29-May-2026

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ )  ୧୩୪ ନମ୍ବର ରେଙ୍କ ରେ କୃତକାର୍ଯ୍ୟ  ହୋଇଥିବା ଓ ପ୍ରଥମ ଥର ପରୀକ୍ଷା ରେ ବିନା କୋଚିଂ ରେ  ସଫଳତା ପାଇଥିବା ସୋନପୁର ସହର ର ସୂଶ୍ରୀ ଶୀତଲ କୁଶଳ ଙ୍କୁ ବିଭିନ୍ନ ସଂଗଠନ ପକ୍ଷରୁ ଭବ୍ୟ ସ୍ୱାଗତ ସମ୍ବର୍ଦ୍ଧନା ଜ୍ଞାପନ କରା ଯାଇଛି l ହୋଟେଲ ମୁନ କନଫରେନ୍ସ ହଲ୍ ଠାରେ ଆୟୋଜିତ ଏହି ସଭା ରେ ମୁଖ୍ୟ ଅତିଥି ଭାବରେ ଓ ଏ ଏସ ଅଫିସର ଶରତ ସେଠି, ସମ୍ମାନିତ ଅତିଥି ଭାବରେ ଡ଼ଃ ସଂତୋଷ ପାଢ଼ୀ, ଡଃ ଆର୍ତ୍ତ ତ୍ରାଣ ବାବୁ, ଜ୍ୟୋତି ରଞ୍ଜନ ପଟ୍ଟନାୟକ, ସମାଜ ସେବୀ ଶ୍ରୀବତ୍ସ ମଲ୍ଲିକ, ସମାଜ ସେବୀ ଗୋବିନ୍ଦ ମହାରଣା  ଯୋଗ ଦେଇ ଓ ଏ ଏସ କୃତି ଛତ୍ରୀ ଶୀତଲ କୁ ସମ୍ବର୍ଧନା ଜ୍ଞାପନ କରି ସଫଳତା କାମନା କରିଥିଲେ l  ଓ ଏ ଏସ ଶୀତଲ  ନିଜର ଅଭିଜ୍ଞତା ପ୍ରକାଶ କରି ତଳ ସ୍ତର ର ଲୋକ ଓ ସମାଜ ର ସବୁ ବର୍ଗ ର ଲୋକ ଙ୍କ ପାଇଁ ଉତ୍ତମ ସେବା ପ୍ରଦାନ କରିବି ଓ ସୋନପୁର ମାଟି ର ତଥା ଓଡ଼ିଶା ର ସୁନାମ ଅର୍ଜନ କରିବି ବୋଲି କହିଥିଲେ l ଆଜି ଶୀତଲ ଭୁବନେଶ୍ୱର ରୁ ସୋନପୁର ଫେରିବା ପରେ  ବସଷ୍ଟାଣ୍ଡ ରୁ ସୁରେଶ୍ଵରୀ ମନ୍ଦିର ଯାଏ ଓ ପରେ ନିଜ ବାସ ଭବନ ଯାଏଁ ଏକ ଭବ୍ୟ ସ୍ୱାଗତ କରି ଶୀତଲ କୁ ଶହ ଶହ ଶୁଭେଚ୍ଛୁ ପାଛୋଟି ନେଇଥିଲେ l  ଶୀତଲ ସୋନପୁର ପହଞ୍ଚିଲା ପରେ ପ୍ରଥମେ ମା ସୁରେଶ୍ଵରୀ ଙ୍କ ଦର୍ଶନ ଲାଭ କରି ଆଶୀର୍ବାଦ ଭିକ୍ଷା କରିଥିଲେ l ଶୀତଲ ର ପିତା ଅଭିମନ୍ୟୁ କୁଶଳ ଓ ଭଉଣୀ କାଜଲ କୁଶଳ ଏ ସଫଳତା ଉପରେ ନିଜ ନିଜର ଅନୁଭୂତି ପ୍ରକାଶ କରି ମା ସୁରେଶ୍ଵରୀ ଙ୍କ ଠାରେ ସୋନପୁର ବାସୀ ଙ୍କ ଠାରେ କୃତଜ୍ଞ ବୋଲି କହିଥିଲେ l 
ସମ୍ବର୍ଧନା ସଭା କୁ ପ୍ରାଧ୍ୟାପକ ମଦନ ସୁନ୍ଦର ଖେତି ଓ ସାମ୍ୱାଦିକ ମନୋରଞ୍ଜନ ତ୍ରିପାଠି ସଂଯୋଜନା କରିଥିବା ବେଳେ ଅଧ୍ୟାପକ କ୍ଷୀରୋଦ ମେହେର ଧନ୍ଯବାଦ ଅର୍ପଣ କରିଥିଲେ l 
ଶୀତଲ ସୋନପୁର ପହଞ୍ଚିଲା ପରେ ଆଜି ସୁବର୍ଣ୍ଣପୁର ସହର ର  ଶହ ଶହ ଶୁଭେଚ୍ଛୁ ଛାତ୍ର ଛାତ୍ରୀ ଓ ବୁଦ୍ଧିଜୀବି ଙ୍କ ଶୀତଲ ର ବାସ ଭବନ ରେ  ଭିଡ଼ ଲଗାଇଥିଲେ l