07-Jul-2021

ଲୋଇସିଂହା, (ବିନୋଦ କୁମାର ଦୀପ ): ଲୋଇସିଂହା ନିର୍ବାଚନ ମଣ୍ଡଳୀ ଲୋଇସିଂହା ଠାରେ ଓଡିଶା ସରକାରଙ୍କ ପ୍ରଧାନମନ୍ତ୍ରୀ ଆବାସ ଯୋଜନାର ପାତରଅନ୍ତର ନୀତିକୁ ବିରୋଧ କରି ଲୋଇସିଂହାରେ ବିଜେପି ପକ୍ଷରୁ ବିରୋଧ ପ୍ରଦର୍ଶନ କରାଯାଇଛି l ଲୋଇସିଂହା ମଣ୍ଡଳ ସଭାପତି ସରୋଜ ସାହୁ ଓ କୁସମେଲ ମଣ୍ଡଳ ସଭାପତି କିଶୋର କୁମାର

ପଟେଲଙ୍କ ନେତୃତ୍ୱରେ ଆଜି ଲୋଇସିଂହା ଠାରେ ବିଜେପି ପକ୍ଷରୁ ଓଡିଶା ସରକାରଙ୍କ ପାତରଅନ୍ତର ନୀତିକୁ ବିରୋଧ ପ୍ରଦର୍ଶନ କରାଯାଇଛି l ଆଜିର ମୁଖ୍ୟଅତିଥି ଲୋଇସିଂହା ବିଧାୟକ ଡ଼. ମୁକେଶ ମହାଲିଙ୍ଗଙ୍କ ଅଭିଭାଷଣରେ ଓଡିଶା ସରକାରଙ୍କ ପଶ୍ଚିମଓଡିଶା ପ୍ରତି ଉଦାସୀନତା ମନୋଭାବକୁ ପୂଖାନୁପୁଙ୍ଖ ଭାବେ ଲୋକଙ୍କ ସାମ୍ନାକୁ ଆଣିଛନ୍ତି l ପ୍ରଧାନମନ୍ତ୍ରୀ ଆବାସ ଯୋଜନା ବଣ୍ଟନରେ ଘୋର ଦୁର୍ନୀତି ହୋଇଛି l କେନ୍ଦ୍ରୀୟ ରିପୋର୍ଟନୁସାରେ ୫ ଟି ଜିଲ୍ଲା ୯ଟି ବ୍ଲକରେ ହଜାରେ କୋଟି ଟଙ୍କାର ଦୁର୍ନୀତି ହୋଇଛି, ପୁଣି ପୂର୍ବ ଓଡିଶାର ଆବାସ ଯୋଜନାର ସୁଅ ଛୁଟିଲା ବେଳେ ପଶ୍ଚିମ ଓଡିଶାବାସୀଙ୍କୁ ନୀଚ ଦୃଷ୍ଟିରେ ଦେଖିବା କେତେ ଯେ ଦୁଃଖଦାୟକ, ପଶ୍ଚିମଓଡିଶା କଣ ଓଡିଶା ବାହାରେ l ୨୦୨୧-୨୨ ରେ ୮  ଲକ୍ଷ ୧୭ ହଜାର ଘର ଲିଷ୍ଟ 

କଲାପରେ ଅଢେଇ ଲକ୍ଷ ଜବକାର୍ଡ ଫିଡିଙ୍ଗ ହୋଇଛି ହେଲେ ପଶ୍ଚିମଓଡିଶା ପ୍ରତି ବୈମାତୃକ ମନୋଭାବ ତଥା ଦୁଃଖର ବିଷୟ ବୋଲି ଡ. ମୁକେଶ ମହାଲିଙ୍ଗ ନିଜ ଅଭିଭାଷଣ ରେ କହିଥିଲେ  l ବିଜେପିର ଏମ ପି ନୋମିନି ବାଳକୃଷ୍ଣ ଧରୁଆ, ଭୂତନାଥ ନାଏକ, ଗୌରାଙ୍ଗ ନାଏକ,  ଟଙ୍କଧର ପଧାନ, ସୁନିଲ ଦାଶ, ରଘୁନାଥ ସାହୁ, ଵାହାଦୁର ନନ୍ଦ, ଗୌତମ କୁଅଁର, ରାଜୁ ସାହୁ, ବୁଲୁ ବାଦୀ, ଶଙ୍କର ସାହୁ, ପ୍ରଶାନ୍ତ ସାହୁ, ଜୋତିର୍ମୟ ରାଉତ, ସରୋଜ ଦାଶ, ଜମିଦାର ପାତ୍ର, ନୀଳାଚଳ, ସତ୍ୟ ସେଠ ପ୍ରମୁଖ ସହଯୋଗ କରି କାର୍ଯ୍ୟକୁ ସଫଳ କରିଥିଲେ l