14-Oct-2020

ଗଣିଆ : ଶିକ୍ଷାକ୍ଷେତ୍ରରେ ଆଦିବାସୀ ବିଦ୍ୟାର୍ଥୀ ମାନଙ୍କୁ ବିଶେଷ ଗୁରୁତ୍ୱ ଦେଉଛନ୍ତି ସରକାର | ତଥାପି ଅନେକ ଆଦିବାସୀ ଅଧ୍ୟୁଷିତ ଅଞ୍ଚଳ ଏବେବି ଯୋଗାଯୋଗ ବିଛିନ୍ନ ଅବସ୍ଥାରେ ରହିଥିବା ଦେଖିବାକୁ ମିଳୁଛି | କେଉଁଠି ଟେଲି କମ୍ୟୁନିକେସନ ନାହିଁ ତ ଆଉ କେଉଁଠି ନାହିଁ ରାସ୍ତା | ଫଳରେ ଏବେବି ଅନେକ ଆଦିବାସୀ ଅଧ୍ୟୁଷିତ ଅଂଚଳରେ ଅନେକ ଉଦିତ ମାନ ପ୍ରତିଭା ଲୁଚିଯାଉଛନ୍ତି | ଏହିପରି ଏକ ଦୃଷ୍ଟାନ୍ତ ମିଳିଛି ଦଶପଲ୍ଲା ନିର୍ବାଚନ ମଣ୍ଡଳୀ ର ଗଣିଆ ବ୍ଲକରେ | ଗଣିଆ ବ୍ଲକ ଠାରୁ ସୁଦୂର ବଡ଼ସିଲିଂଗା ଗ୍ରାମ ପଞ୍ଚାୟତ | ପ୍ରାୟ 50କିଲୋମିଟର ରୁ ଅଧିକ ଦୂରତ୍ୱ ପଞ୍ଚାୟତ କୁ ଯାତାୟାତ ପାଇଁ ଉତ୍କୃଷ୍ଟ ରାସ୍ତା ନଥିବା ବେଳେ ଟେଲିକମ୍ୟୁନିକେସନ ର ସୁବିଧାରୁ ବଞ୍ଚିତ ପଞ୍ଚାୟତ ବାସୀ | ବଡ଼ସିଲିଂଗା ଗ୍ରାମ ପଞ୍ଚାୟତ ର ଭାଲିଆ ପଦର ଗ୍ରାମର ସୁଶାନ୍ତ ଯାନୀ ଙ୍କ ଝିଅ ମେଧାବୀ ଛାତ୍ରୀ ଆରତୀ ଯାନୀ | ନିଜର ପ୍ରକାଣ୍ଡ ପ୍ରଚେଷ୍ଟା ରେ ଗତ ମେଟ୍ରିକ ପରୀକ୍ଷା ରେ 430 ମାର୍କ ରଖି ଉତୀର୍ଣ୍ଣ ହୋଇଛନ୍ତି | ସୁଶାନ୍ତ ଙ୍କ ରୋଜଗାର ରେ ବାଧକ ସାଜିଛି କରୋନା ମହାମାରୀ ତା ସାଙ୍ଗକୁ ଗତ ବନ୍ୟା ପରିସ୍ଥିତି ତାଙ୍କର ସମସ୍ତ ଫସଲ ଉଜାଡି ଦେଇଥିବାରୁ ୨ ଓଳି ଦୁଇମୁଠା ଖାଇବାକୁ ବର୍ତମାନ ସେ ସମର୍ଥ ନୁହନ୍ତି | ଏହିଭଳି ସ୍ଥିତି ରେ ଝିଅ ଆରତୀ ଙ୍କ ଉଚ୍ଚ ଶିକ୍ଷା ପାଇଁ ଆବେଦନ କରିବାକୁ ଆବଶ୍ୟକ ଅଳ୍ପ କିଛି ଅର୍ଥ ନଦେଇ ପରିବାର ଅନ୍ତରର କୋହ କୁ ସେ ଚାପି ରଖିପାରିଲେନାହିଁ ଗଣମାଧ୍ୟମ ଆଗରେ | ଆରତୀ ସ୍ବପ୍ନ ଦେଖିଥିଲେ ଯେ ତାଙ୍କର ବର୍ତମାନ ର ସାଂସଦ ତଥା ଗରିବ ଆଦିବାସୀ ଙ୍କ ଦୁଃଖର ବନ୍ଧୁ ଡକ୍ଟର ଅଚ୍ୟୁତ ସାମନ୍ତ ଙ୍କ କିସ କଲେଜ ରେ ପଢିବେ | ଡାକ୍ତର ହୋଇ ଦୁଖୀ ଦରିଦ୍ରଙ୍କ ସେବା କରିବେ | ହେଲେ ବାପାଙ୍କ ଆର୍ଥିକ ଅନାଟନ ହେତୁ ସେ ଆବେଦନ କରି ପାରିନଥିବାରୁ ନିଜର ଉଜ୍ବଳ ଭବିଷ୍ୟତ ର ଅନ୍ଧକାର ରାସ୍ତାରେ ଲକ୍ଷ୍ୟହୀନ ହୋଇଯାଇଛନ୍ତି | ଅକସ୍ମାତ କନ୍ଧମାଳ ସାଂସଦ ଙ୍କ ନୟାଗଡ ଜିଲ୍ଲା ପ୍ରତିନିଧି ସଦାଶିବ ମିଶ୍ର ଙ୍କ ଏହି ଖବର କର୍ଣପାତ ହେବାପରେ ସେ ମେଧାବୀ ଛାତ୍ରୀ ଆରତୀ ଙ୍କ ପାଇଁ ଦାୟୀ ବୋଲି ଗଣମାଧ୍ୟମ ଆଗରେ କହିଥିଲେ | ଶ୍ରୀଯୁକ୍ତ ମିଶ୍ର ଙ୍କୁ ଆରତୀ ପଢ଼ୁଥିବା ଆଶ୍ରମ ବିଦ୍ୟାଳୟର ଶିକ୍ଷକ ସୂଚନା ଦେଲାବେଳକୁ ଗୁଡ କହୁଣିକୁ ଛୁଇଁଲା ଭଳି ପରିସ୍ଥିତି ହୋଇ ସରିଥିଲା | ତଥାପି ଶ୍ରୀଯୁକ୍ତ ମିଶ୍ର ଗଣିଆ ବ୍ଲକ ଅଧକ୍ଷ ଙ୍କ ପାଖରେ ଆରତୀ ଦେଖିଥିବା କିସ କଲେଜ ର ସ୍ବପ୍ନ କୁ କୌଣସି ଉପାୟ ରେ ସଫଳ କରିବାର ଦାବି ରଖିଥିଲେ | ତତସହିତ ସେ ନିଜେ ଗରିବ ପଖାଳ କଂସା ର ଭାଗିଦାରୀ ଭାବେ ଚର୍ଚିତ ଡକ୍ଟର ଅଚ୍ୟୁତ ସାମନ୍ତ ଙ୍କୁ ଏହିବିଷୟରେ କର୍ଣ୍ଣ ପାତ କରାଇବାର ସଂକଳ୍ପ ବଧ ହୋଈଥିଲେ | ସେ ମେଧାବୀ ଆରତୀ କୁ ଆନ୍ତରିକ କଲ୍ୟାଣ କରିଛନ୍ତି ଯେ ଦିନେ ଆରତୀ ମେଡିକାଲ ଅଫିସର ହେବ |