19-Nov-2025

ନୂଆପଡ଼ା ( ରାମନାଥ ପଣ୍ଡା)
 ନୂଆପଡ଼ା ଜିଲ୍ଲା ବିଜୁ ପଟ୍ଟନାୟକ ସ୍ନାତକ ମହାବିଦ୍ୟାଳୟ ବୋଡ଼େନ ଠାରେ ଜାତୀୟ ସେବା ଯୋଜନା ଓ ସାଇବର ସୁରକ୍ଷା ଅଭିଯାନର କର୍ମକର୍ତ୍ତାଙ୍କ ଦ୍ଵାରା ସାଇବର ଠକାମୀ ପ୍ରତି ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।ମହାବିଦ୍ୟାଳୟର ଅଧ୍ୟକ୍ଷ ଅବନୀ କୁମାର ଖମାରୀଙ୍କ ସଭାପତିତ୍ବରେ ଅନୁଷ୍ଠିତ ସଭାରେ ସମ୍ମାନିତ ଅତିଥି ଓ ମୁଖ୍ୟ ବକ୍ତା ରୂପେ ବୋଡ଼େନ ଆଇ ଆଇ ସି ବି ରୁଦ୍ରିଆ , ଏ ଏସ ଆଇ ସରୋଜ କୁମାର ସ୍ବାଇଁ,କାର୍ଯ୍ୟକ୍ରମ ଅଧିକାରୀ ଡଃ କିଶୋର କୁମାର କର୍ଣ୍ଣ,ଅଧ୍ୟାପକ ଅତିକ ଅହମ୍ମଦ ଖାନ ପ୍ରମୁଖ ମଞ୍ଚାଷିନ ଥିଲେ ।ସାଇବର ଠକାମୀରୁ କିପରି ଦୂରେଇ ରହିବେ,ସାଇବର ଅପରାଧର କେମିତି ଶିକାର ନ ହେବେ ସେହି ବିଷୟରେ ମୁଖ୍ୟ ବକ୍ତା ପୁଙ୍ଖାନୁପୁଙ୍ଖ ଆଲୋଚନା କରି ସଚେତନ କରିଥିଲେ ।ସର୍ବ ସାଧାରଣ କିପରି ସାଇବର ଅପରାଧରୁ ସୁରକ୍ଷିତ ରହିବେ,ଆର୍ଥିକ କାରବାରରେ କିପରି ସତର୍କତା ଅବଲମ୍ବନ କରାଯାଇପାରିବ ସେଥି ପ୍ରତି ସତର୍କ କରାଯାଇଥିଲା ।ବର୍ତ୍ତମାନ ଦିନ ମାନଙ୍କରେ ବିଭିନ୍ନ ଦିଗରୁ ଲୋକେ କିପରି ସାଇବର ଅପରାଧର ଠକାମୀର ଶିକାର ହେଉଛନ୍ତି ତାହାକୁ ଦୃଷ୍ଟିରେ ରଖି ଏହି ସଚେତନତା ସଭାଟି କରାଯାଇଥିଲା ।ଆଜିର କାର୍ଯ୍ୟକ୍ରମରେ ମହାବିଦ୍ୟାଳୟର ସମସ୍ତ ଅଧ୍ୟାପକ ଅଧ୍ୟାପିକା ସମେତ ଛାତ୍ର ଛାତ୍ରୀ ମାନେ ସକ୍ରିୟ ଅଂଶ ଗ୍ରହଣ କରିଥିଲେ।