18-Dec-2025

ବିନିକା(ହିମାଂଶୁ ଶେଖର ପୁଟେଲ)ବିନିକା ଆଦର୍ଶ ବିଦ୍ୟାଳୟରେ ଚତୁର୍ଥ ତାରାପୁର ଉତ୍ସବ ଗୁରୁବାର ପାଳିତ ହୋଇଯାଇଛି।ଅଧ୍ୟକ୍ଷ ବିମଳ ବିଶ୍ବାଳଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବାର୍ଷିକ ଉତ୍ସବରେ ସୋନପୁର ବିଧାୟକ ନିରଞ୍ଜନ ପୁଝାରୀ ମୁଖ୍ୟ ଅତିଥି ଭାବେ ଯୋଗଦେଇ ଚିରସ୍ରୋତା ମହାନଦୀ କୂଳରେ ଅବସ୍ଥିତ ଏହି ଆଦର୍ଶ ବିଦ୍ୟାଳୟର ପରିବେଶ ଅତ୍ୟନ୍ତ ମନୋହର ସହ ଏହାର ଶିକ୍ଷାଦାନ ଉତ୍ତମ ଧରଣର ବୋଲି କହିଥିଲେ।ଯାହାକି ପ୍ରଥମ ବର୍ଷ ମେଟ୍ରିକ ପରୀକ୍ଷାରେ ବେଷ୍ଟ ଟେନ ରିୟାଙ୍କ ଛାତ୍ରଛାତ୍ରୀ ମାନେ ୯୦ପ୍ରତିଶତ ରୁ ଅଧିକ ନମ୍ବର ରଖି ବିଦ୍ୟାଳୟର ଗୌରବ ବଢାଇ ଥିବାରୁ ଖୁସି ପ୍ରକଟ କରିଥିଲେ ।ମୁଖ୍ୟ ବକ୍ତା ଭାବେ ଡ଼ ପ୍ରମୋଦ କୁମାର ପଣ୍ଡା ଯୋଗଦେଇ ଅଧ୍ୟୟନରତ ଛାତ୍ରଛାତ୍ରୀଙ୍କ ଉତ୍ସାହିତ କରିବା ସହିତ ଆଗାମୀ ଦିନରେ ବିଦ୍ୟାଳୟକୁ ଯେପରି ଉତ୍କର୍ଷ ଭାବେ ଗଡା ଯାଇ ପାରିବ ସେ ଦିଗରେ କାର୍ଯ୍ୟରତ ଶିକ୍ଷକ/ଶିକ୍ଷୟତ୍ରୀ ମାନଙ୍କୁ ପରାମର୍ଶ ଦେଇଥିଲେ।ସମ୍ମାନୀତ ଅତିଥି ଭାବେ ବିନିକା ନଗରପାଲ ସୁବାସ ଭୋଇ,ଅବସରପ୍ରାପ୍ତ ଶିକ୍ଷକ ଲମ୍ବୋଦର ତ୍ରିପାଠୀ,ପୂର୍ବତନ ବ୍ଲକ ଅଧ୍ୟକ୍ଷ ଅଶୋକ ନନ୍ଦ,ଶିକ୍ଷକ ହିମାଂଶୁ ଭୂଷଣ ପଣ୍ଡା ମଞ୍ଚାସିନ ଥିଲେ ।ଏହି ଅବସରରେ ବିଦ୍ୟାଳୟ ତରଫରୁ ଆୟୋଜିତ ବିଭିନା ପ୍ରତିଯୋଗିତାରେ ଭାଗ ନେଇ କୃତକାର୍ଯ୍ୟ ହୋଇଥିବା ୧୪୦ଜଣ ଛାତ୍ରଛାତ୍ରୀ ଏବଂ ମେଟ୍ରିକ ପରୀକ୍ଷାରେ ବେଷ୍ଟ ଟେନ ୧୦ଛାତ୍ରଛାତ୍ରୀଙ୍କୁ ପୁରସ୍କାର ଦେଇ ସମ୍ମାନିତ କରାଯାଇଥିଲା।ଉତ୍ସବ ପ୍ରାରମ୍ଭରେ ଶିକ୍ଷକ ଅର୍ଜ୍ଜୁନ ଝାଙ୍କରଙ୍କ ନେତୃତ୍ୱରେ ଛାତ୍ରଛାତ୍ରୀ ମାନେ ସ୍ବାଗତ ସଙ୍ଗୀତ ପରିବେଷଣ ପରେ ଶିକ୍ଷକ ଅଭିଷେକ ନାଏକ ଅତିଥି ପରିଚୟ,ଶିକ୍ଷକ ପରିତୋଷ କୁମାର ବାର୍ଷିକ ବିବରଣୀ ପଠନ ଓ ଶେଷରେ ଶିକ୍ଷକ ଶୁଭମ ଶୁକ୍ଳା ଧନ୍ୟବାଦ ଅର୍ପଣ କରିଥିଲେ।ପରେ ଛାତ୍ରଛାତ୍ରୀ ମାନଙ୍କ ଦ୍ଵାରା ମଞ୍ଚରେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲା।ଯାହାକି ଶତାଧିକ ଅଭିଭାବକ ଉପସ୍ଥିତ ରହି ଛାତ୍ରଛାତ୍ରୀଙ୍କ ପ୍ରତିଭାକୁ ଉପଭୋଗ କରିଥିଲେ।