18-Dec-2025

ତରଭାରୁ କପିଳାସ ସେଠଙ୍କ ରିପୋର୍ଟ

 ତରଭା ବ୍ଲକ ଚାରଭଟ୍ଟା ସ୍ଥିତ ଏସଏସ ଡି ବିଦ୍ୟାଳୟର ଯୁକ୍ତ ଦୁଇ ବିଜ୍ଞାନ ଦ୍ଵିତୀୟ ବର୍ଷ ଛାତ୍ର ଆର୍ଯ୍ୟନ ସୁନାଙ୍କ ସନ୍ଦେହଜନକ ମୃତ୍ୟୁ ଘଟଣାରେ  ଆଶ୍ରମ ବିଦ୍ୟାଳୟର  ହଷ୍ଟେଲ ଆସିଷ୍ଟାଣ୍ଟ ସୁପରିଟେଣ୍ଡେଣ୍ଟ ଅରବିନ୍ଦ ମହାକୁରଙ୍କୁ ସୁବର୍ଣ୍ଣପୁର ଜିଲାପାଳ ନିଲମ୍ବିତ କରିଥିବାର ଜଣା ଯାଇଛି । 

ସୂଚନା ଅନୁସାରେ,ମଙ୍ଗଳବାର ଦିନ ନିବାସରେ ରହୁଥ‌ିବା ଛାତ୍ର ଆର୍ଯ୍ୟାନଙ୍କୁ ଅଚେତ ଅବସ୍ଥାରେ ବିଦ୍ୟାଳୟ କର୍ତ୍ତୃପକ୍ଷ ଚାରଭଟା ପ୍ରାଥମିକ ସ୍ଵାସ୍ଥ୍ୟ କେନ୍ଦ୍ରକୁ ଆଣିଥିଲେ । ଏନେଇ ଛାତ୍ରଙ୍କ ବାପାଙ୍କୁ ବିଦ୍ୟାଳୟ କର୍ତ୍ତୃପକ୍ଷ ଫୋନ୍ ଯୋଗେ ଆସିବା ପାଇଁ କହିଥିଲେ । କିଛି ସମୟ ପରେ ଡାକ୍ତର ତାଙ୍କୁ ମୃତ ଘୋଷଣା କରିଥ‌ିବା ବେଳେ ପୁଣି ଛାତ୍ରମୃତ୍ଯୁ କଥା ତାଙ୍କ ବାପାଙ୍କୁ ଜଣାଇଥିଲେ ।  ଡାକ୍ତରଖାନାରେ ଛାତ୍ରଙ୍କ ବାପା ପହଞ୍ଚି ପୁଅର ମୃତଦେହ ଦେଖ‌ିବା ସହିତ ବିଦ୍ୟାଳୟରେ ଅନ୍ୟ ଛାତ୍ରଙ୍କଆଲୋଚନା କରିଥିଲେ  ।  କୌଣସି କାରଣରୁ ଛାତ୍ରମାନଙ୍କ ମଧ୍ୟରେ  ବଚସା ହୋଇ ମାରପିଟ ହୋଇଥିଲା ବୋଲି ତାଙ୍କ ବାପା ଅଭିଯୋଗ କରିଥିଲେ । ଏହାର ବିଧୂବଦ୍ଧ ତଦନ୍ତ ପାଇଁ ମୃତ ଛାତ୍ର ରବାପା  ଦାବି କରିଛନ୍ତି ।ଅନ୍ୟ ପକ୍ଷରେ  ଘଟଣା ସ୍ଥଳରେ ସୁବର୍ଣ୍ଣପୁର ଜିଲାପାଳ ଡ଼ ନୁରପ ରାଜ ସାହୁ ପହଞ୍ଚି ପରି ପରିବାର ଲୋକଙ୍କୁ ସମବେଦନା ଜଣାଇବା ସହିତ ଉଚିତ୍ ତଦନ୍ତ ହେବ ବୋଲି ଆଶ୍ୱାସନା ଦେଇଥିଲେ । ଆଜି ବିଦ୍ୟାଳୟର ୧୦୦ ଶଯ୍ୟା ବିଶିଷ୍ଟ ବାଳକ ହଷ୍ଟେଲର  ଆସିଷ୍ଟାଣ୍ଟ ସୁପରିଟେଣ୍ଡେଣ୍ଟ ଅରବିନ୍ଦ ମହାକୁର କାର୍ଯ୍ୟରେ ଅବହେଳା ପାଇଁ ଜିଲା ମାଜିଷ୍ଟ୍ରେଟ ଓ ଜିଲାପାଳଙ୍କ କାର୍ଯ୍ୟାଳୟ ପତ୍ର ସଂଖ୍ୟା ୨୦୮୮/୧୭/୧୨/୨୫ଅନୁସାରେ ନିଲମ୍ବିତ କରାଯାଇଛି । ଏହି ଘଟଣାକୁ ଗୁରୁତର ନେଇ ତଦନ୍ତ, ଓ କାର୍ଯ୍ୟାନୁଷ୍ଠାନ ପାଇଁ ଜିଲ୍ଲାପାଳ ନିର୍ଦେଶ ଦେଇଛନ୍ତି । ବୁଧୁବାର ଅତିରିକ୍ତ ଜିଲାପାଳଅଞ୍ଜଲିନା ପଧାନ ଙ୍କ ନେତୃତ୍ବରେ ଏକ ତିନି ଜଣିଆ କମିଟି ରେ ଅତିରିକ୍ତ ଜନ ସ୍ୱାସ୍ଥ୍ୟ ଅଧିକାରୀ ଡ଼ ଦେବୀ ପ୍ରସାଦ ମହାପାତ୍ର, ଜିଲ୍ଲା ମଙ୍ଗଳ ଅଧିକାରୀ ଅଚ୍ୟୁତାନନ୍ଦ ସିଂହ ରହିଛନ୍ତି I ଘଟଣାକୁ ଗୁରୁତ୍ୱ ଦେଇ ସୋନପୁର ଏସ ଡ଼ି ପି ଓ ପ୍ରତାପ ଚନ୍ଦ୍ର ତ୍ରିପାଠୀ, ତରଭା ଆଇ ଆଇ ସି ପ୍ରାରମ୍ଭିକ ତଦନ୍ତ ଆରମ୍ଭ କରିବିଦ୍ୟାଳୟ ର ପ୍ରଧାନ ଶିକ୍ଷୟତ୍ରୀ,ଛାତ୍ରବାସ ର ଅଧିକ୍ଷକ, ଅଣ ଶିକ୍ଷା କର୍ମଚାରି ଙ୍କ ସହ ଆଲୋଚନା କରୁଥିବା ସୂଚନା ରହିଛି  ।