24-Jul-2026

ବଲାଙ୍ଗୀର(ପ୍ରେରଣା ଖବର): ବଲାଙ୍ଗୀର ଜିଲ୍ଲା ପୁଇଁତଳା ବ୍ଲକ ଗଇଁତାଳାର ପୂର୍ବତନ ସରପଞ୍ଚ ତଥା ବିଶିଷ୍ଟ ସମାଜସେବୀ ସୁଧାଂଶୁ ଶେଖର ନାଏକଙ୍କର ଗତ ୨୩ ତାରିଖ ସକାଳେ ସ୍ଥାନୀୟ ଭୀମଭୋଇ ମେଡିକାଲ କଲେଜ ଓ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ପରଲୋକ ଘଟିଛି। ସେ କିଛି ଦିନ ଧରି ନିମୋନିଆ ରୋଗରେ ପୀଡିତ ଥିଲେ। ମୃତ୍ୟୁବେଳକୁ ତାଙ୍କୁ ୬୮ ବର୍ଷ ବୟସ ହୋଇଥିଲା।ସ୍ୱର୍ଗତ ନାଏକ ଗଇଁତାଳାର ପୂର୍ବତନ ସମିତି ସଦସ୍ୟ ଭାବେ ଦାୟିତ୍ୱ ତୁଳାଇବା ସହ ଦୀର୍ଘଦିନ ଧରି ସମାଜସେବା ଓ ସଂଗଠନମୂଳକ କାର୍ଯ୍ୟ ପାଇଁ ଅଞ୍ଚଳରେ ବେଶ୍ ପରିଚିତ ଥିଲେ। ମୃତ୍ୟୁ ସମୟରେ ତାଙ୍କ ସ୍ତ୍ରୀ ଜୟନ୍ତୀ, ବୃଦ୍ଧା ମାତା ନିର୍ବାଣୀ,  ଝିଅ ବର୍ଷା, ଭାତୃ ବୋହୂ ପୁଷ୍ପାଞ୍ଜଳି, ଭଉଣୀ ପ୍ରତିଭା ଭାଇ ଆଇନଜୀବୀ ହିମାଂଶୁ, ଶୁଭ୍ରାଂଶୁ ଓ ସୀତାଂଶୁ ପ୍ରମୁଖ ଉପସ୍ଥିତ ଥିଲେ। ସ୍ୱର୍ଗତ ନାୟକଙ୍କ ଅକାଳ ବିୟୋଗରେ ଗଇଁତଲା ସ୍ଥିତ ଲିଟିଲ ଏଙ୍ଗଲସ୍ ସ୍କୁଲ, ବୀଣାପାଣି ଶିକ୍ଷା ସୌଧ, ରେନ୍ ବୋ ପବ୍ଲିକ ସ୍କୁଲ ର କର୍ମକର୍ତ୍ତା ସମେତ ବଲାଙ୍ଗୀର ସିଭିଲ ସୋସାଇଟିର ମନୋରଞ୍ଜନ ସାହୁ, ସରପଞ୍ଚ ସଂଘର ସଭାପତି ବିଷ୍ଣୁ ପଟେଲ ଏବଂ ବଲାଙ୍ଗୀର ଲ' କଲେଜର ଅଧ୍ୟକ୍ଷ ସଞ୍ଜୀବ ପ୍ରଧାନ ଗଭୀର ଶୋକ ପ୍ରକାଶ କରିଛନ୍ତି।ସ୍ୱର୍ଗତ ନାଏକଙ୍କ ଏକମାତ୍ର ପୁତ୍ର ଅଙ୍କୁଶ ନାଏକ ମୁଖାଗ୍ନି ଦେଇଥିଲେ। ଆଜି ଗଇଁତାଳା ସ୍ଥିତ ଶ୍ମଶାନ ଘାଟରେ ତାଙ୍କର ଅନ୍ତିମ ସଂସ୍କାର ସମ୍ପନ୍ନ କରାଯାଇଛି।ପୂର୍ବତନ ସରପଞ୍ଚ ଶ୍ରୀ ନାଏକ ଙ୍କ ପରଲୋକ ଖବର ପ୍ରଚାରିତ ହେବା ପରେ ଗଇଁତାଳା ଅଞ୍ଚଳରେ ଶୋକର ଛାୟା ଖେଳିଯାଇଥିଲା।