19-Dec-2025

ସୋନପୁର( ମନୋରଞ୍ଜନ ତ୍ରିପାଠୀ)  ତରଭା ବ୍ଲକ ଚାରଭଟା  ଆଦିବାସୀ ହଷ୍ଟେଲ ରେ ଦୁର୍ଭାଗ୍ୟ ଜନକ ଘଟଣା  ପରେ  ୧୦୦ ଶଯ୍ୟା ବିଶିଷ୍ଟ ଅନୁସୂଚୀତ ଜାତି ଓ ଅନୁସୂଚିତ ଜନଜାତି ଚାରି ଗୋଟି ହଷ୍ଟେଲ (ଛାତ୍ର ଓ ଛାତ୍ରୀ ନିବାସ)  ସୋନପୁର ବ୍ଲକ  ଅସୁରମୁଣ୍ଡା କୁ ଗତ କାଲି ଅପରାହ୍ନ ରେ ଅଚାନକ ପରିଦର୍ଶନ କରି ଥିଲେ ଜିଲ୍ଲା ପ୍ରଶାସନ ର ଏକ ଉଚ୍ଚ ସ୍ତରୀୟ ପ୍ରତିନିଧି ଦଳ l ସୁବର୍ଣ୍ଣପୁର ଜିଲ୍ଲାପାଳ ଡ଼. ନୃପ ରାଜ ସାହୁ ଙ୍କ ନିର୍ଦ୍ଦେଶ କ୍ରମେ ସୋନପୁର ବ୍ଲକ ର ନୁତନ ବିଡିଓ ଶ୍ରୀ ପ୍ରତୀକ କର ଙ୍କ ନେତୃତ୍ଵ ରେ ଡ଼ବ୍ଲୁଇଓ ସୌରଭ ଦାନି,   ବି ଆର ସି ବିବେକାନନ୍ଦ ପଣ୍ଡା , ଏ ଇ ରାଜେନ୍ଦ୍ର ମଣ୍ଡଳ ପ୍ରମୁଖ  ଅଫିସର ଓ  ଏ ଇ ପରିଦର୍ଶନ ରେ ସାମିଲ ଥିଲେ |

ଅସୁର ମୁଣ୍ଡା ଆଦିବାସୀ ଛାତ୍ର ଓ ଛାତ୍ରୀ ନିବାସ ର ଶୃଂଖଳା, ଭିତ୍ତି ଭୁମି ବିକାଶ ର ସାମଗ୍ରିକ ସ୍ଥିତି, ଶିକ୍ଷା ଓ ପାନୀୟ ଜଳର ର ଗୁଣବତ୍ତା, ପରିମଳ ଓ ପରିଷ୍କାର ପରିଚ୍ଛନ୍ନତା, ମଧ୍ୟାହ୍ନ ଭୋଜନ ର ମାନ ଓ ଛାତ୍ର ଛାତ୍ରୀ ଙ୍କ ସୁରକ୍ଷା ବ୍ୟବସ୍ଥା ଉପରେ କଡାକଡି ଯାଞ୍ଚ କରି ଥିଲେ ବି ଡି ଓ ଶ୍ରୀ କର ଙ୍କ ସହିତ ଏହି ପ୍ରତିନିଧି ଦଳ l ଗତ କାଲି ଏ ଗାଁ ରେ ଥିବା ତିନି ଗୋଟି ଛାତ୍ରୀ ନିବାସ ଓ ଗୋଟାଏ ଛାତ୍ର ନିବାସ ରେ ପ୍ରାୟ ତିନି ଘଣ୍ଟା ଯାଏଁ ଜିଲ୍ଲା ପ୍ରଶାସନ ର ଏହି ପ୍ରତିନିଧି ଦଳ  ସମସ୍ତ ବ୍ୟବସ୍ଥା ଉପରେ ଯାଞ୍ଚ ଓ ନିରୀକ୍ଷଣ କରି ପ୍ରତି ମୁହୂର୍ତ୍ତ ରେ ହଷ୍ଟେଲ ର ସୁରକ୍ଷା ଓ ସମସ୍ତ ବ୍ୟବସ୍ଥା ଉପରେ ଧ୍ୟାନ ରଖିବାକୁ ଓ ପ୍ରତି ଦିନ ରିପୋର୍ଟ ପ୍ରଦାନ କରିବାକୁ ହଷ୍ଟେଲ ଅଧିକ୍ଷକ ଙ୍କୁ ପରାମର୍ଶ କରିଥିଲେ l