12-Apr-2021

ଭୁବନେଶ୍ୱର,(ପ୍ରେରଣା ଖବର ବ୍ୟୁରୋ): କଟକ ଚାଉଳିଆଗଞ୍ଜ ଥାନାରେ ହାଇଦର ର ସହଯୋଗୀ ସଲ୍ଲୁ ଓରଫ୍ ୟାକୁବ ଖାନ୍ ଆଜି ଆତ୍ମସମର୍ପଣ କରିଛି । କୁଖ୍ୟାତ ଗ୍ୟାଙ୍ଗଷ୍ଟର ହାଇଦର ଗିରଫ ହେବା ଘଟଣାକୁ ଦୀର୍ଘ ସମୟ ବିତି ଯାଇଥିବା ବେଳେ ଏପର୍ଯ୍ୟନ୍ତ ହାଇଦର ର  କୌଣସି ପତ୍ତା ମିଳିନାହିଁ । ଏପଟେ ହାଇଦରର ଅନ୍ୟତମ ସହଯୋଗୀ ପୁଲିସ ସମ୍ମୁଖରେ ଆତ୍ମସମର୍ପଣ କରିଛି । କଟକ ଚାଉଳିଆଗଞ୍ଜ ଥାନାରେ ହାଇଦର ର ସହଯୋଗୀ ସଲ୍ଲୁ ଓରଫ୍ ୟାକୁବ ଖାନ୍ ଆଜି ଆତ୍ମସମର୍ପଣ କରିଛି । ହାଇଦର ଏସସିବି ମେଡିକାଲରେ ଚିକିତ୍ସିତ ହେଉଥିବା ବେଳେ ୟାକୁବ ତାଙ୍କୁ ଦେଖା କରିଥିଲେ । ଏପରିକି ବହୁ ବାର ଉଭୟଙ୍କ ମଧ୍ୟରେ ଦେଖା ହୋଇଥିବା ବେଳେ ମିଳି ମିଶି ବିରିୟାନି ମଧ୍ୟ ଖାଇଥିଲେ । ହାଇଦର ଙ୍କ ଧରିବା ପାଇଁ ପୁଲିସକୁ ସବୁ ସହଯୋଗ କରିବ ବୋଲି ୟାକୁବ ପୁଲିସକୁ କହିଛି । ଏନକାଉଣ୍ଟର ଭୟରେ ୟାକୁବ ପୁଲିସ ସମ୍ମୁଖରେ ଆତ୍ମସମର୍ପଣ କରିଥିବା ଆଲୋଚନା ହେଉଛି ।
ସୂଚନାଯୋଗ୍ୟ ଯେ, ହାଇଦର ଫେରାର ହେବା ଘଟଣାରେ ଅବହେଳା ପଦର୍ଶନ ଯୋଗୁ ସମ୍ବଲପୁର ଏସପି ୬ ଜଣ ପୁଲିସ କର୍ମଚାରୀଙ୍କୁୁ ନିଲମ୍ବିତ କରିଛନ୍ତି । ଜଣେ ହାବିଲଦାରଙ୍କ ଏବଂ ୫ ଜଣ କନଷ୍ଟେବଳଙ୍କୁ ନିଲମ୍ବିତ କରିଛନ୍ତି ସମ୍ବଲପୁର ଏସପି ।  ହାବିଲଦାର ରମେଶ ଚନ୍ଦ୍ର ମାଝି, କନଷ୍ଟେଳବ ମହମ୍ମଦ ମୌସୁମ, ବୁଲବୁଲ ସାହୁ ଦୀପକ ସାହୁ, ଉମାକାନ୍ତ ବେହେରା, ସୁଧାଂଶୁ ମାଝିଙ୍କୁ ନିଲମ୍ବିତ କରାଯାଇଛି । ନିଲମ୍ବିତ କରିବା ସହ ସେମାନଙ୍କୁ କାରଣ ଦର୍ଶାଅ ନୋଟିସ୍ ଜାରୀ କରାଯାଇଥିବା ସୂଚନା ମିଳିଛି । ଡିଜିପି ଶ୍ରୀ ଅଭୟ ଏଡିଜି ଯଶବନ୍ତ ସିହ୍ନା, ପୁଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀ, ମଧ୍ୟ ରେଞ୍ଜ ଡିଆଇଜି ଜେଏନ୍ ପଙ୍କଜଙ୍କୁ ନେଇ ଏକ ଉଚ୍ଚସ୍ତରୀୟ ବୈଠକ କରିଛନ୍ତି । କିପରି ହାଇଦରଙ୍କୁ ଧରାଯାଇପାରିବ ସେ ନେଇ ଆଲୋଚନା ଚାଲିଛି । କଟକ ସହ ଲାଗିଥିବା ସବୁ ଜିଲ୍ଲା ଗୁଡିକରେ ନାକାବନ୍ଦୀ କରିବାକୁୁ ନିର୍ଦ୍ଧେଶ ଦିଆଯାଇଛି । ବଛା,ବଛା ଅଫିସରଙ୍କୁ ନେଇ ଏକ ଟିମ୍ ଗଠନ କରାଯାଇଛି । ଛ ଗୋଟି  ଟିମ୍ ଗଠନ କରାଯାଇଥିବା ବେଳେ ସବୁ ଜିଲ୍ଲା ପୁଲିସକୁ ସଜାଗ ରହିବା ପାଇଁ କୁହାଯାଇଛି । 
ଦୀର୍ଘ ତିନି ଦଶନ୍ଧି ଧରି ଓଡ଼ିଶାର ଅପରାଧ ଜଗତରେ

ବାଦଶାହା ଭାବେ ରାଜ କରୁଥିବା ହାଇଦର  ସେ ଫେରାର ହୋଇଯାଇଥିଲା । ଘଟଣା ଜଣା ପଡ଼ିବା ପରେ ବିଭାଗୀୟ କର୍ତ୍ତୃପକ୍ଷ ଓ ପୁଲିସର ଚିନ୍ତା ଚିନ୍ତା ବଢ଼ି ଯାଇଛି । ତେବେ ସବୁ ଠାରୁ ଗୁରୁତ୍ୱପୂର୍ଣ୍ଣ ଓ ଦୁଭାର୍ଗ୍ୟ ଜନକ ଘଟଣା ହେଉଛି ଯେ,ଏତେ ବଡ଼ ଗ୍ୟାଙ୍ଗଷ୍ଟାର ଏସସିବିକୁ ଚିକିତ୍ସା ପାଇଁ ଆସିଥିବା ବେଳେ ସ୍ଥାନୀୟ ପୁଲିସକୁ ଏ ସମ୍ପର୍କରେ ଅବଗତ କରାଯାଇ ନଥିଲା ବା ସେମାନଙ୍କ ଠାରୁ ସୁରକ୍ଷା ମଗା ଯାଇ ନଥିଲା । ତେବେ ଆଗାମୀ ଦିନରେ ଉକ୍ତ ଫେରାର ହୋଇଥିବା ଅଭିଯୁକ୍ତ କୁ ପୋଲିସ କେବେ ଗିରଫ କରିବ ସେ ନେଇ ସାଧାରଣ ରେ ଚର୍ଚ୍ଚା ଜୋର ଧରିଛି ।