06-Feb-2026

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
 ସୁବର୍ଣ୍ଣପୁର ଜିଲ୍ଲା ଭିନ୍ନକ୍ଷମ  ବିଦ୍ୟାଳୟରେ ଭିନ୍ନକ୍ଷମ ଛାତ୍ରଛାତ୍ରୀଙ୍କ ପାଇଁ ବ୍ଲକ୍ ସ୍ତରୀୟ କ୍ରୀଡା ଉତ୍ସବ ଉଦଯାପିତ ହୋଇଯାଇଛି। ଏହି ବିଦ୍ୟାଳୟ ସମେତ ପି ଏମ ଶ୍ରୀ କୋଶୋଳେଶ୍ୱର  ହାଇସ୍କୁଲ , ଓ  ରେଆର  ର ୧୨୦ ଛାତ୍ର ଛାତ୍ରୀ ଏଥିରେ ସାମିଲ ହୋଇ ଥିଲେ l ସୋନପୁର ପଞ୍ଚାୟତ ସମିତି ପକ୍ଷରୁ ଆୟୋଜିତ ଏହି ପ୍ରତିଯୋଗିତାର ଉଦଯାପନୀ  ଉତ୍ସବରେ ଜିଲ୍ଲାପାଳ ଡ଼ ନୃପରାଜ ସାହୁ ମୁଖ୍ୟ ଅତିଥି ଭାବେ ଯୋଗଦେଇ  ଭିନ୍ନକ୍ଷମ ଛାତ୍ରଛାତ୍ରୀଙ୍କୁ ପୁରସ୍କୃତ କରି ଉତ୍ସାହିତ କରିଥିଲେ। ସମ୍ମାନିତ ଅତିଥି ଭାବେ ଅତିରିକ୍ତ ଜିଲ୍ଲାପାଳ ଅଞ୍ଜଳିନା ପଧାନ, ସି ଡି ଓ ଅଶ୍ଵିନୀ କୁମାର ମେହେର, ସ୍କୁଲ ପ୍ରଧାନ ଶିକ୍ଷକ ଉତ୍ତମ ଚରଣ ଦେହୁରୀ ଯୋଗ ଦେଇ କ୍ରୀଡ଼ା ଦ୍ଵାରା ଶରୀର ମନ ଓ ଆତ୍ମା ର ବିକାଶ ହୁଏ l କେବଳ ଶିକ୍ଷା ନୁହେଁ କ୍ରୀଡ଼ା ଦ୍ଵାରା ମଧ୍ୟ ଛାତ୍ର ଛାତ୍ରୀ ଭଲ କ୍ୟାରିୟର ଗଢି ପାରିବେ ବୋଲି କହିଥିଲେ lଏହି ଉଦଯାପନୀ ସନ୍ଧ୍ୟାରେ  ଅନ୍ୟମାନଙ୍କ ମଧ୍ୟରେ ବ୍ଲକ୍ ସାମାଜିକ ସୁରକ୍ଷା ଅଧିକାରୀ ଅମରଜିତ୍ ସାହୁ, ପି ଇ ଓ ସୁଶିଲ ମହାପାତ୍ର, ସହକାରୀ କାର୍ଯ୍ଯ ନିର୍ବାହୀ ଯନ୍ତ୍ରୀ ବୈଜୟନ୍ତି କର୍ଣ୍ଣ, ସହକାରୀ ଯନ୍ତ୍ରୀ ରାଜେନ୍ଦ୍ର କୁମାର ମଣ୍ଡଳ, ସରୋଜ କୁମାର ଦୋରା, ନରେଗା ଆସୁଷ୍ଟାଣ୍ଟ ସରିତ କୁମାର ସାହୁ, ପି ଇ ଓ ସରୋଜ କୁମାର ଭୋଇ, ଶୁଶାନ୍ତ କମଳିଆ, ସତ୍ୟ ନାରାୟଣ ପାଣିଗ୍ରାହୀ ( ସି ପି) ନରେଶ ମେହେର ( ଏ ସି ପି) , ସୋନପୁର ବ୍ଲକ ବି ଆର ସି ବିବେକ ପଣ୍ଡା, ଆର ଡବ୍ଲୁ ଏସ ଏସ ସହକାରୀ ଯନ୍ତ୍ରୀ ବିକାଶ ତରେଇ, ନନ୍ଦ କିଶୋର ରାଉତ (ଜି ପି ଡି ଓ) ଙ୍କ ସମେତ ଆଶୁତୋଷ ଭୋଇ, ଶ୍ରୀନିବାସ ପଧାନ ପ୍ରମୁଖ ସମସ୍ତ କର୍ମଚାରୀ ସହଯୋଗ କରିଥିଲେ l

ଏହି ସ୍କୁଲ୍ ର   ଛାତ୍ରୀ  ଓଡ଼ିଶା ରାଜସ୍ବ ସେବା ପରୀକ୍ଷାରେ କୃତୀତ୍ୱ ହାସଲ କରିଥିବା ସ୍ମୁତି ଶିଖା ଭୋଇ ଙ୍କୁ ଜିଲ୍ଲାପାଳ ଙ୍କ ଦ୍ବାରା ସମ୍ବର୍ଧିତ କରାଯାଇଥିଲା l  ପି ଇ ଓ ସୁଶିଲ ମହାପାତ୍ର ସଭା ପରିଚାଳନା କରିଥିବା ବେଳେ ଶେଷରେ ବି ଡି ଓ ପ୍ରତୀକ କର ଧନ୍ୟବାଦ୍ ଅର୍ପଣ କରିଥିଲେ l