03-Feb-2021

କଣ୍ଟାବାଞ୍ଝି(ପ୍ରେରଣା ଖାବର ବ୍ୟୁରୋ) :ଶ୍ରମିକମାନଙ୍କୁ ନେଇ ଯାଉଥିବା ପିକଅପ୍ ଭ୍ୟାନ୍ ଓଲଟିଲା । ଦୁର୍ଘଟଣାରେ ୩ ଜଣ ଗୁରୁତର ହୋଇଥିବା ବେଳେ ୬ ଜଣ ଆହତ ହୋଇଛନ୍ତି । ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ଚାରିଛକ ନିକଟରେ ଘଟିଛି ଦୁର୍ଘଟଣା । ଶ୍ରମିକମାନଙ୍କୁ ନେଇ ଯାଉଥିବା ପିକଅପ୍ ଭ୍ୟାନ୍ ଓଲଟି ଦୁର୍ଘଟଣା ଘଟିଛି । ଦୁର୍ଘଟଣାରେ ୩ ଜଣ ଗୁରୁତର ଥିବାବେଳେ ୬ ଜଣ ଆହତ ହୋଇଛନ୍ତି । ଉଭୟ ଗୁରୁତର ଏବଂ ଆହତମାନେ କଣ୍ଟାବାଞ୍ଝି ଡାକ୍ତରଖାନାରେ ଚିକିତ୍ସିତ ହେଉଛନ୍ତି । ସମସ୍ତେ ବଙ୍ଗୋମୁଣ୍ଡା ଥାନା ଗନ୍ଧରାବନ୍ଦ ଗାଁର ବୋଲି ଜଣାପଡିଛି ।
ସୂଚନାଯୋଗ୍ୟ ଯେ, ବଲାଙ୍ଗୀର ଜିଲ୍ଲା ଟିଟିଲାଗଡ ପାଖ ଶିରୋଲ ଗାଁରେ ରାସ୍ତା କାମ ଚାଲିଥିବା ବେଳେ ଏଆରଏସଏସ କମ୍ପାନୀରେ କାମ କରୁଥିବା ଶ୍ରମିକମାନଙ୍କୁ ଏକ ପିକଅପ୍ ଭ୍ୟାନ୍ ନେଇ ଯାଉଥିଲା । ବଙ୍ଗୋମୁଣ୍ଡା ଚାରି ଛକ ନିକଟରେ ଗାଡିଟି ଭାରସାମ୍ୟ ହରାଇ ଓଲଟି ପଡିଛି । ଗୁରୁତର ଏବଂ ଆହତମାନଙ୍କୁ ବଙ୍ଗୋମୁଣ୍ଡା ପୋଲିସ, ଦମକଳବାହିନୀ କର୍ମଚାରୀଙ୍କ ସହାୟତାରେ ଉଦ୍ଧାର କରି କଣ୍ଟାବାଞ୍ଝି ମେଡିକାଲରେ ଭର୍ତ୍ତି କରାଯାଇଛି । ତେବେ ପିକଅପ୍ ଭ୍ୟାନ୍ ରେ କେମିତି ଶ୍ରମିକମାନଙ୍କୁ ବିପଦ ସଙ୍କୁଳ ଅବସ୍ଥାରେ ନିଆଯାଉଥିଲା ତାହା ବର୍ତ୍ତମାନ ପ୍ରଶ୍ନବାଚୀ ସୃଷ୍ଟି କରିଛି । ଗୁରୁତରମାନଙ୍କୁ ପ୍ରାଥମିକ ଚିକିତ୍ସା ପରେ ଅନ୍ୟ ହସ୍ପିଟାଲକୁ ସ୍ଥାନାନ୍ତର କରାଯାଉଛି ।