09-Apr-2021

ଭୁବନେଶ୍ୱର:(ଶୁଭାଶିଷ ନାୟକ)କରୋନା ମହାମାରୀର ତାଣ୍ଡବ ଲୀଳାରେ ଗରିବ ଓ ମଧ୍ୟବିତ୍ତ ଲୋକଙ୍କ ଆର୍ଥିକ ମେରୁଦଣ୍ଡ ଭାଙ୍ଗି ପଡିଥିବା ବେଳେ ଏବେ ପୁଣି ‘ଟାଟା ପାୱାର’ର ଅହେତୁକ  ବର୍ଦ୍ଧିତ ବିଦ୍ୟୁତ୍ ଶୁଳ୍କ ଲୋକଙ୍କ ଆର୍ଥିକ ଚିନ୍ତାକୁ ବହୁଗୁଣିତ କରିଦେଇଛି।  ‘ଟାଟା ପାୱାର’ କମ୍ପାନୀ ବିତରଣ ଦାୟିତ୍ଵ ନେବା ପରଠାରୁ ଗତ ୭ମାସ ମଧ୍ୟରେ ବିଦ୍ୟୁତ ଶୁକ୍ଳ ଦୁଇ ଥର ୟୁନିଟ୍ ପିଛା ୫୦ପଇସା ବୃଦ୍ଧି ଘଟିଛି।

ନୁତନ ଦର ଅନୁସାରେ ୨୦୦ ୟୁନିଟ୍ ବ୍ୟବହାର କାରୀଙ୍କ ପାଇଁ ୟୁନିଟ୍ ପିଛା ୫ ଟଙ୍କା ୬୦ ପଇସା ଓ ୪୦୦ରୁ ଅଧିକ ୟୁନିଟ୍ ବ୍ୟବହାର କାରିଙ୍କ ପାଇଁ ୟୁନିଟ୍ ପିଛା ୬ଟଙ୍କା ୨୦ପଇସା ଦେବାକୁ ପଡ଼ୁଛି।କିନ୍ତୁ ଆମ ରାଜ୍ୟରେ ବିଦ୍ୟୁତ୍ ଉତ୍ପାଦନର କ୍ରୟ ୟୁନିଟ୍ ପିଛା ୩୦ପଇସା ପଡ଼ୁଥିବା ବେଳେ ଉପଭୋକ୍ତାଙ୍କ ପାଇଁ ଦୁଇଗୁଣରୁ ଅଧିକ ବୃଦ୍ଧି କରାଯାଇଛି। ତେଣୁ ଏହାକୁ ଦୃଷ୍ଟିରେ ରଖି  ବର୍ଦ୍ଧିତ ଦର କୁ ଯଥାଶୀଘ୍ର ପ୍ରତ୍ୟାହାର  ଦାବିରେ ଭାରତୀୟ କମ୍ୟୁନିଷ୍ଟ ପାର୍ଟି( ମାସ୍କବାଦୀ) ଭୁବନେଶ୍ୱର କମିଟି ତରଫରୁ ପ୍ରସ୍ତାବିତ ବିଦ୍ୟୁତ ଶୁକ୍ଳ ମୂଲ୍ୟବୃଦ୍ଧି ବିଦ୍ୟୁତ କଷ୍ଟମର କେୟାର ଆଗରେ ବିକ୍ଷୋଭ ପ୍ରତିବାଦ କରାଯାଇ ସରକାର ଙ୍କ ଉଧେଶ୍ୟରେ ଦାବିପତ୍ର ପ୍ରଦାନ କରାଯାଇଛି । 

ଆଜିର ଏହି   ବିକ୍ଷୋଭ ପ୍ରତିବାଦରେ ଦଳ ପକ୍ଷରୁ ସି ପି ଆ ଇ ଏମ୍ ର ରାଜ୍ୟ ସମ୍ପାଦକ ମଣ୍ଡଳୀ ସଦସ୍ୟ ଜଗନ୍ନାଥ ମିଶ୍ର ,ସୁରେଶ ପାଣିଗ୍ରାହୀ ,ପ୍ରଦୀପ୍ତ ନାୟକ, ତପସ୍ୱୀ ପ୍ରହରାଜ, ପ୍ରଭାତ ପାଣିଗ୍ରାହୀ ,ବସନ୍ତ ସାହୁ ସମେତ ଦଳର ଶତାଧିକ କର୍ମୀ  ପ୍ରମୁଖ ଉପସ୍ଥିତ ରହି ଏହି ଜନବିରୋଧୀ ବିଦ୍ୟୁତ ମୂଲ୍ୟବୃଦ୍ଧି ସମ୍ପର୍କରେ ନିଜ ନିଜର ଅଭିଭାଷଣ ରଖିଥିଲେ ।