପ୍ରେରଣା ଖବର) : ସାହିତ୍ୟ  ଜୀବନ ର କଥା କହେ। ଜୀବନ ସହ ଜଙ୍ଗଲ  ବା ବନ ର ସଂପର୍କ ନିବିଡ ।  ସମସ୍ତେ  ପରିବେଶ ପ୍ରଦୂଷଣ ରୁ  ଆମ ପୃଥିବୀକୁ ବଂଚାଇବାକୁ ଗଛ ଲଗାଇବା  ଓ ତାର ଯତ୍ନ ନେବା ଦରକାର । ଏହି ମର୍ମରେ  ଆଜି ବଲାଙ୍ଗୀର  ସାହିତ୍ୟ ଘର ତରଫରୁ  ବୃକ୍ଷ ରୋପଣ କାର୍ଯ୍ୟକ୍ରମ  ଆୟୋଜିତ ହୋଇଥିଲା । ବଲାଙ୍ଗୀର  ଆୟୁର୍ବେଦ ମହାବିଦ୍ୟାଳୟ ପରିସରରେ ଅନୁଷ୍ଠିତ ଏହି  ବନ

ମହୋତ୍ସବରେ  ବଲାଙ୍ଗୀର  ବନଖଣ୍ଡ ଅଧିକାରୀ ସମୀର ଶତପଥୀ  ଓ ଆୟୁର୍ବେଦ ମହାବିଦ୍ୟାଳୟ ର ଅଧ୍ୟକ୍ଷ  ପ୍ରଫେସର ଡକ୍ଟର  ଅରୁଣ କୁମାର ଦାସ ଅତିଥି ଭାବରେ ଯୋଗଦେଇ  ସାହିତ୍ୟ ଘର  ସଦସ୍ୟ ସଦସ୍ୟା ମାନଙ୍କ ସହ  ବୃକ୍ଷ ରୋପଣ କରିଥିଲେ । ପରେ ଅନ୍ୟ ଉପସ୍ଥିତ  ସଦସ୍ୟ ମାନେ ଅଁଳା,ପଣସ,ପିଜୁଳି ଆତ ପରି ଫଳଗଛ ସହିତ   ବିଭିନ୍ନ  ଔଷଧୀୟ ବୃକ୍ଷ  ମୋଟ ୬୮ଟି ବୃକ୍ଷ  ରୋପଣ କରିଥିଲେ । ପରେ ବନଖଣ୍ଡ ଅଧିକାରୀ ସମୀର ଶତପଥୀ ଓ ଆୟୁର୍ବେଦ ମହାବିଦ୍ୟାଳୟ ର ଅଧ୍ୟକ୍ଷ ପ୍ରଫେସର ଡକ୍ଟର ଅରୁଣ କୁମାର ଦାସ  ସାହିତ୍ୟ ଘର ସଦସ୍ୟ ମାନଙ୍କୁ ଫଳ ଓ ଔଷଧୀୟ ବୃକ୍ଷ  ପ୍ରଦାନ କରି ତାକୁ ରୋପଣ ସହ ଯତ୍ନ ନେବାକୁ ଅନୁରୋଧ କରିଥିଲେ । ଏହି ବୃକ୍ଷ ରୋପଣ କାର୍ଯ୍ୟକ୍ରମ ରେ ବଲାଙ୍ଗୀର ବନକ୍ଷେତ୍ର ଅଧିକାରୀ  ବିଜୟ କୁମାର ଖୁଣ୍ଟିଆ, ବନପାଳ  ବ୍ୟାସଦେବ ସାହୁ,ଆୟୁର୍ବେଦ ମହାବିଦ୍ୟାଳୟ ର ପ୍ରଫେସର ଡକ୍ଟର  ନିଗମାନନ୍ଦ ବଳ,ଡକ୍ଟର ଗୋପବନ୍ଧୁ ଆଚାର୍ଯ୍ୟ,ଡକ୍ଟର ମନୋଜ କୁମାର ସାହୁ, ଡକ୍ଟର ଅମ୍ବୁଜ କୁମାର ବିଶ୍ବାଳ, ଡକ୍ଟର ବିନୋଦ ସିଂଙ୍କ ସହ ସାହିତ୍ୟ ଘର ବଲାଙ୍ଗୀର ସଭାପତି ସନ୍ଦୀପ କୁମାର କୁଅଁର,ସଂଗଠନ ସଂପାଦକ  ରଂଜିତ ମିଶ୍ର, ସଦସ୍ୟ  ଅର୍ଜୁନ କୁମାର ସାହୁ,ପ୍ରକୃତିବନ୍ଧୁ ଶିକ୍ଷକ ଦିଗାମ୍ବର ନାଏକ  ,ଲକ୍ଷ୍ମୀ ନାରାୟଣ ସାହୁ,କସ୍ତୁରୀ ରଥ, ବଳିଷ୍ଠ ପ୍ରଧାନ, ବୈଦ୍ୟ  ଝସକେତନ ଗୁରୁ, ଜଗବନ୍ଧୁ ପଟେଲ,  ଉପସ୍ଥିତ ରହି  ବୃକ୍ଷ ରୋପଣ ସହ 

ଉପହାର ବୃକ୍ଷ ଗ୍ରହଣ କରିଥିଲେ । ଏହି କାର୍ଯ୍ୟକ୍ରମରେ  ବଲାଙ୍ଗୀର  ବନକ୍ଷେତ୍ର ର ଅନ୍ୟ ଅଧିକାରୀ,  କର୍ମଚାରୀ ଙ୍କ ସହ  ଆୟୁର୍ବେଦ ମହାବିଦ୍ୟାଳୟ ର କର୍ମଚାରୀମାନେ  ସହଯୋଗ କରିଥିଲେ । ଆସନ୍ତା ସପ୍ତାହ ମଧ୍ୟରେ  ବଲାଙ୍ଗୀର  ସହର ପାଖରେ  ଥିବା  ବିଭିନ୍ନ  ପୁଷ୍କରିଣୀ 

କୂଳରେ ବର ଓ ଅଶ୍ବତଥ ବୃକ୍ଷ  ସହ ଅନ୍ୟାନ୍ୟ ବୃକ୍ଷ ରୋପଣ କରାଯିବା ପାଇଁ  ଯୋଜନା  ହୋଇଥିବା  ସାହିତ୍ୟ ଘର ତରଫରୁ ସୂଚନା ଦିଆଯାଇଛି ।