12-Oct-2020

ବଲାଙ୍ଗୀର ,୧୨/୧୦: ସଂସ୍କୃତ ଶିକ୍ଷାଦନ ତଥା ଏହାର ପ୍ରଚାର ପ୍ରସାର ଦିଗରେ କାର୍ଯ୍ୟରତ ଗୋଧୂଳି ଏକାଡେମୀ,ଜମସେଦପୁର ଆନୁକୂଲ୍ୟରେ ସର୍ବଭାରତୀୟ ଅନ୍‌ଲାଇନ୍ ସଂସ୍କୃତ ଶ୍ଲୋକ ଆବୃତି ପ୍ରତିଯୋଗିତାରେ ସରକାରୀ ଅଙ୍ଗନବାଡି କେନ୍ଦ୍ର, କୋମନାର ବାଳବୋଧର ଛାତ୍ରୀ ସୃଜନୀ ଶୁଭଲକ୍ଷ୍ମୀ ନାୟକ ଉପକନିଷ୍ଠ(୫ବର୍ଷରୁ କମ)ବର୍ଗରେ ଦ୍ୱିତୀୟ ସ୍ଥାନ ହାସଲ କରି ଉଚ୍ଚପ୍ରଶଂସିତ ହୋଇଛନ୍ତି ଓ ଏକାଡେମୀର ଅନ୍‌ଲାଇନ୍ ସଂସ୍କୃତ ଶିକ୍ଷାଦାନ ବୃତ୍ତି ପାଇବା ପାଇଁ ଯୋଗ୍ୟ ବିବେଚିତ ହୋଇଛନ୍ତି । ପ୍ରକାଶ ଥାଉକି, ସୃଜନୀ ଅଳ୍ପ ବୟସରେ ‘ଜନଗଣ ମଣ’ ଜାତୀୟ ସଙ୍ଗୀତ ନିର୍ଭୁଲ ଓ ଆବେଗପୂର୍ଣ୍ଣ ଭାବରେ ଗାୟନ କରି ଫେସ୍‌ବୁକ୍ ଓ ଅନ୍ୟ ସୋସିଆଲ ମିଡିଆରେ ସମସ୍ତଙ୍କ ଦୃଷ୍ଟିଆକର୍ଷଣ କରିପାରିଛନ୍ତି । ସୃଜନୀ ହେଉଛନ୍ତି ଆକାଶବାଣୀ, ବଲାଙ୍ଗୀର କେନ୍ଦ୍ରର ଉଦ୍‌ଘୋଷକ ଓଁପ୍ରଣବ ନାୟକ ଓ ଶିଳ୍ପୀ କଲ୍ଲୋଳିନୀ ମିଶ୍ରଙ୍କ ପୁତ୍ରୀ ତଥା ପେଲେସ ଲାଇନ୍ ନିବାସୀ ରାଜ୍ୟ ପୁରସ୍କାରପ୍ରାପ୍ତ ଶିକ୍ଷକ ପ୍ରାଣବନ୍ଧୁ ନାୟକଙ୍କ ପୌତ୍ରୀ ଅଟନ୍ତି । ଏହି ସଫଳତା ପାଇଁ ଅଗଣିତ ଶୁଭେଚ୍ଛୁ ଓ ଗୁରୁଜନ ମାନେ ସୃଜନୀଙ୍କୁ ଅଭିନନ୍ଦନ ଜଣାଇଛନ୍ତି ।