03-Aug-2026

ନୂଆପଡ଼ା (ରାମନାଥ ପଣ୍ଡା )
ନୂଆପଡ଼ା ଜିଲ୍ଲା ବୋଡ଼େନ ବ୍ଲକର ବିଜୁ ପଟ୍ଟନାୟକ ଉଚ୍ଚ ମାଧ୍ୟମିକ ବିଦ୍ୟାଳୟ ବୋଡ଼େନରେ ନୂତନ ଭାବେ ଅଧ୍ୟକ୍ଷ ଦାୟୀତ୍ୱ ଗ୍ରହଣ କରିଥିବା ପ୍ରାଧ୍ୟାପକ ଗୟାଧର ମହାନ୍ତିଙ୍କୁ ସମସ୍ତ କର୍ମଚାରୀ ଓ ଛାତ୍ର ଛାତ୍ରୀ ବିଦ୍ୟାଳୟ ପରିସରରେ ଭବ୍ୟ ସ୍ଵାଗତ ସମ୍ବର୍ଦ୍ଧନା ଜ୍ଞାପନ କରିଛନ୍ତି ।ଏହି ଅବସରରେ ଆୟୋଜିତ ସଭାଟିକୁ   ଅଧ୍ୟାପକ ଉପେନ୍ଦ୍ର ବଞ୍ଜାରା ପରିଚାଳନା କରିଥିବାବେଳେ ପ୍ରାଧ୍ୟାପକ ସାମୁଏଲ ଦାନି ଶ୍ରୀଯୁକ୍ତ ମହାନ୍ତିଙ୍କର ଦୀର୍ଘ ୩୫ ବର୍ଷ ୩ ମାସର ବିଦ୍ୟାଳୟ ପ୍ରତି ଥିବା ଶ୍ରଦ୍ଧା,ନିଷ୍ଠା ଓ ନିରାଡମ୍ବର ଜୀବନ,ଛାତ୍ରବତ୍ସଳ ଗୁଣ,ସମୟାନୁବର୍ତ୍ତିତା ଓ ଶୃଙ୍ଖଳା ଉପରେ ସମ୍ୟକ ଧାରଣା ଉପସ୍ଥାପନ କରିଥିଲେ ।ଅଧ୍ୟାପିକା ସନମତି ମହାନନ୍ଦ ଓ ଭୂମିସୂତା ନାଗ ବନ୍ଦାପନା କରିବାପରେ ପୁଷ୍ପ ଗୁଛ,ଶ୍ରୀଫଳ ଓ ଉତ୍ତରୀୟ ପ୍ରଦାନ ପୂର୍ବକ ଅଡିଟରିୟମରୁ ଅଧ୍ୟକ୍ଷଙ୍କ ପ୍ରକୋଷ୍ଠକୁ ପାଛୋଟି ନିଆଯାଇଥିଲା ।ଜଗତର ନାଥ ପ୍ରଭୁ ଶ୍ରୀଜଗନ୍ନାଥଙ୍କୁ ପୂଜାର୍ଚ୍ଚନା ପରେ ଶ୍ରୀଯୁକ୍ତ ମହାନ୍ତି ଚୌକିରେ ଆସିନ ହୋଇ ସମସ୍ତଙ୍କୁ ଧନ୍ୟବାଦ୍ ଜଣାଇଥିଲେ । ପୂର୍ବତନ ଅଧ୍ୟକ୍ଷ ଶ୍ରୀଯୁକ୍ତ ହେମନ୍ତ କୁମାର ମୁଣ୍ଡଙ୍କ ଅଧୁରା କାର୍ଯ୍ୟକୁ ପୁରା କରିବା ସହିତ ଶୈକ୍ଷିକ ସ୍ତରର ଉନ୍ନତି ଓ ଅନୁଷ୍ଠାନର ବିକାଶ ଦିଗରେ ବିଶେଷ ଧ୍ୟାନ ଦେବା ପାଇଁ ଅଧ୍ୟକ୍ଷ ସମସ୍ତଙ୍କର ସହଯୋଗ ଓ ସଦିଚ୍ଛା କାମନା କରିଥିଲେ।ଅଧ୍ୟାପିକା - ପ୍ରିୟଙ୍କା ମେହେର,ଶିବାନୀ ମୁଣ୍ଡ,ସ୍ଵପ୍ନା ପ୍ରଧାନି,ଶିବାନୀ ପାଣିଗ୍ରାହୀ,ଦୀପାନ୍ତି ଧଙ୍ଗଡା ମାଝୀ,ସୋନାଲି ନାଏକ,ଅଧ୍ୟାପକ - ଚନ୍ଦନ ସାହୁ,ଶଙ୍କର ମେହେର,ଦେବାଶିଷ ଦଣ୍ଡସେନା,ସ୍ୱପ୍ନେଶ୍ୱର ବେହେରା,କ୍ରୀଡ଼ା ଶିକ୍ଷକ ପରମେଶ୍ବର ପଣ୍ଡା,ରାଜେନ୍ଦ୍ର ପାଣିଗ୍ରାହୀ,ଅଭିଷେକ ଗୁଆଳ,ମହେନ୍ଦ୍ର କୈବର୍ତ୍ତ, ପୁର ନାଗ,ପବିତ୍ର ସା,ଜିତେନ୍ଦ୍ର ନାଏକ,ରୁକ୍ମଣୀ ବଛା ପ୍ରମୁଖ ଉପସ୍ଥିତ ଥିଲେ । ଶେଷରେ ଓଡ଼ିଆ ବିଭାଗ ମୁଖ୍ୟ ସନମତି ମହାନନ୍ଦ ମାଁ ଦ୍ୱାରଶନିଙ୍କର କରୁଣା ଭିକ୍ଷା କରି ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ।