14-Apr-2026

 ସମ୍ବଲପୁର ବିଶ୍ୱବିଦ୍ୟାଳୟ ସ୍ନାତକୋତ୍ତର ଓଡ଼ିଆ ବିଭାଗର ଗବେଷକ ଓ ଛାତ୍ରଛାତ୍ରୀମାନଙ୍କ ଦ୍ବାରା ଭାରତ ରତ୍ନ ଡକ୍ଟର ଭୀମରାଓ ଆମ୍ବେଦକରଙ୍କ ଜନ୍ମଜୟନ୍ତୀ ପାଳିତ ହୋଇଯାଇଛି । ବାବାସାହେବ ଡକ୍ଟର ଭୀମରାଓ ଆମ୍ବେଦକରଙ୍କ ଫଟୋଚିତ୍ର ରେ ମାଲ୍ୟାର୍ପଣ ପୂର୍ବକ ସ୍ମୃତିଚାରଣ କରାଯାଇଥିଲା। ଏହି କାର୍ଯ୍ୟକ୍ରମରେ ବିଶ୍ବବିଦ୍ୟାଳୟର କୁଳପତି ପ୍ରଫେସର ବିଧୂଭୂଷଣ ମିଶ୍ର ମୁଖ୍ୟ ଅତିଥି ଭାବରେ ଯୋଗଦାନ କରି ଆମ୍ବେଦକରଙ୍କ ଜୀବନୀ ସହ ଭାରତୀୟ ସମ୍ବିଧାନ ପ୍ରଣୟନରେ ମହତ୍ବପୂର୍ଣ୍ଣ ଅବଦାନ ସମ୍ପର୍କରେ ଅଭିଭାଷଣ ପ୍ରଦାନ କରିଥିଲେ। ଓଡିଆ ବିଭାଗ ମୁଖ୍ୟ ପ୍ରଫେସର ନାକୁ ହାଁସଦାଃ ତତ୍କାଳୀନ ସମୟର ସାମାଜିକ କୁସଂସ୍କାର ଦୂରୀକରଣରେ ଆମ୍ବେଦକର ପ୍ରମୁଖ ଭୂମିକା ଗ୍ରହଣ କରିଥିଲେ ବୋଲି ମତବ୍ୟକ୍ତ କରିବା ସହ ଦୂରଦର୍ଶୀ ବିଚାରଧାରାର ପ୍ରଶଂସା କରିଥିଲେ। ଏହି କାର୍ଯ୍ୟକ୍ରମରେ ଅଧ୍ୟାପିକା ଡକ୍ଟର ସୁନୀତି ଦେବତା, ଡକ୍ଟର ଭରଦ୍ୱାଜ ସାହୁ, ଡକ୍ଟର ପ୍ରିୟଙ୍କା ପ୍ରିୟଦର୍ଶିନୀ ପ୍ରଧାନ, ଡକ୍ଟର ବନ୍ଦିତା ନାଏକ ଉପସ୍ଥିତ ଥିଲେ । ଏଥିରେ ଗବେଷକ ଆନନ୍ଦ ସାଗରିଆ, ପବିତ୍ର ବାଗ, ସୁଦର୍ଶନ ଭରାସାଗର, ପ୍ରଦ୍ୟୁମ୍ନ ବାଗ, ବଳରାମ କଟା, କୁନା ବେହେରା, ମନସା ମୋହନ ହେମ୍ବ୍ରମ, ରଞ୍ଜନ ମାଝୀ, ବନିତା ତାଣ୍ଡି, ଶୀତଲ ମେହେର, ସମୀର ମୁଣ୍ଡାରି, ବିକ୍ରମ ବେଶ୍ରା, ସୁଶାନ୍ତ ମାରାଣ୍ଡି ସମେତ ଓଡ଼ିଆ ବିଭାଗର ଛାତ୍ରଛାତ୍ରୀ ଉପସ୍ଥିତ ରହି ସହଯୋଗ କରିଥିଲେ।