21-Apr-2026

ଭୁବନେଶ୍ୱର(ସମୀର ରଞ୍ଜନ ନାୟକ): କଟକ ରାଜନୀତିରେ ରୋଚକ ଦୃଶ୍ୟ । ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କୁ ସମ୍ବର୍ଦ୍ଧିତ କରିଛନ୍ତି ବରିଷ୍ଠ ନେତା ପ୍ରଭାତ ବିଶ୍ୱାଳ । ଓଏମପି ଛକରେ ମୁଖ୍ୟମନ୍ତ୍ରୀଙ୍କୁ ପ୍ରଭାତ ସମ୍ବର୍ଦ୍ଧିତ କରିଛନ୍ତି । ଗତକାଲି ଖଇରିଆ ପୋଷାକ ଛାଡି ଧଳା କପଡା ପିନ୍ଧିଥିଲେ । ଆଉ ବିଜେଡିର ବରିଷ୍ଠ ନେତା ବବି ଦାସଙ୍କୁ ଅତି ତାତ୍ସଲ୍ୟ କରି କହିଥିଲେ । ଦଳରୁ ସସପେଣ୍ଡ ହେବା ପରେ ଗତକାଲି ମନଇଛା ନିଜର ବିଷ ଓଗାଳିଥିଲେ । ଏହି ଘଟଣାର ୨୪ ଘଣ୍ଟା ନପୁରୁଣୁ ପ୍ରଭାତ ଆଜି ସକାଳୁ ମୁଖ୍ୟମନ୍ତ୍ରୀଙ୍କୁ ସମ୍ବର୍ଦ୍ଧିତ କରିଛନ୍ତି ।କଟକରେ ଧାନମୁଠି ଅନୁକୂଳ ଅବସରରେ ମୁଖ୍ୟମନ୍ତ୍ରୀ କଟକ ଗସ୍ତ କରିଥିଲେ । ଏହି ସମୟରେ ସେ ଓଏମପି ଛକରେ ସମ୍ବର୍ଦ୍ଧିତ କରିଥିଲେ । ତେବେ ପ୍ରଭାତଙ୍କ ବଦଳୁଥିବା କପଡା ପରି ଦଳ ମଧ୍ୟ ବଦଳିବ ବୋଲି ରାଜନୈତିକ ମାହୋଲରେ ଚର୍ଚ୍ଚା ହେଉଛି । ପ୍ରଭାତଙ୍କ ପୁଅ ରାଜନୀତିରେ ସକ୍ରିୟ ଅଛନ୍ତି, ହେଲେ ଏବେ ପ୍ରଭାତ ନିଜେ ସକ୍ରିୟ ହେବେ ବୋଲି ବିଭିନ୍ନ ମହଲରେ ଆଲୋଚନା ହେଉଛି । ଗତକାଲି କରିଥିବା ପ୍ରେସମିଟରେ ମଧ୍ୟ ପ୍ରଭାତ ପରୋକ୍ଷରେ ଅନ୍ୟଦଳକୁ ଯାଉଥିବା କଥା ଇଙ୍ଗିତ କରିଥିଲେ । ତେବେ ଆଜିର ଘଟଣା ପରେ ପ୍ରଭାତ ବିଶ୍ୱାଳ ନିଶ୍ଚୟ ବିଜେପିରେ ମିଶୁଛନ୍ତି ବୋଲି କୁହାଯାଉଛି । ପ୍ରଭାତ ଏ ବାବଦରେ କୌଣସି ସ୍ଥାନରେ କିଛି ନକହିଥିଲେ ମଧ୍ୟ ତାଙ୍କ ଦଳ ବଦଳକୁ ନେଇ ଆଲୋଚନା ହେଉଛି l ସେ କହିଛନ୍ତି ‘‘ଆଜିଠାରୁ ନୂଆ ଅଧ୍ୟାୟ ଆରମ୍ଭ ହେଲା । ମା କାମାକ୍ଷା ଙ୍କ ପାଖକୁ ଯାଇ ଖଇରିଆ ରୁ ଧଳା ପୋଷାକ ପରିଧାନ କଲି। ୨୦୧୨ରୁ ୨୦୧୬। ସ୍ଵାଧୀନ ଭାବେ ୨୦୦୪ ମସିହାରେ ନିର୍ବାଚନ ଜିତିଲି। ଲକ୍ଷ୍ୟ ଥିଲା ଠିକ୍ ଭାବେ ରାଜନୀତି କରିବି। ସବୁ କ୍ଷେତ୍ରରେ ଗୋଡ ଟଣା ରହିଛି। ଅସହିଷ୍ଣୁତା ରହିଥିଲା। ଯେଉଁମାନେ ମୋର ଅପୂରଣୀୟ କ୍ଷତି କରିଛନ୍ତି ସେମାନଙ୍କ କଥା ପ୍ରଭୁ ବୁଝିଛନ୍ତି। ଷଡଯନ୍ତ୍ରରେ ସାମିଲ୍ ନେତାଙ୍କୁ ପ୍ରଭୁ ଦଣ୍ଡ ଦେଇଛନ୍ତି’’।