10-Jan-2026

କଣ୍ଟାମାଳ(ଜୟକୁମାର ମହାରଣା):  ବୌଦ୍ଧ ଜିଲ୍ଲା କଣ୍ଟାମାଳ ବ୍ଳକ ଖୁଣ୍ଟିଗୋରା ପଞ୍ଚାୟତ ଅନ୍ତର୍ଗତ ବନ୍ଧଗୋରା ମକର ପଡିଆରେ ସପ୍ତମ ଖଡଙ୍ଗ ଲୋକ ମହୋତ୍ସବ ଆୟୋଜନ ପାଇଁ ଶୁକ୍ରବାର ମଶାଲ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି । ଖୁଣ୍ଟିଗୋରା ସ୍ଥିତ ଜଗନାଥ ମନ୍ଦିରରେ ଗ୍ରାମ ମୁଖିଆ ନରେନ୍ଦ୍ର ସାହୁଙ୍କ ତତ୍ୱାବଧାନ ଏବଂ ମନ୍ଦିର ପୂଜକ ପଣ୍ଡିତ ଜୟରାମ ପାଣିଙ୍କ ପୌରାହିତ୍ୟରେ ପୂଜାକାର୍ଯ୍ୟ  ସମାପନ ହୋଇଥିଲା ।

ମନ୍ଦିରରୁ ଅଜ୍ଞାମାଳ ଆଣି ଘଣ୍ଟ, ଶଙ୍ଖ, ମୁଦଙ୍ଗ ସହ ହୁଳହୁଳି, ହରିବୋଲୋ ଧ୍ଵନି ଓ ନୃତ୍ୟଗୀତ ମଧ୍ୟରେ ନଗର ପରିକ୍ରମା କରି ବନ୍ଧଗୋରା ଧବଳେଶ୍ଵର ମନ୍ଦିରରେ ପହଞ୍ଚି ପୂଜା ଅର୍ଚ୍ଚନା କରାଯାଇଥିଲା । ଏହାପରେ ମହୋତ୍ସବ ମଣ୍ଡମରେ ମୋଚିରାମ ପୁଝାରୀଙ୍କ ପୌରୋହିତ୍ୟରେ ମଶାଲ ସ୍ଥାପନା କରାଯାଇଥିଲା । କାର୍ଯ୍ୟକ୍ରମରେ ପୂର୍ବତନ କଣ୍ଟାମାଳ ବିଧାୟକ ମହିଧର ରଣା ମୁଖ୍ୟଅତିଥି, ଜୋନ-୧ ଜିଲ୍ଲା ପରିଷଦ ସଭ୍ୟା ସୁମିତ୍ରା ସାହୁ, ଖୁଣ୍ଟିଗୋରା ପଞ୍ଚାୟତ ପ୍ରାକ୍ତନ ସରପଞ୍ଚ ସୁନିତା ମାଝୀ,

ଶିକ୍ଷାବିତ୍ ନିଳାଞ୍ଚଳ ଭୋଇ, ଓଡିଶା କୁମ୍ଭକାର ସଙ୍ଘ ରାଜ୍ୟ ଉପସଭାପତି ପ୍ରଶାନ୍ତ ରଣା, କନ୍ଧମାଳ ବିଜେପି ଜିଲ୍ଲା ସାଧାରଣ ସମ୍ପାଦକ ଦେବେନ୍ଦ୍ର କୁଦେଇ, ସମାଜସେବୀ ଅଜିତ ସାହୁ, ଅଭିରାମ ରଣା, ଜିତେନ୍ଦ୍ର କୁଦେଇ ପ୍ରମୁଖ ସମ୍ମାନୀତ ଅତିଥି ଭାବେ ଯୋଗଦେଇ ଥିଲେ । ମହୋତ୍ସବ କମିଟି  ଆବାହକ ଧୀରୋଜ ଭୋଇ, ସଭାପତି  ମନୋଜ ଦାସ, ସମ୍ପାଦକ ଭକ୍ତ ସାହୁ, ବ୍ୟବସ୍ଥାପକ ଲମ୍ବୋଦର ବେହେରା, କୋଷାଧ୍ୟକ୍ଷ ଗୋପୀନାଥ ସାହୁ, ସଦସ୍ୟ ସୁନିଲ ସାହୁ ଏବଂ କମିଟିର ସମସ୍ତ ସଦସ୍ୟ ମଶାଲ ଶୋଭାଯାତ୍ରାରେ ଉପସ୍ଥିତି ରହି ସହଯୋଗ କରିଥିଲେ ।