05-Dec-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
 ସୁବର୍ଣ୍ଣପୁର ଜିଲ୍ଲାପାଳ ଙ୍କ ସଭାଗୃହ ଠାରେ ଜିଲ୍ଲାପାଳ ଡ଼. ନୃପ ରାଜ ସାହୁ ଙ୍କ ଅଧ୍ୟକ୍ଷତା ରେ ପ୍ରଥମ ଥର ପାଇଁ  ଆଦିବାସୀ ଓ ଅନୁସୂଚୀତ ଜନ ଜାତି କମ୍ୟୁନିଟି ଙ୍କ ସମସ୍ୟା ସମାଧାନ ପାଇଁ ଏକ ଅଭିଯୋଗ ଶୁଣାଣି ଶିବିର ର ଶୁଭାରମ୍ଭ ହୋଇଛି l ଆଜି ପ୍ରଥମ ଅଭିଯୋଗ ଶୁଣାଣି ରେ ସମୁଦାୟ ୨୯ ଗୋଟି ଅଭିଯୋଗ ହସ୍ତଗତ ହୋଇଥିବା ବେଳେ ସେ ସବୁ ସମସ୍ୟା ର ତୁରନ୍ତ ସମାଧାନ ଦିଗରେ ପଦକ୍ଷେପ ଗ୍ରହଣ କରିବାକୁ ବିଭାଗୀୟ ଅଧିକାରୀ ଙ୍କୁ ଜିଲ୍ଲାପାଳ ନିର୍ଦ୍ଦେଶ ଦେଇଥିଲେ l ବୀରମହାରାଜ ପୁର ବ୍ଲକ ଅଞ୍ଚଳ ର ୨୩ ଜଣ ଆଦିବାସୀ ଓ ଅନୁସୂଚୀତ ଜନ ଜାତି ହିତାଧିକାରୀ ଙ୍କୁ ଜିଲ୍ଲାପାଳ ଙ୍କ ଦ୍ଵାରା ଜଙ୍ଗଲ ଜମି ପଟ୍ଟା ପ୍ରଦାନ କରା ଯାଇଛି l ଓ ବିଭିନ୍ନ ସମସ୍ୟା ସମ୍ପର୍କରେ ଆଲୋଚନା କରଯାଇଛି l

ଏହି କାର୍ଯ୍ଯକ୍ରମ ରେ ଜିଲ୍ଲା ସୂଚନା ଓ ଲୋକସଂପର୍କ ବିଭାଗ ଅଧିକାରୀ ଅର୍ଜୁନ ମାଝୀ, ବୀର ମହାରାଜ ପୁର ଅତିରିକ୍ତ ତହସିଲଦାର ସ୍ଵାଗତ କୁମାର ପଣ୍ଡା, ସୋନପୁର ତହସିଲଦାର ଙ୍କ ସମେତ ସମସ୍ତ ବ୍ଲକ ର ତହସିଲଦାର ଅତିରିକ୍ତ ତହସିଲଦାର ଓ ରାଜସ୍ବ ବିଭାଗ ର ବିଭିନ୍ନ ଅଧିକାରୀ ମାନେ ଯୋଗ ଦେଇଥିବା ସୁଚନା ମିଳିଛି l ପ୍ରକାଶ ଥାଉ କି ଯେ ପ୍ରତି ମାସ ର ୫ ତାରିଖ ଦିନ ଜିଲ୍ଲାପାଳ ଙ୍କ ସଭାଗୃହ ଠାରେ ଆଦିବାସୀ ଓ ଅନୁସୂଚୀତ ଜନ ଜାତି ସମ୍ପ୍ରଦାୟ ଲୋକ ଙ୍କ ପାଇଁ ଏକ ସ୍ବତନ୍ତ୍ର ଅଭିଯୋଗ ଶୁଣାଣି ଶିବିର ଅନୁଷ୍ଠିତ ହେବ ବୋଲି ଜଣା ଯାଇଛି l