09-Apr-2021

ଟେନସା, (ସମୀର ପାଢିଙ୍କ ରିପୋର୍ଟ): ସରକାର ଯୋଜନା ପରେ ଯୋଜନା କରି କୋଟି କୋଟି ଟଙ୍କା ଖର୍ଚ୍ଚ କରୁଥିବା କହି ଡିମଡିମ ପିଟୁଥିବା ବେଳେ କିନ୍ତୁ ଯେଉଁଠି କୁବେରର ଗନ୍ତାଘର କୁହାଯାଉଥିବା ସୁନ୍ଦରଗଡ ଜିଲ୍ଲା କୋଇଡା ବ୍ଳକ ଅନ୍ତର୍ଗତ ମାଲଦା ପଞ୍ଚାୟତ ଗଣୁଆ ଗ୍ରାମ ସୁନାପଶି ଡାଡୁଗୋଠ ସାହିର ଏକ ଶିଶୁ ପୁତ୍ର ଅଇଁଠା ଖଲିରୁ ଖାଦ୍ୟ ସଂଗ୍ରହର କରି ଖାଉଥିବା ଭିଡିଓ ଟି ଦୁଇଦିନ ହେବ ବେଶ ଭାଇରାଲ ହେବାରେ ଲାଗିଛି। ଯାହା ଫଳରେ ଘଟଣା ସତ୍ୟା ସତ୍ୟ ଜାଣିବା ପାଇଁ ଫୋନ ଦ୍ବାରା ଯୋଗା ଯୋଗ କରି ଏହାର ସତ୍ୟତା ଉପରେ ତଦାରଖ କରିବାକୁ ଆମେ  ପହଞ୍ଚି ଥିଲୁ

ସେହି ପଡାକୁ ଯାହା ଆଖିକୁ ବିଶ୍ୱାସ କରି ପାରି ନଥିଲୁ ସତେ ଯେମିତି ଖଣିଖାଦାନଭରା ଅଞ୍ଚଳ ମଧ୍ୟ ନଗଡାର ଆଉ ଏକ ନଗ୍ନ ଚିତ୍ର। ସେହି ପଡାରେ ମୁଣ୍ଡା  ସମ୍ପ୍ରଦାୟର ୧୦/୧୨ ବାର ଘର ର୫୦ରୁ ଉର୍ଦ୍ଧ ଲୋକ ବସବାସ କରନ୍ତି। ଆମେ କହୁଛୁ ତାଡୁଗୋଠ  ପଡାରେ ବସବାସ କରୁଥିବା ରାବଣ ମୁଣ୍ଡାଙ୍କ ତିନି ଛୁଆ  ରାଜନ ମୁଣ୍ଡା(୭ )ମାଳତୀ ମୁଣ୍ଡା (୫) ମନୋରଞ୍ଜନ ମୁଣ୍ଡା( ୨.୫)ଙ୍କୁ ନେଇ ତେଲଲୁଣ ର ସଂସାର।  ଖାଦ୍ୟ ଅଭାବ ଅନାଟନ ଯୋଗୁ ଓଳିଏ ଖାଇବାକୁ ନ ପାଇ ଅପପୁଷ୍ଟିର ଶିକାର ହେଉଛନ୍ତି ସେମାନେ ନା ଅଛି ଘର ଭଙ୍ଗା ଘର ବସବାସ କରନ୍ତି । ସୁଚନାରୁ ପ୍ରକାଶ ଯେ ଗତ କିଛି ମାସ ହେବ ରାବଣ ସ୍ତ୍ରୀ ଆତ୍ମହତ୍ୟା କରି ଆରପାରିକୁ ଚାଲି ଯାଇଥିବା ବେଳେ ଛୁଆ ମାନଙ୍କ ବୋଝ ରାବଣ ଉପରେ ,ଏପଟେ ନ ଖଟିଲେ ନ ଚଳେ। ଛୁଆଙ୍କୁ ଛାଡି କାମ ଧନ୍ଦା କରିବା ଯିବା ପରେ ଛୁଆଙ୍କ କଥା ବୁଝି ନ ପାରି ବାରୁ କିଛିଦିନ ତଳେ ସେହି ଗ୍ରାମ ର ଏକ ବାହାଘର ଭୋଜି ରେ ପଡି ଥିବା ଅଇଁଠା ଖଲି, ରାବଣ ର ସାନ ପୁଅ ମନୋରଞ୍ଜନ ମୁଣ୍ଡା ୨.