13-Apr-2021

ଉଲୁଣ୍ଡା (ଗୌରଚନ୍ଦ୍ର ପରିଛା)- ସାଂପ୍ରତିକ ସମୟରେ ସମସ୍ତେ ସମ୍ମାନ ସହ ବଂଚିବେ ଏହାକୁ ଦୃଷ୍ଟିରେ ରଖି ସରକାରୀ ସ୍ତରରେ ଅନେକ ଯୋଜନା କରାଯାଉଛି । ମାତ୍ର ଯୋଜନାର କାର୍ଯ୍ୟକାରିତା ନେଇ ପ୍ରଶ୍ନ ଉଠୁଛି । ସମସ୍ତଙ୍କ ପାଇଁ ରୋଟି, କପଡା, ମକାନ ସର୍ବନିମ୍ନ ଆବଶ୍ୟକତା ଥିବା ବେଲେ ଆଜି ବି ଅନେକ ପରିବାର ବଂଚିତ ହୋଇ ଅଛନ୍ତି । ଏହାର ଏକ ଜ୍ୱଲନ୍ତ ଉଦାହରଣ ହେଉଛନ୍ତି ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ମହଦା ପଂଚାୟତର ତିକୁଡା ଗ୍ରାମର ସନ୍ତୋଷ ପଧାନ ।  ସନ୍ତୋଷ ଏବେ ସ୍ତ୍ରୀ ସମେତ ଏକମାତ୍ର ରୋଗାଗ୍ରସ୍ତ ପୂଅ ସାରଥିଙ୍କୁ ନେଇ ବସବାସ କରୁଛନ୍ତି । ସମୟକ୍ରମେ ପରିବାରଟି ସୁରୁଖୁରୁରେ ଚଲୁଥିବା ବେଲେ ୨୦୦୯ ରେ କିନ୍ତୁ ଦଃୁଖର ବାଦଲ ମାଡିଆସିଲା । ଏହି ବର୍ଷ ଅଷ୍ଟମ ଶ୍ରେଣୀରେ ପଢୁଥିବା ସାରଥିର ମେରୁଦଣ୍ଡରେ ଯନ୍ତ୍ରଣା ଆରମ୍ଭ ହେଲା । ଯନ୍ତ୍ରଣା ବଢିବାରୁ ପରିବାର ଲୋକେ ନିକଟ ଜାଲୋଏ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର, ସୁବର୍ଣ୍ଣପୁର ମୁଖ୍ୟ ଚିକିତ୍ସାଳୟ ଏବଂ ବୁର୍ଲା ବଡଦାକ୍ତରଖାନକୁ ନେଇ ଚିକିତ୍ସା କରାଇଲେ । ମାତ୍ର ସ୍ଥିତି ନସୁଧୁରିବାରୁ ଭୂବନେଶ୍ୱର ସ୍ଥିତ ଏମସ ହଷ୍ପିଟାଲ ଯାଇ ଦେଖାଇବାକୁ ଦାକ୍ତର ପରାମର୍ଶ ଦେଲେ । ଆଜିକୁ ପ୍ରାୟ ୧୩ ବର୍ଷ ହେଲା ଦାକ୍ତରଖାନକୁ ଧାଇଧାଇଁ ସର୍ବସାନ୍ତ ହୋଗଲେଣୀ । ପୂଅର ବୟଷ ବଢିବା ସହ ରୋଗ ମଧ୍ୟ ବଢି ବଢି ଚାଲିଛି । ଚିକିତ୍ସା ପାଇଁ ଘରେ ଯାହା ଥିଲା ବିକ୍ରିବଟା ସରିବା ପରେ ପରିଣତ ବୟଷରେ ବାପା ମାଁ ପର ଘରେ ଯାଇ ମୁଲ ଲାଗୁଛନ୍ତି । ଦାକ୍ତରଖାନତ ଯିବାର ଦୁରରକଥା ପରଘରେ କାମ ନକଲେ ଚୁଲି ଜଲିବା ସମ୍ଭବ ହେଉ ନାହିଁ । ଚିକିତ୍ସା ଅଭାବରୁ ସାରଥି ଉଠୁପାରୁ ନାହାନ୍ତି । ହ୍ୱିଲ ଚେୟାର ହିଁ ତାଙ୍କ ଭରଷା ହୋଇ ରହିଛି । ପୁର୍ବରୁ ମେରୁଦଣ୍ଡ ସମସ୍ୟା ରହିଛି । ଏବେ ବସିବସି ବେଡସର, ପାରାପ୍ଲାଜମା ଏପରିକି ପରିସ୍ରା ନଳୀ ମଧ୍ୟ ଜାମ ହୋଗଲାଣି । ଯାହାକି  ପ୍ରତ୍ୟେକ ମାସ ପରିସ୍ରା ନଲୀର ପାଇପ ବଦଲାଇବାକୁ ପଡୁଛି । ପରିବାରର ଦୁଃଖ ଏତିକିରେ ସରିନାହିଁ । ଏସିସିସି ତାଲିକାରେ ନାମ ଥିଲେ ମଧ୍ୟ ତାଙ୍କ ଘର ଖଣ୍ଡିଏ ମିଲି ପାରିନାହିଁ । ଫଳରେ ପଲିଥିନା ତଲେ ଜୀବନ କଟାଉଛନ୍ତି । ଯଥାଶିଘ୍ର ସୁବର୍ଣ୍ଣପୁର ଜିଲ୍ଲାପାଲ ଦୃଷ୍ଟି ଦେଇ ସାରଥିଙ୍କ ଚିକିତ୍ସା ପାଇଁ ଆର୍ଥୀକ ସହାୟତା ସହ ଆବାସ ଯୋଜନାରେ ସାମିଲ କରିବା ପାଇଁ ଦାବି ହେଉଛି ।