01-Oct-2026

ଟିଟିଲାଗଡ଼(ପ୍ରେରଣା ଖବର): ଟିଟିଲାଗଡ ଲାୟନ୍ସ କ୍ଲବର ବରିଷ୍ଠ ସଦସ୍ୟ ସ୍ଵର୍ଗତ ଲାୟନ ପ୍ରଭାସ ସାହୁଙ୍କ ନାତି ନାତୁଣୀ ତଥା ପୁଅ ଲାୟନ ସୌରଭ ସାହୁ ଓ ପତ୍ନୀ ସ୍ଵାତି ସାହୁଙ୍କ ଝିଅ ସରଣ୍ୟା ଓ ପୁଅ ଶ୍ରିୟାନ୍ସ କରାଟେ ପ୍ରତିଯୋଗିତାରେ ଜାତୀୟ ତଥା ଆନ୍ତର୍ଜାତୀୟ ସ୍ତରରେ ସଫଳତା ହାସଲ କରି ନିଜର ପିତାମାତା, ଜେଜେ ମା ଲେଡି ଲାୟନ ଶ୍ରୀମତୀ ବିନ୍ଦୁ ସାହୁ, ନିଜର ସହର, ଜିଲ୍ଳା, ରାଜ୍ୟ, ଦେଶ ତଥା ଆନ୍ତର୍ଦେଶୀୟ ସ୍ତରରେ କୃତିତ୍ୱ ଅର୍ଜନ କରିଛନ୍ତି। ଏହି ସଫଳତା ହାସଲ କରିବା ପରେ ଟିଟିଲାଗଡ ଲାୟନ୍ସ କ୍ଲବ ତରଫରୁ ଉଭୟଙ୍କୁ ଗୁରୁବାର ସ୍ଥାନୀୟ ଲାୟନ୍ସ ଡେନ ଠାରେ କ୍ଲବ ସଭାପତି ମନିଷ

ଗୁପ୍ତାଙ୍କ ନିର୍ଦ୍ଦେଶନାରେ ଫାଷ୍ଟ ଭିପି ଅଜିତ ଚାନ୍ଦ ପାତ୍ରଙ୍କ ଅଧ୍ୟକ୍ଷତାରେ ସମ୍ପାଦକ ଆବାସ ଖାଁ ଓ କୋଷାଧକ୍ଷ ଶ୍ରୀରାମ ଅଗ୍ରୱାଲଙ୍କ ସଂଯୋଜନାରେ  ସମ୍ବର୍ଦ୍ଧିତ କରାଯାଇଛି। ପୂର୍ବତନ ଡିଷ୍ଟ୍ରିକ୍ଟ ଗଭର୍ଣ୍ଣର ଲାୟନ ୟମୁନା ପ୍ରସାଦ ଗୋଏଲ ଓ ଲାୟନ୍ସ କ୍ଳବର ବରିଷ୍ଠ ସଦସ୍ୟ ଲାୟନ ରତ୍ନାକର ସାହୁ ମାନପତ୍ର, ଫୁଲତୋଡ଼ା ଓ ଟ୍ରଫି ଦେଇ ସମ୍ମାନୀତ କରିଥିଲେ। 

       କରାଟେ କ୍ରୀଡ଼ା କ୍ଷେତ୍ରରେ ଶରଣ୍ୟା ସାହୁ ଜାତୀୟ ଓ ଅନ୍ତର୍ଜାତୀୟ ସ୍ତରରେ ଉଲ୍ଲେଖନୀୟ ପ୍ରଦର୍ଶନ କରି ନିଜ ପ୍ରତିଭାର ପରିଚୟ ଦେଇଛନ୍ତି। ତାଙ୍କର ନିରନ୍ତର ପ୍ରୟାସ, ଶୃଙ୍ଖଳା ଓ କ୍ରୀଡ଼ା ପ୍ରତି ନିଷ୍ଠା ତାଙ୍କୁ ଜଣେ ଉଦୀୟମାନ କରାଟେ ପ୍ରତିଭା ଭାବେ ପରିଚିତ କରାଇଛି।
ଶରଣ୍ୟାଙ୍କ ପ୍ରମୁଖ ସଫଳତା ମଧ୍ୟରେ ୨୦୨୬ ଦେହରାଦୁନ୍ ନ୍ୟାସନାଲ କରାଟେ ଚାମ୍ପିଅନଶିପ୍‌ର ଟିମ୍ କାଟା ବିଭାଗରେ ସ୍ୱର୍ଣ୍ଣ ପଦକ ଅନ୍ୟତମ। ସେହିପରି ୨୦୨୬ ଜୋର୍ଡାନ୍‌ରେ ଅନୁଷ୍ଠିତ ଏସିଆନ୍ କରାଟେ ଚାମ୍ପିଅନଶିପ୍‌ରେ ବ୍ରୋଞ୍ଜ ମେଡାଲ୍ ବାଉଟ୍‌ରେ ଅଂଶଗ୍ରହଣ କରିଥିଲେ।
ଏହା ବ୍ୟତୀତ ସେ ୨୦୨୬ ମାନିଲାରେ ଅନୁଷ୍ଠିତ ୟୁଥ୍ ଲିଗ୍ କରାଟେ ଚାମ୍ପିଅନଶିପ୍‌ରେ ଅଂଶଗ୍ରହଣ କରିଥିଲେ। ଏହାପୂର୍ବରୁ ୨୦୨୪ ଡର୍ବାନ୍, ଦକ୍ଷିଣ ଆଫ୍ରିକାରେ ଅନୁଷ୍ଠିତ କମନୱେଲଥ୍ କରାଟେ ଚାମ୍ପିଅନଶିପ୍‌ରେ ସ୍ୱର୍ଣ୍ଣ ପଦକ ହାସଲ କରିଥିଲେ।
ଜାତୀୟ ଓ ଅନ୍ତର୍ଜାତୀୟ ମଞ୍ଚରେ ଶରଣ୍ୟାଙ୍କ ଏହି ନିରନ୍ତର ସଫଳତା ତାଙ୍କର ପରିଶ୍ରମ, ଶୃଙ୍ଖଳା ଓ କରାଟେ ପ୍ରତି ସମର୍ପଣର ପ୍ରମାଣ। 

