20-Jun-2026

ବିନିକା(ହିମାଂଶୁ ଶେଖର ପୁଟେଲ) ଆଜି ମଧ୍ୟାହ୍ନରେ ନିକଟ
ଜୋରକୁ ଗାଧୋଇବାକୁ ଯାଇ ଜଣେ ଯୁବକ ପାଣିରେ ବୁଡି ପ୍ରାଣ ହରାଇଛନ୍ତି । ଖବର ଅନୁସାରେ ସୁବର୍ଣ୍ଣପୁର ଜିଲ୍ଲା ବିନିକା ବ୍ଲକ ଚରଦା ଗ୍ରାମର ପ୍ରଶାନ୍ତ ଥନାପତି (52) ଆଜି ମଧ୍ୟାହ୍ନରେ ନିକଟସ୍ଥ ଚୌକି ଜୋରକୁ ଗାଧୋଇବାକୁ ଯାଇଥିବା ବେଳେ ପାଣିରେ ବୁଡି ପ୍ରାଣ ହରାଇଥିଲେ। ଗ୍ରାମର କିଛି ବ୍ୟକ୍ତି ଯୁବକଙ୍କ ଶବ ଭାସୁଥିବା ଦେଖିବାକୁ ପାଇ ଭୟଭୀତ ହୋଇ ପଡ଼ିଥିଲେ ।ପୁଣି ଜୋର ଖଣ୍ଡି ରେ ଉକ୍ତ ଯୁବକଙ୍କ ମଟର ସାଇକେଲ  ଦେଖିବା ପରେ ପ୍ରଶାନ୍ତ ବୋଲି ଜାଣି ତୁରନ୍ତ ଘର ଲୋକଙ୍କୁ ଖବର ଦେଇଥିଲେ।  ଘର ଲୋକ ଘଟଣା ସ୍ଥଳକୁ ପହଞ୍ଚି 108 ଆମ୍ବୁଲାନ୍ସକୁ ଖବର ଦେଇ ଚିକିତ୍ସା ପାଇଁ ବିନିକା ଡାକ୍ତରଖାନାକୁ ଆଣିଥିଲେ ।ଡାକ୍ତର ତାଙ୍କୁ ଦେଖି ମୃତ ଘୋଷଣା କରିଥିଲେ।ଏହି ଘଟଣା ପ୍ରଘଟ ହେବାପରେ ଯୁବ ପ୍ରେମୀ ମହଲରେ ଶୋକ ର ଲହରୀ ଖେଳିଯାଇଛି ।