06-Feb-2021

ଦିଗପହଣ୍ଡି (ପ୍ରେରଣା ଖବର ବ୍ୟୁରୋ):ସର୍ବଭାରତୀୟ ନାଟକ ପ୍ରତିଯୋଗିତା ପାଇଁ ବିହାର ଗଲେ ଗଞ୍ଜାମ କଳାକାର । ଆସନ୍ତା ଫେବୃଆରୀ ୭ରୁ ୯ଯାଏଁ ବିହାରର ବରିଆପୁର ଠାରେ ଅନୁଷ୍ଠିତ ହେବ ସର୍ବଭାରତୀୟ ବହୁଭାଷୀ କ୍ଷୁଦ୍ର ନାଟକ ପ୍ରତିଯୋଗିତା । ଏଥିଲାଗି ଗଞ୍ଜାମର  ୧୪ଜଣିଆ ନାଟ୍ୟଦଳ ଶନିବାର ବିହାର ଗସ୍ତ କରିଛନ୍ତି ।

ପାତ୍ରପୁର ବ୍ଲକ ଜରଡ଼ାଗଡ଼ ଗାଁର ଆଶିଷ ଅଂଶୁମାନ ସୌଖିନ କଳାକାର ସଙ୍ଘ ତରଫରୁ ରାଜଗୋପାଳ ପାଢ଼ୀଙ୍କ ନେତୃତ୍ୱରେ ଦଳ ଏହି ଗସ୍ତ କରୁଛି । ଦଳ ପକ୍ଷରୁ ସେଠାରେ ଆସନ୍ତା ୮ତାରିଖ ଦିନ ନାଟ୍ୟକାର ରାଜଗୋପାଳ ପାଢ଼ୀଙ୍କ ରଚିତ ଓ ନିର୍ଦ୍ଦେଶିତ ନାଟକ “ଶାପିତ ପୁତ୍ର” ମଞ୍ଚସ୍ଥ ହେବ ବୋଲି ସଂସ୍ଥା ତରଫରୁ ସୂଚନା ଦିଆଯାଇଛି। ନାଟକର ବିଭିନ୍ନ ଚରିତ୍ରରେ ଡ଼.ରାମଶଙ୍କର ପଟ୍ଟନାୟକ, ନିଳାଞ୍ଚଳ ପାତ୍ର, ସୁଧାକର ମହାରଣା, ଭଗବାନ ମଲ୍ଲିକ,ସୁଶାନ୍ତ ପାଣିଗ୍ରାହୀ, ରାଜଗୋପାଳ ପାଢ଼ୀ ଓ ସାଗରିକା ଭୋଇ ପ୍ରମୂଖ ଅଭିନୟ କରୁଥିବା ବେଳେ ଅରୁଣ ସାହୁ ସଙ୍ଗୀତ ନିର୍ଦ୍ଦେଶନା ଦେଉଛନ୍ତି ।

ସେହିପରି ଅନ୍ୟମାନଙ୍କ ମଧ୍ୟରେ ଏହି ନାଟ୍ୟ ଦଳରେ ରବୀନ୍ଦ୍ର ମିଶ୍ର, ସତ୍ୟବାଦୀ ଗୌଡ଼, ଋତୁପର୍ଣ୍ଣ ପାଣିଗ୍ରାହୀ, କବିରାଜ ସାହୁ, ସ୍ୱୟଂ ପାତ୍ର ଓ ନିରୂପା ରାଣୀ ପାଢ଼ୀ ଅଛନ୍ତି । ନାଟ୍ୟ ଦଳକୁ ପ୍ରଦୀପ ପଣ୍ଡା, ରାଜେଶ ମହାନ୍ତି, ଦୀନବନ୍ଧୁ ଶତପଥୀ ଓ ସିଏଚ. ଦେବଦାସ ପ୍ରମୁଖ ସଫଳତା ପାଇଁ ଶୁଭେଛା ଜଣାଇଛନ୍ତି ।