  ସେହିପରି ଶ୍ରେୟାଂଶ ସାହୁ ୨୦୨୬ ଚେନ୍ନାଇ ଓପନ୍ ଚାମ୍ପିଅନଶିପ୍ରେ ବ୍ୟକ୍ତିଗତ କାଟା ବିଭାଗରେ ସ୍ୱର୍ଣ୍ଣ ପଦକ ହାସଲ କରିଛନ୍ତି।  ୨୦୨୫ ଥାଇଲାଣ୍ଡ ଓପନ୍ କରାଟେ ଚାମ୍ପିଅନଶିପ୍ରେ କାଂସ୍ୟ ପଦକ ଏବଂ ୨୦୨୪ କମନୱେଲଥ୍ କରାଟେ ଚାମ୍ପିଅନଶିପ୍, ଡର୍ବାନ୍, ଦକ୍ଷିଣ ଆଫ୍ରିକାରେ ମଧ୍ୟ କାଂସ୍ୟ ପଦକ ଜିତିଛନ୍ତି।ତାଙ୍କ ଏହି ସଫଳତା କରାଟେ ପ୍ରତି ତାଙ୍କର ନିଷ୍ଠା, କଠୋର ପରିଶ୍ରମ, ଶୃଙ୍ଖଳା ଓ ଉତ୍କର୍ଷ ପ୍ରତି ଅଙ୍ଗୀକାରର ପ୍ରତିଫଳନ ଅଟେ। ସରଣ୍ୟ। ଓ ଶ୍ରେୟାଂଶ ଆଗାମୀ ଦିନରେ କରାଟେ କ୍ଷେତ୍ରରେ ଜଣେ ଜଣେ ଉଦୀୟମାନ ପ୍ରତିଭା ଭାବେ ଆହୁରି ସଫଳତା ହାସଲ କରନ୍ତୁ ବୋଲି କ୍ଲବ ସଦସ୍ୟ ମାନେ କହିଥିଲେ। ଏହି ସମ୍ବର୍ଦ୍ଧନା ସଭାରେ କ୍ଳବର ବରିଷ୍ଠ ସଦସ୍ୟା ଶ୍ରୀମତି ବିନ୍ଦୁ ସାହୁ, ମିନାକ୍ଷୀ ସାହୁ, ଲଳିତା ଲାଠ, ଗୋପାଲ ଲାଠ, ଗଙ୍ଗାଧର ଶର୍ମା, ସନ୍ତୋଷ ମହାନ୍ତି, ରଜତ କୁମାର ଦର୍ଜୀ, ଦେବ ବ୍ରତ ସାହୁ, ସଞ୍ଜୟ ସୋନୀ, ଦୀପକ ପୃଷ୍ଟି, ଶୈଳେଶ ଗୋଏଲ, କ୍ଲବର ମାର୍କେଟିଂ ଚେୟାର ପର୍ସନ ଲାୟନ ସଞ୍ଜୟ କୁମାର ନାୟକ, ଉମେଶ ଅଗ୍ରୱାଲ, ପ୍ରଭାତ ଗୋଏଲ, ଲିଓ କ୍ଲବର ସଭାପତି ଶ୍ରୀତମ ସାହୁ, ସୁବ୍ରତ କୁମାର ସାହୁ, ସାହିଲ ମେମନ, ଶଙ୍କର ପ୍ରଧାନ ପ୍ରମୁଖ ଉପସ୍ଥିତ ଥିଲେ।