୫ ଭୋକ ସମ୍ଭାଳି ନ ପାରି ଅଇଁଠା ଖଲି ରେ ଲାଗିଥିବା ଖାଦ୍ୟ ଚାଟି ଚାଟି ଖାଉଥିବା ଦୃଶ୍ଯ ଏବେ ଫେସବୁକ ରେ ଏକ କେନ୍ଦ୍ର ବିନ୍ଦୁ ପାଲଟିଛି। ଏ ବିଷୟରେ ଛୁଆର ବାପା ରାବଣ କୁ ପଚାରିବାରୁ ଛୁଆଙ୍କୁ ଛାଡି କାମ କରିବାକୁ ଗଲେ ଏପଟେ ସେପଟେ ବୁଲୁଛନ୍ତି ତେଣୁ କାମ ଧନ୍ଦା ଛାଡି ଛୁଆ ମାନଙ୍କୁ ଜଗି ରହିଛି। ପଞ୍ଚାୟତ ରୁ ମିଳୁଥିବା ଚାଉଳ ଏବଂ ଜାଳେଣି କାଠ ବିକ୍ର କରି ପରିବାର ପ୍ରତିପୋଷଣ କରନ୍ତି। ସେହି ପଡାର ଉପର  ଭାଗରେ ବଡ ବଡ ଲୁହାପଥର ଖଣି ଥାଇ ମଧ୍ୟ କୌଣସି ସୁବିଧା ନ ଥିବାରୁ ସେହି ପଡା ରେ ବସବାସ କରୁଥିବା ମହିଳା ସମେତ ଛୁଆ ମାନଙ୍କ ର ମଧ୍ୟ ସ୍ବାସ୍ଥ୍ୟ ବସ୍ତା ଭଲ ନଥିବା ଦେଖିବାକୁ ମିଳିଛି। ସେହି ବସ୍ତି ର ମହିଳା ମାନେ ଅଭିଯୋଗ କରିଛନ୍ତି ଯେ ଅଙ୍ଗନୱାଡି କେନ୍ଦ୍ରରେ ଛତୁଆ ଠାରୁ ଆରମ୍ଭ କରି ବିଭିନ୍ନ ସାମଗ୍ରୀ ଦୁଇରୁ ତିନି ମାସ ବ୍ୟବଧାନରେ ମିଳୁଛି ବୋଲି ଅଭିଯୋଗ କରିଛନ୍ତି। ଏ ବିଷୟରେ ଅଙ୍ଗନୱାଡି କର୍ମୀ କୁ ପଚାରିବାରୁ ସେ କହିଛନ୍ତି ପ୍ରତ୍ୟେକ ମାସ ରେ ଆସୁଥିବା ସରକାରୀ ସହାୟତା ତଥା ଛତୁଆ ଅଣ୍ଡା,ଲଡୁ  ବିଭିନ୍ନ ସୁବିଧା ତାଙ୍କ ପାଖରେ ପହଞ୍ଚାଇବା ସହିତ ବଳକା ରୋଷେଇ ଖାଦ୍ୟ ରାବଣର ଛୁଆ ମାନଙ୍କୁ ଦେଇଥାନ୍ତି । କୋଇଡା ରୁ କୋଟି କୋଟି ଟଙ୍କା ରାଜସ୍ବ ଆଦାୟ କରୁଛି ରାଜ୍ୟ ସରକାର ।ସ୍ୱାଧୀନତା ୭୪ ବିତି ଯାଇଥିଲେ ମଧ୍ୟ କୋଇଡା ଅବସ୍ଥା ଯିଏ ଦେଖିବ ସ୍ବାଧୀନତା କ'ଣ ଅର୍ଥ ସେହି ହିଁ ବୁଝିପାରିବ ।କୋଇଡା ରେ ସବୁ ଥାଇ ମଧ୍ୟ ଆଜି କୋଇଡା ଆଦିବାସୀ ଅଧ୍ୟୁଷିତ ଲୋକମାନେ ଭୋକ ଉପାସରେ ଦିନ କାଟୁଛନ୍ତି ।